完整藏文原文 · 德格版页 当前仅加载第 52 函德格 299b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འཁོར་བར་གྱུར་ཏོ། །གལ་ཏེ་རྒྱལ་པོ་ཡབ་ལ་ཡང་ལས་ལྷག་མ་ཞེས་བྱ་བ་ཡོད་ན། ད་རྒྱལ་པོས་བསད་ཀྱང་སྡིག་པར་མི་འགྱུར་རོ། །རྒྱལ་པོ་ཆེན་པོ་རེ་ཞིག་མྱ་ངན་བསད་དུ་གསོལ། དེ་ཅིའི་ཕྱིར་ཞེ་ན། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །ཇི་ལྟར་
D119.052.0299b01.01གཉིད་ལ་དགའ་བ་ཡང་། །ཕྱིར་ཞིང་དེ་བཞིན་གཉིད་ཆེར་འགྱུར། །དེ་བཞིན་འདོད་ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་འཇིག་རྟེན་ན་ལུས་དང་སེམས་ཀྱི་ནད་གསོ་བའི་སྨན་པ་མཁས་པ་མེད་ཅེས་བྱར་མི་རུང་སྟེ། ད་ལྟར་སྟོན་པ་ཆེན་པོ་
D119.052.0299b02.01བེ་ར་ཏའི་བུ་ཀུན་རྒྱལ་ཞེས་བྱ་བ་ཐམས་ཅད་མཁྱེན་པ། ཐམས་ཅད་གཟིགས་པ། ཤེས་རབ་རྒྱ་མཚོ་ལྟར་ཤིན་ཏུ་ཟབ་ཅིང་ཡངས་པ། གཟི་བརྗིད་ཆེན་པོ་དང་ལྡན་པ། མངོན་པར་ཤེས་པ་ཆེན་པོ་དང་ལྡན་ཞིང་སེམས་ཅན་ཐམས་ཅད་ཐེ་ཙོམ་གྱི་དྲ་བ་ལས་ཡོངས་སུ་འདོན་པ།
D119.052.0299b03.01སེམས་ཅན་ཐམས་ཅད་ཀྱིས་མི་ཤེས་མི་མཐོང་མི་རྟོགས་པའི་ཆོས་ཐམས་ཅད་སྟོན་པ་ཆེན་པོ་དེ་གཅིག་པུས་མཁྱེན་ཅིང་གཟིགས་པས་ད་ལྟར་རྒྱལ་པོའི་ཁབ་ན་གནས་ཤིང་ཉེ་གནས་མང་པོ་ལ་འདི་སྐད་དུ་ཆོས་སྟོན་ཏོ། །འཁོར་མང་པོའི་ནང་དུ་གལ་ཏེ་རྒྱལ་པོ་དབང་དུ་གྱུར་པ་དག་
D119.052.0299b04.01ཡིད་བཞིན་དུ་དགེ་བ་དང་། སྡིག་པའི་ལས་བྱེད་པ་དེ་སྡིག་པ་མང་པོ་བྱས་ཀྱང་ཁ་ན་མ་ཐོ་བའི་སྡིག་པར་མི་འགྱུར་རོ། །དཔེར་ན་མེ་ཆེན་པོས་ཚིག་པ་ན་གཙང་བའམ་མི་གཙང་བ་ཞེས་བྱ་བ་མེད་དེ་རྒྱལ་པོ་ཡང་དེ་དང་འདྲའོ། །དཔེར་ན་ས་ཆེན་པོ་ནི་གཙང་བ་དང་མི་གཙང་བ་
D119.052.0299b05.01ཐམས་ཅད་ཀྱི་གནས་སུ་གྱུར་ཏེ། དེ་ལྟ་བུའི་ལས་བྱེད་ཀྱང་ཞེ་སྡང་བ་དང་དགའ་བ་མེད་དོ། །རྒྱལ་པོ་ཆེན་པོ་ཡང་ས་ཆེན་པོ་དང་འདྲ་སྟེ་ཞེ་སྡང་བ་དང་དགའ་བ་ཞེས་བྱ་བ་མེད་དོ། །དཔེར་ན་ཆུ་དང་བ་ནི་གཙང་བ་དང་མི་གཙང་བ་ཐམས་ཅད་བཀྲུས་ཀྱང་དེ་ལ་དགའ་བ་དང་མི་དགའ་
D119.052.0299b06.01བ་མེད་དེ་རྒྱལ་པོ་ཆེན་པོ་ཡང་ཆུ་དང་འདྲའོ། །དཔེར་ན་རླུང་ནི་གཙང་བ་དང་མི་གཙང་བ་ཐམས་ཅད་འཕྱག་གོ། །དེ་ལྟར་དེ་ལྟ་བུའི་ལས་བྱེད་ཀྱང་དེ་ལ་ནི་དགའ་བ་དང་མི་དགའ་བ་མེད་དེ་རྒྱལ་པོ་ཆེན་པོ་ཡང་རླུང་དང་འདྲའོ། །དཔེར་ན་སྟོན་ཤིང་བཅད་ན་དབྱར་ཕྱིར་སྐྱེའོ། །
D119.052.0299b07.01