完整藏文原文 · 德格版页 当前仅加载第 52 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །སྦྱིན་པ་ཡང་མེད། དགེ་བ་ཡང་མེད། ཕ་ཡང་མེད། མ་ཡང་མེད། ད་ལྟར་ཡང་མེད། འདས་པ་ཡང་མེད། དགྲ་བཅོམ་པ་ཡང་མེད། བསྒོམ་པ་ཡང་མེད། ལམ་ཡང་མེད་དེ། སེམས་ཅན་ཐམས་ཅད་བསྐལ་པ་བརྒྱ་ཁྲི་འདས་ནས་སྐྱེ་ཤིའི་འཁོར་ལོ་ལས་རང་རྣམ་པར་གྲོལ་
D119.052.0304a01.01བར་འགྱུར་ཏེ། སྡིག་པ་དང་བཅས་པ་དང་སྡིག་པ་མེད་པ་ཡང་ཐམས་ཅད་དེ་དང་འདྲའོ། །དཔེར་ན་ཀླུང་ཆེན་པོ་བཞི་སྟེ། སིནྡུ་དང་། གང་གཱ་དང་། པཀྵུ་དང་། སི་ཏ་ཞེས་བྱ་བ་བཞི་ཅར་ཡང་རྒྱ་མཚོ་ཆེན་པོར་འབབ་སྟེ་ཁྱད་པར་མེད་དོ། །སེམས་ཅན་ཐམས་ཅད་ཀྱང་དེ་དང་འདྲ་སྟེ། རྣམ་པར་
D119.052.0304a02.01གྲོལ་བའི་དུས་ན་ཐམས་ཅད་ཁྱད་པར་མེད་དོ། །ཞེས་སྟོན་པའི་སྟོན་པ་ཆེན་པོ་དེ་ད་ལྟར་རྒྱལ་པོའི་ཁབ་ན་བཞུགས་ཀྱིས། རྒྱལ་པོ་ཆེན་པོ་དེའི་གན་དུ་མྱུར་དུ་བཞུད་ཅིག་དང་། དེ་དང་ཕྲད་ན་ཁ་ན་མ་ཐོ་བའི་ལས་འབྱང་བར་འགྱུར་རོ། །རྒྱལ་པོས་སྨྲས་པ། དེ་ལྟར་བདག་གི་ཁ་ན་མ་ཐོ་བ་
D119.052.0304a03.01ཡང་དག་པར་འབྱང་ན་ལྟ་དེ་ལ་སྐྱབས་སུ་འགྲོ་བར་བྱའོ། །དེའི་ཚེ་སྨན་པ་ཆེན་པོ་འཚོ་བྱེད་ཅེས་བྱ་བ་རྒྱལ་པོ་ཆེན་པོའི་དྲུང་དུ་འོངས་ནས་རྒྱལ་པོ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བདེ་བར་ཉལ་ལམ་ཞེས་སྨྲས་ནས། དེ་ལ་རྒྱལ་པོས་ཚིགས་སུ་བཅད་པ་འདི་དག་སྨྲས་སོ། །ཀུན་
D119.052.0304a04.01ནས་ཉོན་མོངས་པ་ཐམས་ཅད། །གང་གིས་ཡོངས་སུ་གཅོད་ནུས་ལ། །འཇིག་རྟེན་གསུམ་ན་མ་ཆགས་ན། །དེ་དག་བདེ་བར་ཉལ་བར་འགྱུར། །གང་གིས་མྱ་ངན་འདའ་བ་ཡི། །ཤིན་ཏུ་ཟབ་མོའི་དོན་སྟོན་པ། །བྲམ་ཟེ་ཡང་དག་པ་དེ་ནི། །ཤིན་ཏུ་བདེ་བར་ཉལ་བར་འགྱུར། །ལུས་ཀྱི་
D119.052.0304a05.01ཉེས་པ་གང་ཡང་མེད། །ངག་གི་ཉེས་པ་བཞི་ཡང་སྤངས། །སེམས་ལ་ཐེ་ཚོམ་གང་མེད་པ། །དེ་དག་བདེ་བར་ཉལ་བར་འགྱུར། །ལུས་དང་སེམས་ནི་མ་གདུངས་ཤིང་། །རབ་ཏུ་ཞི་ལ་བདེ་གནས་ན། །བླ་མེད་བདེ་བ་ཐོབ་འགྱུར་ཞིང་། །ཤིན་ཏུ་བདེ་བར་ཉལ་བར་འགྱུར། །སེམས་
D119.052.0304a06.01ནི་ཅི་ལའང་མ་ཆགས་ཤིང་། །འཁོན་དུ་འགྱུར་བ་ཡོངས་སྤངས་ནས། །རྟག་ཏུ་འདུམ་ལ་མི་རྩོད་པ། །དེ་ནི་བདེ་བར་ཉལ་བར་འགྱུར། །གང་ཞིག་སྡིག་པ་མི་བྱེད་ལ། །ཁྲེལ་ཞིང་འཛེམ་པའི་སེམས་ལྡན་ཏེ། །རྣམ་པར་སྨིན་ལ་ཡིད་ཆེས་ན། །དེ་ནི་བདེ་བར་ཉལ་བར་འགྱུར། །ཕ་དང་
D119.052.0304a07.01