完整藏文原文 · 德格版页 当前仅加载第 52 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་ཕྱི་བཞིན་དུ་འབྲང་སྟེ་རྟག་ཏུ་མི་འབྲལ་ལོ། །འོད་སྲུང་ན་བའི་རྒྱུ་དང་རྐྱེན་ནི་འདི་ལྟ་སྟེ། སྡུག་བསྔལ་བ་དང་། འཁྲུག་པ་དང་། སློས་པའི་མྱ་ངན་དང་། སྨྲེ་སྔགས་འདོན་པ་དང་། ལུས་དང་སེམས་མི་བདེ་བར་བྱེད་པ་སྟེ། དགྲ་མ་རུངས་པས་ཉེན་པ་
D119.052.0192b01.01ཞེས་ཀྱང་བྱ། རྐྱལ་པ་འདྲལ་བ་ཞེས་ཀྱང་བྱ། ཟམ་པ་འཇིག་པ་ཞེས་ཀྱང་བྱ། ཡང་དག་པའི་དྲན་པ་འཕྲོག་པ་ཞེས་ཀྱང་བྱ། གཞན་ཡང་གཞོན་དར་བའི་མདོག་བཟང་པོ་དང་། མཐུ་སྟོབས་དང་། བདེ་བ་མ་རུང་བར་བྱེད་པ་ཞེས་ཀྱང་བྱའོ། །ཁྲེལ་དང་ངོ་ཚ་
D119.052.0192b02.01མེད་པ་ལུས་དང་སེམས་འབར་ཞིང་ཚིག་པར་བྱེད་པ་སྟེ། དཔེ་འདི་དག་དང་དེ་མ་ཡིན་པ་གཞན་ཡང་དཔེ་ཚད་མེད་དཔག་ཏུ་མེད་པ་བསྟན་པའི་སྒོ་ནས་ན་བའི་སྡུག་བསྔལ་ནི་སྡུག་བསྔལ་ཆེན་པོ་ཡིན་པར་རིག་པར་བྱའོ། །འོད་སྲུང་དེ་ནི་བྱང་ཆུབ་སེམས་དཔའ་སེམས་དཔའ་ཆེན་
D119.052.0192b03.01པོས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་སྤྱོད་པ་ན་ན་བའི་སྡུག་བསྔལ་རྟོགས་པ་ཞེས་བྱའོ། །འོད་སྲུང་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་སྤྱོད་པ་ན་འཆི་བའི་
D119.052.0192b04.01སྡུག་བསྔལ་རྟོགས་པ་ཡིན་ཞེ་ན། འདི་ལྟ་སྟེ། འཆི་བ་ཞེས་བྱ་བ་ནི་ཚིག་ཅིང་མེད་པར་བྱེད་པའོ། །འོད་སྲུང་འདི་ལྟ་སྟེ། མེའི་བསྐལ་པ་བྱུང་བ་ན་བསམ་གཏན་གཉིས་པ་མ་གཏོགས་པར་གཞན་ཐམས་ཅད་ཚིག་པར་བྱེད་པའོ། །རིགས་ཀྱི་བུ་འཆི་བའི་སེམས་
D119.052.0192b05.01ཀྱང་ཐམས་ཅད་མེད་པར་བྱེད་དེ། བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པའི་མཐུ་སྟོབས་དང་ལྡན་པ་ནི་མ་གཏོགས་སོ། །འོད་སྲུང་འདི་ལྟ་སྟེ། ཆུའི་བསྐལ་པས་བཀྲུ་བ་ན་ཐམས་ཅད་བཀྲུས་
D119.052.0192b06.01ཏེ་མེད་པར་བྱེད་ན་བསམ་གཏན་གསུམ་པ་ནི་མ་གཏོགས་སོ། །རིགས་ཀྱི་བུ་འཆི་བའི་ཆུ་ཡང་དེ་དང་འདྲ་སྟེ། ཐམས་ཅད་བཀྲུ་སྟེ་མེད་པར་བྱེད་ན་བྱང་ཆུབ་སེམས་དཔའ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལ་གནས་པ་ནི་མ་གཏོགས་སོ། །འོད་
D119.052.0192b07.01