完整藏文原文 · 德格版页 当前仅加载第 52 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
བདེན་པ་དང་བཅས། ཡང་དག་པ་དང་བཅས་སོ། །རིགས་ཀྱི་བུ་དེ་བཞིན་གཤེགས་པ་ནི་སྡུག་བསྔལ་མ་ཡིན། བདེན་པ་མ་ཡིན་ཏེ། ཡང་དག་པ་ཡིན་ནོ། །སྟོང་པ་ཉིད་ཀྱང་སྡུག་བསྔལ་མ་ཡིན། བདེན་པ་མ་ཡིན་ཏེ། ཡང་དག་པ་ཡིན་ནོ། །སངས་
D119.052.0211b01.01རྒྱས་ཀྱི་རང་བཞིན་ཡང་སྡུག་བསྔལ་མ་ཡིན། བདེན་པ་མ་ཡིན་ཏེ། ཡང་དག་པ་ཡིན་ནོ། །འཇམ་དཔལ་སྡུག་བསྔལ་ཞེས་བྱ་བ་ནི་མི་རྟག་པའི་མཚན་ཉིད། གཅད་དུ་རུང་བའི་མཚན་ཉིད་དེ། དེ་བས་ན་ཡང་དག་པའི་བདེན་པ་ཞེས་མི་བྱའོ། །དེ་བཞིན་
D119.052.0211b02.01གཤེགས་པ་ཉིད་ནི་སྡུག་བསྔལ་མ་ཡིན། མི་རྟག་པ་མ་ཡིན། གཅད་དུ་རུང་བ་མ་ཡིན་ཏེ། དེ་བས་ན་ཡང་དག་པ་ཞེས་བྱ་སྟེ། ནམ་མཁའ་དང་སངས་རྒྱས་ཀྱི་རང་བཞིན་ཡང་དེ་བཞིན་དུ་རིག་པར་བྱའོ། །རིགས་ཀྱི་བུ་གཞན་ཡང་ཀུན་འབྱུང་ཞེས་བྱ་བ་ནི་ཕུང་
D119.052.0211b03.01པོ་ལྔ་འདུས་ཤིང་སྐྱེ་བར་བྱེད་པས་སྡུག་བསྔལ་ཞེས་ཀྱང་བྱ། མི་རྟག་པ་ཞེས་ཀྱང་བྱ། གཅད་དུ་རུང་བ་སྟེ། ཡང་དག་པའི་བདེན་པ་ཞེས་མི་བྱའོ། །རིགས་ཀྱི་བུ་དེ་བཞིན་གཤེགས་པ་ནི་ཀུན་འབྱུང་གི་མཚན་ཉིད་མ་ཡིན། ཕུང་པོའི་རྒྱུ་མ་ཡིན། གཅད་དུ་
D119.052.0211b04.01རུང་བའི་མཚན་ཉིད་མ་ཡིན་ཏེ། དེ་བས་ན་ཡང་དག་པ་ཞེས་བྱ་སྟེ། ནམ་མཁའ་དང་། སངས་རྒྱས་ཀྱི་རང་བཞིན་ཡང་དེ་བཞིན་དུ་རིག་པར་བྱའོ། །རིགས་ཀྱི་བུ་འགོག་པ་ཞེས་བྱ་བ་ནི་ཉོན་མོངས་པ་འགོག་པ་སྟེ། རྟག་པ་ཡང་ཡིན། མི་རྟག་པ་ཡང་ཡིན་ནོ། །ཐེག་
D119.052.0211b05.01པ་གཉིས་ཀྱིས་འཐོབ་པ་ནི་མི་རྟག་པ་ཞེས་བྱའོ། །སངས་རྒྱས་རྣམས་ཀྱིས་འཐོབ་པ་ནི་རྟག་པ་ཞེས་ཀྱང་བྱ། རང་གིས་རིག་པའི་ཆོས་ཞེས་ཀྱང་བྱ་སྟེ། ཡང་དག་པའི་བདེན་པ་ཞེས་བྱའོ། །རིགས་ཀྱི་བུ་དེ་བཞིན་གཤེགས་པ་ཉིད་ནི་འགོག་པ་ཞེའམ། ཉོན་མོངས་
D119.052.0211b06.01པ་འགོག་པ་ཞེས་ཀྱང་མི་བྱ། རྟག་པ་དང་། མི་རྟག་པ་ཡང་མ་ཡིན། རང་གིས་རིག་པ་ཡང་མ་ཡིན། རྟག་པ་གནས་པ་མི་འགྱུར་བ་སྟེ། དེ་བས་ན་ཡང་དག་པ་ཞེས་བྱའོ། །ནམ་མཁའ་དང་། སངས་རྒྱས་ཀྱི་རང་བཞིན་ཡང་དེ་བཞིན་དུ་རིག་པར་བྱའོ། །
D119.052.0211b07.01