完整藏文原文 · 德格版页 当前仅加载第 52 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་བླ་ན་མེད་པའོ། །དཔེར་ན་བྱང་ཕྱོགས་ནི་ཕྱོགས་ཐམས་ཅད་ཀྱི་བླ་མའོ། །རྣམ་པར་གྲོལ་བ་ཡང་དེ་དང་འདྲ་སྟེ་བླ་ན་མེད་པའོ། །བླ་ན་མེད་པ་ནི་ཡང་དག་པར་རྣམ་པར་གྲོལ་
D119.052.0077b01.01བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་བླ་ན་མེད་པའི་ཡང་བླ་ན་མེད་པའོ། །དཔེར་ན་བྱང་ཕྱོགས་ནི་ཤར་ཕྱོགས་ཀྱི་བླ་ན་མེད་པའི་ཡང་བླ་ན་མེད་པའོ། །རྣམ་པར་གྲོལ་བ་ཡང་དེ་དང་འདྲ་སྟེ། བླ་ན་མེད་པའི་
D119.052.0077b02.01ཡང་བླ་ན་མེད་པའོ། །བླ་ན་མེད་པའི་ཡང་བླ་ན་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་རྟག་པའི་ཆོས་ཅན་ནོ། །དཔེར་ན་ལྷ་དང་མི་ནི་ལུས་ཞིག་སྟེ་ཚེ་འཕོ་བའི་ཆོས་
D119.052.0077b03.01ལ་མི་རྟག་སྟེ། རྟག་པ་མ་ཡིན་ནོ། །རྣམ་པར་གྲོལ་བ་ནི་དེ་དང་འདྲ་སྟེ། མི་རྟག་པ་མ་ཡིན་ནོ། །མི་རྟག་པ་མ་ཡིན་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་སྲ་བའི་
D119.052.0077b04.01སྙིང་པོ་ཅན་ནོ། །འདི་ལྟ་སྟེ། སེང་ལྡེང་དང་། ཙན་དན་དང་། ཨ་ག་རུ་ནི་རང་བཞིན་གྱིས་སྲ་བའོ། །རྣམ་པར་གྲོལ་བ་ཡང་དེ་དང་འདྲ་སྟེ། རང་བཞིན་གྱིས་སྲ་བ་བརྟན་པའོ། །རང་བཞིན་གྱིས་སྲ་བ་བརྟན་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་
D119.052.0077b05.01གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་གསོ་བ་མ་ཡིན་པ་ཞེས་བྱའོ། །དཔེར་ན་འདམ་བུ་དང་སྨྱུག་མ་ནི་ཁོང་སྟོང་པས་གསོབ་བོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། དེ་བས་ན་རྣམ་པར་གྲོལ་བ་ཉིད་དེ་བཞིན་གཤེགས་པ་ཡིན་པར་རིག་
D119.052.0077b06.01པར་བྱའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་ཅིས་ཀྱང་མི་གོས་པའོ། །དཔེར་ན་རྩིག་པ་ཕྱི་བདར་མ་བྱས་ན། སྲིན་བུ་དང་སྦྲང་བུ་དག་དེ་ལ་གནས་ཤིང་རྒྱུའོ། །གལ་ཏེ་འཇི་བས་བསྐུས་ལ་རི་མོས་བྲིས་ན་སྲིན་བུ་དག་ཚོན་རྩིའི་དྲི་ཚོར་ནས་མི་གནས་སོ། །དེ་ལྟར་མི་
D119.052.0077b07.01