完整藏文原文 · 德格版页 当前仅加载第 52 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེ་རིང་ཉིད་མྱུར་དུ་གཤེགས་པར་སྨོན་ཏོ། །དེ་ནས་རྒྱལ་པོས་བློན་པོ་བཀྲ་ཤིས་ཞེས་བྱ་བ་བཀུག་ནས་འདི་སྐད་ཅེས་བཀའ་སྩལ་ཏོ། །འདི་ལྟར་རིག་པར་གྱིས་ཤིག །བདག་དེང་སངས་རྒྱས་བཅོམ་ལྡན་འདས་ཀྱི་སྤྱན་སྔར་འགྲོ་ཡིས་མྱུར་དུ་མཆོད་པའི་ཡོ་བྱད་དང་
D119.052.0318a01.01དགོས་སོ་ཅོག་སྦྱོར་ཅིག །བློན་པོས་གསོལ་པ། རྒྱལ་པོ་ཆེན་པོ་ལེགས་སོ་ལེགས་སོ། །ཡོ་བྱད་ཅི་བཞེད་དོ་འཚལ་ཐམས་ཅད་མཆིས་སོ། །དེ་ནས་རྒྱལ་པོ་མ་སྐྱེས་དགྲ་བཙུན་མོ་དང་བཅས་ཏེ་ཤིང་རྟ་རབ་ཏུ་བརྒྱན་པ་ཁྲི་ཉིས་སྟོང་དང་། བལ་གླང་བཟང་ཞིང་རབ་ཏུ་ཆེ་བ་ལྔ་ཁྲི་ཡང་
D119.052.0318a02.01ཆས་སོ། །བལ་གླང་དེ་རེ་རེའི་སྟེང་ཡང་མི་གསུམ་གསུམ་ཞོན་ཏེ། གདུགས་དང་བ་དན་དང་མེ་ཏོག་དང་སྤོས་དང་རོལ་མོའི་ཆ་བྱད་ཐོགས་ཏེ། མཆོད་པའི་ཡོ་བྱད་རྣམ་པ་སྣ་ཚོགས་མ་འབྱོར་པ་མེད་དོ། །རྟ་བའི་ཚོགས་ཁྲི་ཕྲག་{བཅྭ་,བཅོ་}བརྒྱད་དང་། ཡུལ་དབུས་འགྱུར་འཆང་ན་གནས་པའི་
D119.052.0318a03.01མི་ཁྲི་ཕྲག་ལྔ་བཅུ་རྩ་བརྒྱད་སྙེད་ཀྱང་རྒྱལ་པོའི་ཞབས་འབྲིང་དུ་ཆས་སོ། །དེའི་ཚེ་རྩྭ་མཆོག་གི་གྲོང་ཁྱེར་ན་འཁོར་མང་པོ་དཔག་ཚད་བཅུ་གཉིས་ཀྱི་བར་གང་བ་ཀུན་གྱིས་རྒྱང་མ་ནས་རྒྱལ་པོ་མ་སྐྱེས་དགྲ་འཁོར་དང་བཅས་ཏེ་འོང་བ་མཐོང་ངོ་། །དེ་ནས་བཅོམ་ལྡན་འདས་ཀྱིས་འཁོར་མང་
D119.052.0318a04.01པོ་རྣམས་ལ་བཀའ་སྩལ་པ། སེམས་ཅན་ཐམས་ཅད་ཀྱི་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་དང་ཉེ་བའི་རྒྱུར་གྱུར་པའི་དགེ་བའི་བཤེས་གཉེན་ལས་འདའ་བ་མེད་དོ། །དེ་ཅིའི་ཕྱིར་ཞེ་ན། རྒྱལ་པོ་མ་སྐྱེས་དགྲས་གལ་ཏེ་འཚོ་བྱེད་ཀྱི་ངག་མ་མཉན་ན། ཟླ་བ་ཕྱི་
D119.052.0318a05.01མ་ཚེས་ཞག་བདུན་ལ་གདོན་མི་ཟ་བར་ཚེའི་དུས་བྱས་ནས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །དེ་བས་ན་ཉེ་བའི་རྒྱུར་གྱུར་པ་ནི་དགེ་བའི་བཤེས་གཉེན་ལས་འདའ་བ་མེད་དོ། །རྒྱལ་པོ་མ་སྐྱེས་དགྲ་ལམ་དུ་ཞུགས་པ་ན་ཡང་འདི་སྐད་ཅེས་ཐོས་སོ། །ཡུལ་མཉན་དུ་ཡོད་པའི་
D119.052.0318a06.01རྒྱལ་པོ་བཻ་དཱུརྱ་ཞེས་བྱ་བ་གྲུར་ཞུགས་ཏེ་རྒྱ་མཚོར་ཞུགས་པ་ཡང་མེས་ཚིག་གོ། །དགེ་སློང་ཀུ་ཀ་རི་གསོན་པོར་སར་ནུབ་སྟེ་མཚམས་མེད་པའི་སེམས་ཅན་དམྱལ་བར་ལྷུང་ངོ་། །སུ་ན་ཙ་ཏ་ཞེས་བྱ་བ་མི་དགེ་བ་རྣམ་པ་སྣ་ཚོགས་བྱས་ནས་སངས་རྒྱས་ཀྱི་སྤྱན་སྔར་ཕྱིན་པ་དང་། སྡིག་པ་ཐམས་
D119.052.0318a07.01