完整藏文原文 · 德格版页 当前仅加载第 52 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱའོ། །དོན་འདི་དག་ཀྱང་མདོ་སྡེ་དེ་དག་ལས་ངས་མ་གསུངས་སོ། །རིགས་ཀྱི་བུ་གང་ཁམས་ཤེས་པ་ནི་ཡན་ལག་ཅེས་བྱ། མཚན་ཉིད་ཅེས་ཀྱང་བྱ། སྡུག་བསྔལ་བ་ཞེས་ཀྱང་བྱ་སྟེ། དེ་ནི་ཤེས་རབ་འབྲིང་ཞེས་བྱའོ། །ཁམས་རྣམས་ལ་མཚན་
D119.052.0208b01.01ཉིད་ཚད་མེད་པར་ཕྱེ་སྟེ། ཐམས་ཅད་སྡུག་བསྔལ་བ། ཉན་ཐོས་དང་རང་སངས་རྒྱས་རྣམས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་ཅེས་བྱའོ། །རིགས་ཀྱི་བུ་དོན་འདི་དག་ཀྱང་མདོ་སྡེ་དེ་དག་ལས་ངས་མ་གསུངས་སོ། །རིགས་ཀྱི་བུ་གཟུགས་
D119.052.0208b02.01འཇིག་པའི་མཚན་ཉིད་དུ་ཤེས་པ་ནི་ཤེས་རབ་འབྲིང་ཞེས་བྱའོ། །གཟུགས་ལ་མཚན་ཉིད་རྣམ་པ་སྣ་ཚོགས་སུ་ཕྱེ་སྟེ། ཐམས་ཅད་སྡུག་བསྔལ་བ། ཉན་ཐོས་དང་རང་སངས་རྒྱས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་ཅེས་བྱ་སྟེ། དོན་འདི་ཡང་
D119.052.0208b03.01མདོ་སྡེ་དེ་དག་ལས་ངས་མ་གསུངས་སོ། །རིགས་ཀྱི་བུ་ཚོར་བ་ལ་ཚོར་བའི་མཚན་ཉིད་དུ་ཤེས་པ་ནི་ཤེས་རབ་འབྲིང་ཞེས་བྱའོ། །ཚོར་བ་ལ་མཚན་ཉིད་རྣམ་པ་སྣ་ཚོགས་སུ་ཕྱེ་སྟེ། ཉན་ཐོས་དང་རང་སངས་རྒྱས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་
D119.052.0208b04.01ཅེས་བྱ་སྟེ། རིགས་ཀྱི་བུ་དོན་འདི་ཡང་མདོ་སྡེ་དེ་དག་ལས་ངས་མ་གསུངས་སོ། །རིགས་ཀྱི་བུ་འདུ་ཤེས་ལ་ལེན་པའི་མཚན་ཉིད་དུ་ཤེས་པ་ནི་ཤེས་རབ་འབྲིང་ཞེས་བྱའོ། །འདུ་ཤེས་ལ་ལེན་པའི་མཚན་ཉིད་རྣམ་པ་སྣ་ཚོགས་སུ་ཕྱེ་སྟེ། ཉན་ཐོས་དང་རང་སངས་
D119.052.0208b05.01རྒྱས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་ཅེས་བྱ་སྟེ། དོན་འདི་ནི་མདོ་སྡེ་དེ་དག་ལས་ཀྱང་ངས་མ་གསུངས་སོ། །རིགས་ཀྱི་བུ་འདུ་བྱེད་ལ་བྱེད་པའི་མཚན་ཉིད་དུ་ཤེས་པ་ནི་ཤེས་རབ་འབྲིང་ཞེས་བྱའོ། །འདུ་བྱེད་ལ་བྱེད་པའི་མཚན་ཉིད་རྣམ་པ་སྣ་
D119.052.0208b06.01ཚོགས་སུ་ཕྱེ་སྟེ། ཉན་ཐོས་དང་རང་སངས་རྒྱས་ཀྱིས་ཤེས་པར་འགྱུར་བའི་མཚན་ཉིད་མ་ཡིན་པ་ནི་ཡེ་ཤེས་རབ་ཅེས་བྱའོ། །རིགས་ཀྱི་བུ་དོན་འདི་ནི་མདོ་སྡེ་དག་ལས་ཀྱང་ངས་མ་གསུངས་སོ། །རིགས་ཀྱི་བུ་རྣམ་པར་ཤེས་པ་ལ་བྱེ་བྲག་འབྱེད་པའི་མཚན་ཉིད་དུ་ཤེས་
D119.052.0208b07.01