完整藏文原文 · 德格版页 当前仅加载第 52 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་གང་ཟག་དེ་དག་ཆོས་མ་ཡིན་པ་མང་དུ་སྤྱོད་ཅིང་མཆོད་པ་དང་། རིམ་གྲོ་བྱེད་པ་མེད་པ་མཐོང་བས་གང་ཟག་དེ་ལ་མཆོད་པར་བྱེད་པས་སེམས་ན་སྔར་དེ་ལ་འདི་སྐད་དུ་བཙུན་པ་མ་བརྟགས་པའི་དངོས་པོ་བརྒྱད་སྤྱོད་དམ། སངས་རྒྱས་ཀྱིས་
D119.052.0098a01.01གནང་ངམ་ཞེས་དྲིས་ཤིག །གལ་ཏེ་སངས་རྒྱས་ཀྱིས་གནང་ཞེས་ཟེར་ན། གང་ཟག་དེ་དང་ལྷན་ཅིག་གསོ་སྦྱིན་དང་། གསོལ་བ་དང་། ཞུ་བའི་ལས་དང་། ཚུལ་ནས་འབྱུང་བའི་ལས་བྱར་རུང་ངམ་མི་རུང་ཞེས་དྲིས་ཤིག །དགེ་བསྙེན་གྱིས་དེ་སྐད་དྲིས་ཏེ་དགེ་
D119.052.0098a02.01འདུན་དག་འདི་སྐད་དུ་འདི་ལྟར་མ་བརྟགས་པའི་དངོས་པོ་བརྒྱད་པོ་ནི་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་བདག་ཅག་འཆང་ཞིང་སྤྱོད་དུ་གནང་ངོ་ཞེས་ཟེར་ན། དགེ་བསྙེན་གྱིས་འདི་སྐད་དུ་གཙུག་ལག་ཁང་མཚམས་གཅིག་གི་དགེ་སློང་ལས་ཁ་ཅིག་ནི་
D119.052.0098a03.01གསེར་དང་དངུལ་ལ་སོགས་པ་སངས་རྒྱས་ཀྱིས་སྤྱོད་དུ་གནང་ངོ་ཞེས་ཟེར་རོ། །ཁ་ཅིག་ནི་མི་གནང་ངོ་ཞེས་ཟེར་ཏེ། གནང་ངོ་ཞེས་ཟེར་བ་དང་། མི་གནང་ངོ་ཞེས་སྨྲ་བ་དང་ལྷན་ཅིག་ཏུ་གནས་པར་ཡང་མི་བྱ། གསོ་སྦྱོང་དང་ཚུལ་ནས་འབྱུང་བའི་ལས་ཀྱང་མི་བྱ།
D119.052.0098a04.01ཆུང་ངུ་ན་ཆུ་མིག་གཅིག་ཏུ་ཆུ་ཡང་མི་བཏུང་ཞིང་འཚོ་བའི་ཡོ་བྱད་ཐུན་མོང་དུ་མི་སྤྱོད་དོ་ཞེས་གསུངས་ན། ཅིའི་ཕྱིར་ཁྱེད་ཀྱིས་སངས་རྒྱས་ཀྱིས་གནང་བ་སྐད་དུ་སྨྲ། བཅོམ་ལྡན་འདས་ལྷའི་ནང་ན་ལྷ་ཅི་སྟེ་སྤྱོད་ཅིང་འཆང་དུ་གནང་ན་ཁྱེད་དགེ་འདུན་གྱིས་སྤྱོད་པར་མ་འོས་
D119.052.0098a05.01སོ། །ཅི་སྟེ་སྤྱོད་པར་གྱུར་ན་གསོ་སྦྱོང་དང་ཚུལ་ནས་འབྱུང་བ་དང་། གསོལ་བ་དང་། ཞུ་བ་དང་། དགེ་འདུན་གྱིས་བྱ་བའི་ལས་ཀྱི་བར་དུ་བྱེད་པར་མ་འོས་སོ། །ཅི་སྟེ་གསོ་སྦྱོང་དང་། ཚུལ་ནས་འབྱུང་བ་དང་། གསོལ་བ་དང་ཞུ་བ་དང་། དགེ་འདུན་གྱི་ལས་ལྷན་ཅིག་ཏུ་
D119.052.0098a06.01བྱས་ན་ཚེ་འཕོས་མ་ཐག་ཏུ་སེམས་ཅན་དམྱལ་བར་ལྟུང་སྟེ། ཇི་ལྟར་བུས་པ་དག་ཤིང་ཏོག་ཀཱ་ལ་ཀ་ཟོས་ནས་ཤི་བ་བཞིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། གྲོང་ངམ་ཚོང་དུས་ན་སྨན་འཚོང་བ་གངས་ལ་སྐྱེས་པའི་སྨན་བཟང་པོ་ཞིག་འཚོང་ན་ཉོ་བ་ཡང་མང་ངོ་། །
D119.052.0098a07.01