完整藏文原文 · 德格版页 当前仅加载第 52 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔས་ཤེས་པ། མཐོང་བ། རྟོགས་པ་ཞེས་བྱའོ། །རིགས་ཀྱི་བུ་གལ་ཏེ་ངའི་ཉེ་གནས་ལས་མདོ་སྡེ་བཅུ་གཉིས་ཀློག་པ་དང་། འདོན་པ་དང་། འཆང་བ་དང་། འཛིན་པ་དང་། གླེགས་བམ་དུ་འདྲི་བ་དང་། གཞན་དག་ལ་རྒྱ་ཆེ་བར་སྟོན་ཅིང་འཆད་པ་དང་། ཡོངས་སུ་མྱ་ངན་ལས་འདས་
D119.052.0287b01.01པ་ཆེན་པོའི་མདོ་འདོན་པ་དང་། ཀློག་པ་དང་། འཆང་བ་དང་། འཛིན་པ་དང་། གླེགས་བམ་དུ་འདྲི་བ་དང་། གཞན་ལ་རྒྱས་པར་སྟོན་ཅིང་འཆད་པར་འདྲའོ་ཞེས་བྱ་བ་མི་རུང་ངོ་། །དེ་ཅིའི་ཕྱིར་ཞེ་ན། རིགས་ཀྱི་བུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ནི་སངས་རྒྱས་བཅོམ་ལྡན་
D119.052.0287b02.01འདས་ཐམས་ཅད་ཀྱི་དགོངས་པའི་དོན་ཟབ་མོའོ། །སངས་རྒྱས་བཅོམ་ལྡན་འདས་རྣམས་ཀྱི་དགོངས་པའི་དོན་ཟབ་མོ་ཡིན་པས་ན་མཆོག་ཏུ་གྱུར་པ་ཡིན་ནོ། །རིགས་ཀྱི་བུ་དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་ནི་ངོ་མཚར་རྨད་དུ་ཆེ་བ་སྟེ། བསམ་གྱིས་མི་ཁྱབ་པའོ། །
D119.052.0287b03.01དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཀྱང་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་ནི་ངོ་མཚར་རྨད་དུ་ཆེ་བ་སྟེ། བསམ་གྱིས་མི་ཁྱབ་བོ་སྙམ་དུ་བགྱིད་དོ། །སངས་རྒྱས་དང་། ཆོས་དང་། དགེ་འདུན་ཡང་
D119.052.0287b04.01བསམ་གྱིས་མི་ཁྱབ། བྱང་ཆུབ་སེམས་དཔའི་བྱང་ཆུབ་དང་། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཡང་བསམ་གྱིས་མི་ཁྱབ་བོ་སྙམ་བགྱིད་དོ། །བཅོམ་ལྡན་འདས་དོན་ཅི་ཞིག་གི་སླད་དུ་བྱང་ཆུབ་སེམས་དཔའ་ཡང་བསམ་གྱིས་མི་ཁྱབ་བོ་ཞེས་གསུངས། བཅོམ་
D119.052.0287b05.01ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སུས་ཀྱང་མ་བསྟན་པར་རང་བྱང་ཆུབ་ཏུ་སེམས་བསྐྱེད་དོ། །དེ་ལྟར་སེམས་བསྐྱེད་ནས་ཤིན་ཏུ་བརྩོན་འགྲུས་རྩོམ་པས་གལ་ཏེ་མེ་ཆེན་པོས་ལུས་དང་། མགོ་ཚིག་ཀྱང་ཆོས་རྗེས་སུ་དྲན་
D119.052.0287b06.01པ་བཏང་སྟེ། མེ་གསོད་པར་མི་བྱེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་འདི་སྙམ་དུ་སེམས་ཏེ། བདག་བསྐལ་པ་གྲངས་མེད་ཚད་མེད་པའི་བར་དུ་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་དང་། ལྷ་དང་།
D119.052.0287b07.01