完整藏文原文 · 德格版页 当前仅加载第 52 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པར་ལྟ་བ་ལོག་པ་ཅན་ཞེ་འམ། གཞན་ཡང་དེ་བཞིན་གཤེགས་པ་ནི་དགྲ་དང་། གཉེན་ལ་མཉམ་པར་དགོངས་ཏེ། མཚོན་གྱིས་བཏབ་བམ། བྱུག་སྤོས་ཀྱིས་བསྐུས་ཀྱང་དེ་གཉིས་ཀ་ལ་ཕན་པའམ། གནོད་པའི་ཐུགས་མི་མངའ་སྟེ་དབུ་
D119.052.0105a01.01མར་གནས་པས། དེ་བཞིན་གཤེགས་པའོ་ཞེས་དེ་སྐད་དུ་མདོ་སྡེའམ། འདུལ་བ་ལས་འབྱུང་ན་དེ་ནི་བདུད་ཀྱིས་བསྟན་པ་ཡིན་པར་རིག་པར་བྱའོ། །དེ་ལ་གང་འདི་སྐད་དུ་བྱང་ཆུབ་སེམས་དཔའ་ནི་དེ་ལྟར་ཐབས་ཀྱིས་ལྷའི་རྟེན་དུ་འགྲོ་བ་དང་། མུ་སྟེགས་ཅན་གྱི་ཆོས་ལས་
D119.052.0105a02.01རབ་ཏུ་བྱུང་ནས་སློབ་པ་ལ་འཇུག་པ་བསྟན་པ་དང་། སྤྱོད་ལམ་དང་། དཀའ་ཐུབ་དང་། ཆོག་ཤེས་པར་བསྟན་པ་དང་། ཚིག་དང་སྨྲ་བ་ལས་རྒྱལ་བ་ཐམས་ཅད་ཤེས་པར་བྱ་བའི་ཕྱིར་ཡི་གེའི་གྲྭར་སློབ་པ་བསྟན་པ་དང་། འཐབ་ཅིང་རྩོད་པར་འགྱུར་བའི་
D119.052.0105a03.01སྡུམས་བྱེད་པ་བསྟན་པ་དང་། འཁོར་མང་པོ་དང་། ཁྱེའུ་དང་། བུ་མོ་དང་། བཙུན་མོ་དང་། ཕོ་བྲང་གི་སླས་དང་། ཁྱིམ་བདག་དང་། ཚོང་དཔོན་དང་། བྲམ་ཟེ་ལ་སོགས་པ་རྒྱལ་པོ་དང་། བློན་པོ་ཆེན་པོ་དང་། དབུལ་པོ་ལ་སོགས་པ་ལས་ཕུལ་དུ་གྱུར་པ་
D119.052.0105a04.01དང་། མཆོག་ཏུ་གྱུར་པར་བསྟན་ཏོ། །དེ་དག་གིས་བསྙེན་བཀུར་བྱེད་པ་ལ་སོགས་པའང་བསྟན། དེ་ལྟ་བུ་ལ་སོགས་པའི་དངོས་པོའི་རྣམ་པ་མང་པོ་བསྟན་ཏོ། །ལྟ་བ་དེ་དག་ལ་གནས་ཀྱང་མ་ཆགས་པ་ནི་དཔེར་ན། པད་མོ་ལ་རྡུལ་དང་དྲི་མས་མི་གོས་པ་
D119.052.0105a05.01བཞིན་ནོ། །དེ་ལ་ཡང་འགྲོ་བ་མང་པོ་བསྒྲལ་བའི་ཕྱིར། འཇིག་རྟེན་པའི་རྗེས་སུ་དེ་ལྟ་བུའི་ཐབས་མཁས་པ་རྣམ་པ་སྣ་ཚོགས་སྤྱོད་དོ། །ཞེས་མདོ་སྡེ་དང་འདུལ་བ་གང་ལས་འབྱུང་ན་དེ་ནི་དེ་བཞིན་གཤེགས་པས་བསྟན་པ་ཡིན་པར་རིག་པར་བྱའོ། །དེ་ལ་གང་
D119.052.0105a06.01བདུད་ཀྱིས་བསྟན་པའི་རྗེས་སུ་འཇུག་པ་ནི་བདུད་ཀྱི་རིས་སུ་གཏོགས་པ་ཞེས་བྱའོ། །སངས་རྒྱས་ཀྱིས་བསྟན་པའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཆེན་པོའོ། །དེ་ལ་གང་འདི་སྐད་དུ་དེ་བཞིན་གཤེགས་པས་ནི་བདག་ཅག་ལ་མདོ་སྡེ་དང་འདུལ་བ་གསུངས་པ་
D119.052.0105a07.01