完整藏文原文 · 德格版页 当前仅加载第 52 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་ཀྱང་དེའི་རྒྱུ་དེའི་རྐྱེན་གྱིས་ཁྱོད་རབ་ཏུ་བདེ་བའི་མྱ་ངན་ལས་འདའ་བ་ཐོབ་པར་འགྱུར་རོ་ཞེས་སྨྲས་ཀྱང་། བྱང་ཆུབ་སེམས་དཔའ་ཚིག་དེའི་རྗེས་སུ་མི་འཇུག་གོ། །ཉོན་མོངས་པའི་སྲིན་པོ་ཡང་འདི་སྐད་དུ། ཁྱོད་ཉེས་པ་སྦོམ་པོའི་ཆོས་ཉམས་པར་མི་འདོད་ན། སྤང་བའི་ལྟུང་བའི་ཆོས་ཉམས་
D119.052.0180b01.01ཀྱང་དེའི་རྒྱུ་དེའི་རྐྱེན་གྱིས་རབ་ཏུ་བདེ་བའི་མྱ་ངན་ལས་འདའ་བ་ཐོབ་པར་འགྱུར་རོ་ཞེས་སྨྲས་ཀྱང་། བྱང་ཆུབ་སེམས་དཔའ་ཚིག་དེའི་རྗེས་སུ་མི་འཇུག་གོ། །སྲིན་པོས་ཡང་སྨྲས་པ། ཁྱོད་དེ་ལྟར་སྤང་བས་ལྟུང་བའི་ཆོས་ཉམས་པར་མི་འདོད་ན་ལྟུང་བའི་ཆོས་དགུ་བཅུ་ཉམས་ཀྱང་དེའི་རྒྱུ་དེའི་རྐྱེན་གྱིས་
D119.052.0180b02.01རབ་ཏུ་བདེ་བའི་མྱ་ངན་ལས་འདའ་བ་ཐོབ་པར་འགྱུར་རོ་ཞེས་སྨྲས་ཀྱང་། བྱང་ཆུབ་སེམས་དཔའ་ཚིག་དེའི་རྗེས་སུ་མི་འཇུག་གོ། །སྲིན་པོས་ཡང་འདི་སྐད་དུ་ལྟུང་བ་དགུ་བཅུ་ཉམས་པར་མི་འདོད་ན། ཉེས་བྱས་ཀྱི་ཆོས་ཉམས་ཀྱང་དེའི་རྒྱུ་དེའི་རྐྱེན་གྱིས་རབ་ཏུ་བདེ་བའི་མྱ་ངན་ལས་འདའ་བ་ཐོབ་པར་
D119.052.0180b03.01འགྱུར་རོ་ཞེས་སྨྲས་ཀྱང་། བྱང་ཆུབ་སེམས་དཔའ་དེའི་ཚེ་འདི་སྙམ་དུ་སེམས་ཏེ། གལ་ཏེ་བདག་ལ་ཉེས་བྱས་ཀྱི་ཁ་ན་མ་ཐོ་བ་བྱུང་སྟེ་མ་བཤགས་མ་མཐོལ་ན་འཁོར་བའི་ཕ་རོལ་ཏུ་ཡང་མི་ཕྱིན། མྱ་ངན་ལས་འདའ་བར་ཡང་མི་འགྱུར་རོ་སྙམ་སེམས་ནས། བྱང་ཆུབ་སེམས་དཔའ་སེམས་དཔའ་
D119.052.0180b04.01ཆེན་པོ་ཆུང་ངུ་ན་ཉེས་བྱས་ལ་ཡང་རྡོ་རྗེ་ལྟ་བུའི་སེམས་ཀྱིས་སྲུང་ཞིང་འཛིན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕས་ཕམ་པ་བཞི་སྲུང་བ་དང་། ཉེས་བྱས་སྲུང་བ་ལ་ཤིན་ཏུ་བརྟན་ཏེ་ཐ་དད་པ་མེད་དོ། །བྱང་ཆུབ་སེམས་དཔས་གལ་ཏེ་དེ་ལྟར་སྲུང་བ་ནི་ཚུལ་ཁྲིམས་ཀྱི་ཡན་ལག་ལྔ་དང་ལྡན་
D119.052.0180b05.01པ་ཞེས་བྱའོ། །འདི་ལྟ་སྟེ་བྱང་ཆུབ་སེམས་དཔའི་ལས་ཀྱི་ངོ་བོ་ཉིད་ཡོངས་སུ་དག་པའི་ཚུལ་ཁྲིམས་དང་། སྔ་མ་དང་ཕྱི་མའི་འཁོར་ཡོངས་སུ་དག་པའི་ཚུལ་ཁྲིམས་དང་། ངན་པར་རྟོག་པ་མ་ཡིན་པ་རྟོག་པ་རྣམ་པར་དག་པའི་ཚུལ་ཁྲིམས་དང་། ཡང་དག་པའི་དྲན་པ་སྲུང་ཞིང་དྲན་པ་རྣམ་པར་དག་པའི་
D119.052.0180b06.01ཚུལ་ཁྲིམས་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོ་བའི་ཚུལ་ཁྲིམས་སོ། །འོད་སྲུང་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ལ་རྣམ་པ་གཉིས་ཏེ། འཇིག་རྟེན་ན་ཡང་དག་པར་བསྟན་པའི་ཚུལ་ཁྲིམས་བླངས་པ་དང་། ཡང་དག་པའི་ཆོས་ཀྱི་ཚུལ་
D119.052.0180b07.01