完整藏文原文 · 德格版页 当前仅加载第 52 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
དཀའོ་སྙམ་སེམས་སོ། །ཡང་འདི་སྙམ་དུ་དེ་ལྟར་སུན་མ་བཀྲ་མི་ཤིས་པ་ཡིན་མོད་ཀྱི། ཡང་གསོར་རུང་ངམ་མི་རུང་སྙམ་ཉི་མ་བལྟའོ། །དེ་ལ་གལ་ཏེ་ཚེས་བཞི་དང་། དྲུག་དང་། བརྒྱད་དང་། བཅུ་གཉིས་དང་། བཅུ་བཞིའི་ཉི་མ་ལ་ནད་ཀྱིས་བཏབ་ན་གསོ་དཀའོ་སྙམ་
D119.052.0316a01.01སེམས་སོ། །ཡང་འདི་སྙམ་དུ་སེམས་ཏེ་ཉི་མ་ངན་མོད་ཀྱི་ཡང་གསོར་རུང་ངམ་མི་རུང་སྙམ་སྐར་མ་ལ་བལྟའོ། །དེ་ལ་སྐར་མ་མེ་དང་། གསེར་དང་། སྣར་མ་དང་། གཤིན་རྗེ་དང་། གཤེར་དང་། གང་དང་སྐར་མ་དེ་དག་ལ་ནད་ཀྱིས་བཏབ་ན་གསོ་དཀའོ། །ཡང་འདི་སྙམ་དུ་སྐར་མ་ངན་ཀྱང་
D119.052.0316a02.01དུས་ལ་བལྟའོ་སྙམ་སྟེ། དེ་ལ་སྟོན་དང་དགུན་དང་། ཉི་མ་ནུབ་པའི་དུས་དང་། ནམ་ཕྱེད་དང་། ཟླ་བ་ནུབ་པའི་དུས་སུ་ནད་ཀྱིས་བཏབ་ན་གསོ་དཀའོ། །ཡང་འདི་སྙམ་དུ་དེ་ལྟར་ལྟས་མང་པོ་དེ་དག་ངན་མོད་ཀྱི། རྟོགས་ཀྱང་སྲིད། མི་རྟོགས་ཀྱང་སྲིད་དེ། ནད་པ་ཉིད་བལྟ་སྟེ་གལ་ཏེ་
D119.052.0316a03.01བསོད་ནམས་ཡོད་པ་ཞིག་ན་གསོར་རུང་ངོ་། །བསོད་ནམས་མེད་ན་ལྟས་བཟང་ཡང་ཅི་ལ་ཕན་སྙམ་སེམས་སོ། །དེ་སྙམ་དུ་བསམས་ནས། སུན་མ་དང་འགྲོགས་ཏེ་ལམ་དུ་ཞུགས་པ་དང་། ཡང་འདི་སྙམ་དུ་གལ་ཏེ་ནད་པ་དེ་ཚེ་རིང་བའི་ལྟས་ཡོད་ན་གསོར་རུང་ངོ་། །ཚེ་ཐུང་བའི་ལྟས་
D119.052.0316a04.01དང་ཕྲད་ན་གསོར་མི་རུང་ངོ་སྙམ་བསམས་ནས། ལམ་དུ་བུས་པ་ཆུང་ངུ་གཉིས་གཅིག་ལ་གཅིག་དྲངས་ཏེ་འཐབ་ལ། ཐོར་ཏོ་ནས་བཟུང་ནས་སྐྲ་འབལ་ཞིང་གྱོ་མོ་དང་། རྡོ་དང་། མཚོན་ཆ་དང་། དབྱུག་པ་འཕེན་ཞིང་གཅིག་ལ་གཅིག་རྡེག་པའམ། མེ་ཐོགས་པ་མེ་རང་ཤི་བ་མཐོང་ངམ།
D119.052.0316a05.01ཤིང་གཅོད་པ་མཐོང་ངམ། མིའི་ལག་ན་ཀོ་བ་ཉེད་ཅིང་ལམ་དུ་འགྲོ་བའམ། ལམ་ན་རྫས་ལུས་པ་མཐོང་ངམ། མི་སྣོད་སྟོང་པ་ཐོགས་པ་མཐོང་ངམ། དགེ་སློང་གཅིག་པུ་གྲོགས་མེད་པར་འགྲོ་བ་མཐོང་ངམ། སྟག་གམ། སྤྱང་ཀིའམ། བྱ་རོག་གམ། སྲིན་བྱའམ། ཝ་ལ་སོགས་
D119.052.0316a06.01པ་དངོས་པོ་དེ་ལྟ་བུ་དག་མཐོང་ནས། ཡང་འདི་སྙམ་དུ་མངགས་པའི་སུན་མ་ནས། ལམ་དུ་འགྲོ་བའི་བར་དུ་མཐོང་ངོ་ཅོག་ཀུན་ཀྱང་བཀྲ་མི་ཤིས་ན་ནད་པ་དེ་གདོན་མི་ཟ་བར་གསོ་དཀའོ་སྙམ་སེམས་སོ། །ཡང་འདི་སྙམ་དུ་བདག་གལ་ཏེ་མ་སོང་ན་སྨན་པ་མཁས་པ་ཞེས་མི་གྲགས་ལ།
D119.052.0316a07.01