完整藏文原文 · 德格版页 当前仅加载第 52 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཆོས་མདོའི་སྡེ་དང་། དབྱངས་ཀྱིས་བསྙད་པ་དང་། ལུང་དུ་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། སྐྱེས་པའི་རབས་དང་། དེ་ལྟ་བུ་བྱུང་བ་དང་། གླེང་གཞི་དང་། རྨད་དུ་བྱུང་བ་དང་། རྟོགས་པ་བརྗོད་པ་
D119.052.0051a01.01དང་། ཤིན་ཏུ་རྒྱས་པ་དང་། གཏན་ལ་བབ་པར་བསྟན་པ་ལ་སོགས་པ་མདོ་སྡེ་དགུ་པོ་དག་འདོན་ཅིང་། གཞན་དག་ལ་རྒྱ་ཆེར་སྟོན་ལ། སེམས་ཅན་ལ་ཕན་པ་དང་། བདེ་བའི་ཕྱིར་འདི་སྐད་དུ་མྱ་ངན་ལས་འདའ་བའི་མདོ་ལས་དགེ་སློང་རྣམས་བྲན་ཁོལ་དང་། བ་ལང་
D119.052.0051a02.01དང་། ལུག་ལ་སོགས་པ་ཆོས་མ་ཡིན་པའི་དངོས་པོ་འཆང་དུ་མི་གནང་ངོ་ཞེས་འབྱུང་སྟེ། དགེ་སློང་མ་བརྟགས་པའི་དངོས་པོ་དེ་དག་འཆང་ན་ཆད་པས་ཆོད་ཅིག་ཅེས་སྨྲས་ལ། དེ་བཞིན་གཤེགས་པས་སྔོན་མདོ་སྡེ་གཞན་དག་ལས་ཀྱང་དགེ་སློང་མ་བརྟགས་པའི་དངོས་
D119.052.0051a03.01པོ་དེ་དག་བཅངས་པས་རྒྱལ་པོ་ཆེ་གེ་མོ་ཞིག་གིས་ཆད་པས་བཅད་དེ་ཁྱིམ་པར་ཕབ་བོ་ཞེས་དགེ་སློང་གང་འདི་སྐད་དུ་སེང་གེའི་སྒྲ་སྒྲོགས་པ་ནི་ཚུལ་ཁྲིམས་ངན་པ་ཅན་དག་དེ་སྐད་ཅེས་ཐོས་ནས་ཞེ་སྡང་སྐྱེས་ཏེ་ཆོས་སྨྲ་བ་དེ་གསོད་དོ། །ཆོས་སྨྲ་བ་དེ་ཅི་སྟེ་ཚེ་འཕོས་ནས་
D119.052.0051a04.01ཡང་ཚུལ་ཁྲིམས་འཛིན་ཅིང་བདག་དང་གཞན་གྱི་དོན་བྱེད་པ་ཞེས་བྱ་སྟེ། དེ་ལྟ་བས་ན་ངས་ནི་རྒྱལ་པོ་དང་། བློན་པོ་ཆེན་པོ་དང་། དགེ་བསྙེན་རྣམས་ཀྱིས་ཆོས་སྨྲ་བ་དག་བསྲུང་བར་གནང་ངོ་། །གང་དམ་པའི་ཆོས་བསྲུང་བར་འདོད་པ་ནི་དེ་ལྟར་བསླབ་པར་བྱའོ། །འོད་སྲུང་དེ་ལྟར་
D119.052.0051a05.01ཚུལ་ཁྲིམས་ཉམས་ཤིང་ཆོས་མི་སྲུང་བ་ནི་ཁྱིམ་བདག་མགོ་རེག་ཅེས་བྱའི། ཚུལ་ཁྲིམས་སྲུང་བ་ལ་ནི་མ་ཡིན་ནོ།། །།བམ་པོ་ལྔ་པ། རིགས་ཀྱི་བུ་སྔོན་གྱི་བསྐལ་པ་ཚད་མེད་མཐའ་ཡས་གྲངས་མེད་པ་འདས་པའི་ཕ་རོལ་ན་གྲོང་ཁྱེར་རྩྭ་མཆོག་འདི་ཉིད་དུ་སངས་
D119.052.0051a06.01རྒྱས་བཅོམ་ལྡན་འདས་རབ་ཏུ་དགའ་བ་བསྐྱེད་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ། མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་
D119.052.0051a07.01