完整藏文原文 · 德格版页 当前仅加载第 52 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་ཉམས་ཏེ་ཤི་བ་གང་ཞེ་ན། འདས་པ་དང་། མ་འོངས་པ་དང་། ད་ལྟར་བཞུགས་པའི་སངས་རྒྱས་རྣམས་ཀྱིས་བཅས་པའི་ཚུལ་ཁྲིམས་བཤིག་པ་ནི་ཚུལ་ཁྲིམས་ཉམས་ཏེ་ཤི་བ་ཞེས་བྱའོ། །ཚེའི་དབང་པོ་ཞིག་སྟེ་ཤི་བ་གང་ཞེ་ན། ཕུང་པོ་ལྔའི་
D119.052.0188a01.01ལུས་དང་བྲལ་བ་ནི་ཚེའི་དབང་པོ་ཞིག་ནས་ཤི་བ་ཞེས་བྱ་སྟེ། དེ་དག་ནི་ཤི་བའི་སྡུག་བསྔལ་ཆེན་པོ་ཞེས་བྱའོ། །འདོད་པ་དང་། བྱེ་བྲལ་བའི་སྡུག་བསྔལ་གང་ཞེ་ན། གང་ཡིད་དུ་འོང་ཞིང་འདོད་པའི་དབང་པོ་ཞིག་གམ་བྲལ་ལམ་གྱེས་པར་གྱུར་པའོ། །ཡིད་དུ་འོང་ཞིང་འདོད་པའི་
D119.052.0188a02.01དངོས་པོ་དང་བྱེ་བྲལ་བ་ལ་ཡང་རྣམ་པ་གཉིས་ཏེ། མིའི་ནང་ན་ཕུང་པོ་ལྔ་ཞིག་པ་དང་། ལྷའི་ནང་ན་ཕུང་པོ་ལྔ་དང་བྲལ་བའོ། །དེ་ལྟར་ལྷ་དང་མི་ལ་འདོད་པའི་ཕུང་པོ་ལྔ་ནི་རྣམ་པར་ཕྱེ་ན་ཚད་མེད་དེ། མདོར་ན་དེ་དག་ནི་འདོད་པ་དང་བྱེ་བྲལ་བའི་སྡུག་བསྔལ་བ་ཞེས་བྱའོ། །དགྲ་
D119.052.0188a03.01སྡང་བ་དང་ཕྲད་པའི་སྡུག་བསྔལ་གང་ཞེ་ན། གང་ཡིད་དུ་མི་འོང་ཞིང་མི་འདོད་པ་དང་འདུས་ཤིང་ཕྲད་པའོ། །ཡིད་དུ་མི་འོང་ཞིང་མི་འདོད་པ་དང་ཕྲད་པ་ལ་ཡང་རྣམ་པ་གསུམ་སྟེ། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སོ། །དེ་ལྟར་ངན་སོང་
D119.052.0188a04.01གསུམ་པོ་ཡང་རྣམ་པར་དབྱེ་ན་ཚད་མེད་མོད་ཀྱི། མདོར་ན་དེ་དག་ནི་དགྲ་སྡང་བ་དང་ཕྲད་པའི་སྡུག་བསྔལ་བ་ཞེས་བྱའོ། །འདོད་པ་མི་རྙེད་པའི་སྡུག་བསྔལ་གང་ཞེ་ན། འདོད་པ་མི་རྙེད་པའི་སྡུག་བསྔལ་ལ་ཡང་རྣམ་པ་གཉིས་ཏེ། རེ་བའི་གནས་ནས་འདོད་པ་མི་རྙེད་པ་དང་།
D119.052.0188a05.01ལས་མང་དུ་བྱས་ནས་འབྲས་བུ་དོན་དུ་མ་གྲུབ་པ་ནི་འདོད་པ་མི་རྙེད་པའི་སྡུག་བསྔལ་ཞེས་བྱའོ། །ཕུང་པོ་ལྔའི་སྡུག་བསྔལ་གང་ཞེ་ན། ཕུང་པོ་ལྔའི་སྡུག་བསྔལ་ནི། སྐྱེ་བའི་སྡུག་བསྔལ་དང་། རྒ་བའི་སྡུག་བསྔལ་དང་། ན་བའི་སྡུག་བསྔལ་དང་། ཤི་བའི་སྡུག་བསྔལ་
D119.052.0188a06.01དང་། འདོད་པ་དང་བྱེ་བྲལ་བའི་སྡུག་བསྔལ་དང་། དགྲ་སྡང་བ་དང་ཕྲད་པའི་སྡུག་བསྔལ་ནི་ཕུང་པོ་ལྔའི་སྡུག་བསྔལ་ཞེས་བྱའོ། །འོད་སྲུང་སྐྱེ་བའི་དངོས་པོ་ལ་དེ་ལྟར་རྒ་བའི་སྡུག་བསྔལ་ནས་ཕུང་པོ་ལྔའི་སྡུག་བསྔལ་གྱི་བར་དུ་སྡུག་བསྔལ་རྣམ་པ་བདུན་ཡོད་དོ། །འོད་སྲུང་རྒུད་པ་
D119.052.0188a07.01