完整藏文原文 · 德格版页 当前仅加载第 52 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །འཇམ་དཔལ་གྱིས་བཅོམ་ལྡན་འདས་ལ་གསོལ་པ། ལེགས་སོ་ལེགས་སོ། །འཕགས་པའི་བཀའ་བཞིན་ཏེ། བདག་ཀྱང་དེ་ལྟར་རྟོགས་སོ། །སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་དག་ཐ་དད་པ་ཡང་ལགས་ལ། ཐ་དད་
D119.052.0154b01.01པ་ཡང་མ་ལགས་པར་འཚལ་ཏོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་གསུངས་པ་ལྟར་སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་དག་ཏུ་ཐ་དད་པ་མ་མཆིས་ཞེས་བགྱི་བ་དེ་
D119.052.0154b02.01སེམས་ཅན་ཐམས་ཅད་ལ་ཕན་པ་དང་། བདེ་བའི་དོན་གྱི་སླད་དུ་དེ་བཞིན་གཤེགས་པས་རྒྱས་པར་དབྱེ་ཞིང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཤིན་ཏུ་བརྟགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་རྒྱས་པར་བཤད་པར་བྱའོ། །
D119.052.0154b03.01རིགས་ཀྱི་བུ་འདི་ལྟ་སྟེ་དཔེར་ན་ཁྱིམ་བདག་གམ། ཁྱིམ་བདག་གི་བུ་ཞིག་ལ་བ་བཞོན་སྤུ་མདོག་རྣམ་པ་ཐ་དད་པ་མང་དུ་ཡོད་དེ། རྫིའུ་ཅིག་འཚོར་བཅུག་ནས་ཕྱིས་དུས་ཀྱི་ལྷ་རྗེད་པ་ཞིག་ན། བ་ཐམས་ཅད་བཞོས་ཏེ་འོ་མ་སྣོད་ཅིག་ཏུ་བླུགས་སོ། །འོ་མ་དེ་དག་ཐམས་ཅད་ཁ་དོག་
D119.052.0154b04.01དཀར་པོ་གཅིག་ཏུ་འཐུན་པ་མཐོང་ནས་ངོ་མཚར་རྨད་དུ་གྱུར་ཏེ། འདི་ལྟར་བ་འདི་དག་སྤུ་མདོག་ཐ་དད་པ་ཅིའི་ཕྱིར་འོ་མ་ཁ་དོག་གཅིག་ཏུ་གྱུར་སྙམ་ཡ་མཚན་དུ་གྱུར་ཏེ། འདི་ཡང་སེམས་ཅན་གྱི་ལས་ཀྱི་རྣམ་པར་སྨིན་པ་ལས་འོ་མའི་ཁ་དོག་གཅིག་ཏུ་གྱུར་ཏོ་སྙམ་དུ་སེམས་སོ། །རིགས་
D119.052.0154b05.01ཀྱི་བུ་ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ཡང་དེ་དང་འདྲ་སྟེ། སངས་རྒྱས་ཀྱི་རང་བཞིན་གཅིག་ཏུ་འཐུན་པ་ནི་འོ་མ་དེ་དག་ལྟ་བུའོ། །དེ་ཅིའི་ཕྱིར་ཞེ་ན། ཟག་པ་མེད་པར་འཐུན་པའི་ཕྱིར་རོ། །སོ་སོའི་སྐྱེ་བོ་དག་ནི་སངས་རྒྱས་དང་བྱང་ཆུབ་སེམས་དཔའ་
D119.052.0154b06.01དང་། ཉན་ཐོས་དང་རང་སངས་རྒྱས་དག་ཐ་དད་དོ་ཞེས་སྨྲ་སྟེ། ཉན་ཐོས་དང་བུས་པ་མ་རབས་དག་ཀྱང་ཐེག་པ་གསུམ་ལྟ་བུ་ཅིའི་ཕྱིར་ཐ་མི་དད་སྙམ་ཐེ་ཚོམ་ཟ་མོད་ཀྱི། དེ་དག་གིས་ཐེག་པ་གསུམ་ཆར་སངས་རྒྱས་ཀྱི་རང་བཞིན་དུ་འཐུན་པར་ཕྱིས་རང་རྟོགས་པ་ནི་ཇི་ལྟར་གང་ཟག་དེ་
D119.052.0154b07.01