完整藏文原文 · 德格版页 当前仅加载第 52 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
འཆད་འདོད་ན་ཡང་དག་པའི་ལུས་དང་སེམས་ཀྱིས་བསྒྲུབ་པར་བྱའི། ཉམ་རངས་དང་འཕྱར་བ་དང་འགྲན་ཏོར་གྱིས་ནི་མ་ཡིན་ནོ། །དེ་ལ་ལུས་ལས་བྱུང་བ་ནི་ཉམ་རངས་ཞེས་བྱ། སེམས་ལས་བྱུང་བ་ནི་འཕྱར་བ་ཞེས་བྱའོ། །ཚོལ་བ་དང་བཅས་པའི་
D119.052.0278a01.01སེམས་ནི་འཕྱར་བ་ཞེས་བྱ། ལུས་ཀྱི་ལས་བྱས་པ་ནི་ཉམ་རངས་ཞེས་བྱའོ། །ཅི་སྟེ་ངའི་ཉེ་གནས་ཚོལ་བ་དང་བཅས། བྱེད་པའི་ལས་དང་བཅས་ན་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་འཆང་ངམ། གཟུང་བར་མི་བྱའོ། །ཅི་སྟེ་དེ་ལྟ་བུ་དང་བཅས་
D119.052.0278a02.01པས་མདོ་སྡེ་འདི་ཉིད་འཆང་ངམ་འཛིན་པར་བྱེད་ན། གཞན་གྱིས་བརྙས་སྨོད་པར་འགྱུར་ཏེ། དེ་ལ་འདི་སྐད་དུ་ཇི་སྟེ་སངས་རྒྱས་ཀྱི་དགོངས་པའི་སྙིང་པོ་ཡོངས་སུ་མྱ་ངན་ལས་འདས་པའི་མདོ་སྡེ་མཐུ་དང་ལྡན་པ་ཞིག་ཡིན་ན། ཅིའི་ཕྱིར་ཁྱོད་ལ་ཚོལ་བ་དང་བཅས།
D119.052.0278a03.01བྱེད་པ་དང་བཅས་པར་འགྱུར་ཞེས་ཟེར་རོ། །ཅི་སྟེ་མདོ་སྡེ་འདི་ཉིད་འཆང་བར་བྱེད་པ་དེ་ཚོལ་བ་དང་བཅས། བྱེད་པ་དང་བཅས་ན་དེ་ནི་མདོ་སྡེ་འདི་ཉིད་ལ་མཐུ་མེད་དོ་ཞེས་ཟེར་བར་འགྱུར་རོ། །གལ་ཏེ་མཐུ་མེད་ན་འཆང་ངམ་འཛིན་པར་བྱེད་ཀྱང་ཕན་པའི་དོན་དུ་མི་
D119.052.0278a04.01འགྱུར་ལ། དེ་ལྟར་མྱ་ངན་ལས་འདས་པའི་མདོ་སྡེ་ལ་བརྙས་སྨད་པས། སེམས་ཅན་ཚད་མེད་པ་སྙེད་སེམས་ཅན་དམྱལ་བར་ལྟུང་བར་བྱེད་དོ། །མདོ་སྡེ་འདི་འཆང་ངམ་འཛིན་པར་བྱེད་པ་དེ་ཚོལ་བ་དང་བཅས། བྱེད་པ་དང་བཅས་ན་དེ་ནི་སེམས་ཅན་གྱི་མི་དགེ་བའི་བཤེས་
D119.052.0278a05.01གཉེན་ཡིན་ཏེ། ངའི་ཉེ་གནས་མ་ཡིན་གྱི་བདུད་ཀྱི་རིས་ཡིན་ནོ། །གཞན་ཡང་རིགས་ཀྱི་བུ་ངའི་ཉེ་གནས་ལས་ཡོངས་སུ་མྱ་ངན་ལས་འདས་པའི་མདོ་སྡེ་འཆང་བ་དང་། འཛིན་པ་དང་། ཀློག་པ་དང་། འདོན་པ་དང་། གླེགས་བམ་དུ་འདྲི་བ་དང་། སྟོན་པར་བྱེད་པ་དག་དུས་མ་
D119.052.0278a06.01ཡིན་པར་བསྟན་པར་མི་བྱ། བརྡ་མི་ཕྲད་པ་ལ་བསྟན་པར་མི་བྱ། གསོལ་བ་མ་བཏབ་པ་ལ་བསྟན་པར་མི་བྱ། བརྙས་པའི་སེམས་དང་བཅས་པས་བསྟན་པར་མི་བྱ། དུས་ཐམས་ཅད་ཀྱི་ཐམས་ཅད་དུ་བཤད་པར་མི་བྱ། བདག་བསྟོད་པའི་ཕྱིར་བསྟན་པར་མི་བྱ། གཞན་
D119.052.0278a07.01