完整藏文原文 · 德格版页 当前仅加载第 52 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྟོག་པའི་ཚེ་མིག་གི་དབང་པོ་སྐྱེ་བ་ན་གང་ནས་ཀྱང་མ་འོངས་ལ། ཐ་མ་འགག་པའི་དུས་ན་ཡང་སོང་བ་མེད་དོ། །ཐོག་མ་ནས་མེད་ལ་ཡོད་པ་དང་། ཡོད་ནས་ཀྱང་ཕྱིར་མེད་པར་འགྱུར་ཏེ། དེ་ལྟར་ཡང་དག་པ་ཉིད་ཀྱི་
D119.052.0261a01.01རྗེས་བཅད་ན་མིག་ཀྱང་མེད། བདག་པོ་ཡང་མེད་དེ། ཇི་ལྟར་མིག་ལ་རང་བཞིན་མེད་པ་དང་འདྲ་བར་ཆོས་ཐམས་ཅད་ཀྱང་དེ་དང་འདྲའོ། །ཆོས་གང་ལ་སོགས་པ་ལ་དོན་དམ་པའི་སྟོང་པ་ཞེས་བྱ་ཞེ་ན། ལས་ཀྱང་ཡོད་རྣམ་པར་སྨིན་པ་ཡང་ཡོད་
D119.052.0261a02.01བཞིན་དུ་བྱེད་པ་ཡོད་པར་མི་མཐོང་སྟེ། སྟོང་པའི་ཆོས་འདི་དག་ནི་དོན་དམ་པའི་སྟོང་པ་ཞེས་བྱ་སྟེ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དོན་དམ་པའི་སྟོང་པ་ཉིད་ལ་རྟོག་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་
D119.052.0261a03.01དཔའ་ཆེན་པོ་སྟོང་པ་ཉིད་ཀྱི་སྟོང་པ་ལ་རྟོག་པ་ཞེ་ན། སྟོང་པ་ཉིད་ཀྱི་སྟོང་པ་ཞེས་བྱ་བ་ནི་ཉན་ཐོས་དང་། རང་སངས་རྒྱས་ལ་སོགས་པས་མྱོང་བར་འགྱུར་བའི་གནས་ཡིན་ཏེ། རིགས་ཀྱི་བུ་ཡོད་པ་ཡང་མ་ཡིན་ལ། མེད་པ་ཡང་མ་ཡིན་པ་ནི་སྟོང་
D119.052.0261a04.01པ་ཉིད་ཀྱི་སྟོང་པ་ཞེས་བྱའོ། །ཡིན་ཡང་ཡིན་ལ། མ་ཡིན་པ་ཡང་མ་ཡིན་པ་ནི་སྟོང་པ་ཉིད་ཀྱི་སྟོང་པ་ཞེས་བྱའོ། །རིགས་ཀྱི་བུ་ས་བཅུ་ལ་གནས་པའི་བྱང་ཆུབ་སེམས་དཔའ་ཡང་དེ་ལ་ཕྱོགས་ཅུང་ཟད་རྡུལ་གྱི་ཆ་ཤས་ཙམ་རྟོག་པར་འགྱུར་བ་ཡིན་ན།
D119.052.0261a05.01གཞན་ལྟ་སྨོས་ཀྱང་ཅི་དགོས། རིགས་ཀྱི་བུ་དེ་ལྟར་སྟོང་པ་ཉིད་ཀྱི་སྟོང་པ་ནི་ཉན་ཐོས་ཀྱི་སྟོང་པ་ཉིད་ཀྱི་སྟོང་པའི་ཏིང་ངེ་འཛིན་དང་ཐུན་མོང་དུ་འགྱུར་བ་མ་ཡིན་ཏེ། དེ་ནི་བྱང་ཆུབ་སེམས་དཔའ་སྟོང་པ་ཉིད་ཀྱི་སྟོང་པ་ལ་ཡོངས་སུ་རྟོག་པ་ཞེས་བྱའོ། །རིགས་
D119.052.0261a06.01ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་པ་ཆེན་པོ་ལ་ཡོངས་སུ་རྟོག་པ་ཞེ་ན། རིགས་ཀྱི་བུ་སྟོང་པ་ཆེན་པོ་ཞེས་བྱ་བ་ནི་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ་སྟོང་པ་ཆེན་པོ་ཞེས་བྱའོ། །རིགས་ཀྱི་བུ་བྱང་ཆུབ་
D119.052.0261a07.01