完整藏文原文 · 德格版页 当前仅加载第 52 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོའི་སྐྱེ་བོ་ལ་སངས་རྒྱས་ཀྱི་རང་བཞིན་བསྟན་ཅིང་བཤད་ཀྱང་ལོག་སྲེད་ཅན་དག་ནི་འཁོར་བ་ན་ཡོངས་སུ་འཁོར་བས་ཤེས་པར་རམ། མཐོང་བར་མི་འགྱུར་རོ། །དེ་བས་ན་དེ་བཞིན་གཤེགས་པས་མཛད་པ་མི་མཐོང་བ་ཞེས་བྱའོ། །གཞན་ཡང་ལོག་སྲེད་ཅན་དག་
D119.052.0144b01.01ནི་མཐར་དེ་བཞིན་གཤེགས་པ་མྱ་ངན་ལས་འདས་ཏེ་ཡང་དག་པར་མི་རྟག་པར་འཛིན་པ་ནི་ཇི་ལྟར་མར་མེ་དང་མར་བཅས་པར་ཟད་པ་ལྟ་བུར་མཐོང་བའོ། །དེ་ཅིའི་ཕྱིར་ཞེ་ན། གང་ཟག་དེ་སྡིག་པ་མི་དགེ་བའི་ལས་མི་འབྲི་བའི་ཕྱིར་རོ། །བྱང་ཆུབ་སེམས་དཔའ་གང་ཞིག་
D119.052.0144b02.01དགེ་བ་བྱས་པའི་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་པ་ན་ལོག་སྲེད་ཅན་དག་ནི་དེ་ལ་འཕྱ་ཞིང་མ་དད་མོད་ཀྱི། འོན་ཀྱང་བྱང་ཆུབ་སེམས་དཔའ་རྣམས་ནི་དེ་དག་ཀྱང་བླ་ན་མེད་པའི་བྱང་ཆུབ་ཐོབ་པར་ཡོངས་སུ་སྔོ་བར་བྱེད་དོ། །དེ་ཅིའི་ཕྱིར་ཞེ་ན།
D119.052.0144b03.01སངས་རྒྱས་རྣམས་ཀྱི་ཆོས་ཉིད་དེ་འདྲ་བའི་ཕྱིར་རོ། །འོ་མ་ལས་ནི་ཞོར་འགྱུར་ཞིང་། །སྡིག་པ་འཕྲལ་དུ་སྨིན་མི་འགྱུར། །མེ་མདག་ཐལ་བས་གཡོགས་པ་ལ། །གླེན་པ་བརྙས་པས་རྫི་བར་འགྱུར། །ལོག་སྲེད་ཅན་དག་ནི་མིག་མེད་པ་ཞེས་བྱ་སྟེ། དེ་བས་ན་དགྲ་
D119.052.0144b04.01བཅོམ་པའི་ལམ་མི་མཐོང་ངོ་། །དགྲ་བཅོམ་པ་ནི་འཁོར་བའི་ལམ་ངན་པ་གཡང་སར་མི་འགྲོའོ། །མིག་མེད་པ་དག་ནི་ཤིན་ཏུ་རྒྱས་པ་ལ་སྐུར་པས་དགྲ་བཅོམ་པ་ལྟར་བྱམས་པའི་སེམས་ལ་ནན་ཏན་མི་བྱེད་དོ། །ལོག་སྲེད་ཅན་དག་ཤིན་ཏུ་རྒྱས་པ་ལ་ནན་ཏན་མི་བྱེད་
D119.052.0144b05.01པའང་དེ་དང་འདྲའོ། །སྐྱེས་བུ་གང་ཞིག་འདི་སྐད་དུ་བདག་ནི་ཉན་ཐོས་པའི་མདོ་སྡེ་ལ་མ་དད་ཀྱི་ཐེག་པ་ཆེན་པོ་ལ་དད་དེ་འདོན་པ་དང་། ཀློག་པ་དང་། སྟོན་ཅིང་འཆད་པའང་བྱེད་དོ། །དེ་བས་ན་བདག་ནི་བྱང་ཆུབ་སེམས་དཔའ་སྟེ། སེམས་ཅན་ཐམས་ཅད་ལ་ཡང་སངས་
D119.052.0144b06.01རྒྱས་ཀྱི་རང་བཞིན་ཡོད་པས་སེམས་ཅན་གྱི་ལུས་ཀྱི་ནང་ན་སྟོབས་བཅུ་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ཡང་ཡོད་དོ། །བདག་སྨྲ་བ་དང་། སངས་རྒྱས་ཀྱིས་གསུངས་པ་ཐ་མི་དད་དོ། །བདག་དང་ཁྱེད་བཅས་སུ་ཚད་མེད་པའི་ཉོན་
D119.052.0144b07.01