完整藏文原文 · 德格版页 当前仅加载第 52 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་དེ་དང་འདྲ་བར་བདག་ཅག་ལ་སོགས་པས་ཤིན་ཏུ་བལྟ་བར་གྱུར་ཏོ། །ཁྱོད་ཀྱི་མཆོད་པ་ནང་གི་ཐ་མ་བཞེས་པས་ཁྱོད་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་ཏེ། ཙུན་ད་ཁྱོད་ལ་ཕྱག་འཚལ་ལོ། །དེ་བས་ན་ཁྱོད་ནི་ཟླ་བ་ཡོངས་
D119.052.0021a01.01སུ་རྒྱས་པ་དང་འདྲ་སྟེ། སེམས་ཅན་གང་ཡང་མི་ལྟ་བ་མེད་དོ། །ཙུན་ད་ཁྱོད་ལ་ཕྱག་འཚལ་ལོ། །མིའི་ལུས་ཐོབ་ནས་ཀྱང་སེམས་ནི་སངས་རྒྱས་ཀྱི་ཐུགས་དང་འདྲ་བས་ཙུན་ད་ཁྱོད་ནི་སངས་རྒྱས་ཀྱི་སྲས་ཡང་དག་པ་སྟེ། སྒྲ་གཅན་འཛིན་དང་ཐ་མི་དད་དོ། །དེ་
D119.052.0021a02.01ནས་འཁོར་གྱི་དཀྱིལ་འཁོར་དེ་རྣམས་ཀྱིས་ཚིགས་སུ་བཅད་དེ་སྨྲས་པ། མི་ཡི་ནང་ན་ཁྱོད་སྐྱེས་པ། །དྲུག་པོ་ལྷ་ལས་ཤིན་ཏུ་འཕགས། །བདག་ཅག་འཁོར་རྣམས་ཐམས་ཅད་ཀྱིས། །ཁྱོད་ལ་ཕྱག་འཚལ་གསོལ་བ་འདེབས། །མི་ཡི་སྐྱེས་བུ་ཁྱུ་མཆོག་ནི། །
D119.052.0021a03.01ཡོངས་སུ་མྱ་ངན་འདའ་ཞེས་གསུངས། །བདག་ཅག་རྣམས་ལ་སྙིང་བརྩེའི་ཕྱིར། །སངས་རྒྱས་བཞུགས་པར་གསོལ་བ་ཐོབ། །ཡུན་དུ་འཇིག་རྟེན་འདིར་བཞུགས་ཤིང་། །ཚད་མེད་འཁོར་ལ་ཕན་པའི་ཕྱིར། །མཁས་པ་རྣམས་ཀྱིས་བསྔགས་པ་ཡི། །
D119.052.0021a04.01བླ་མེད་ཆོས་མཆོག་བཤད་དུ་གསོལ། །ཁྱོད་ཀྱིས་གསོལ་བ་མ་བཏབ་ན། །བདག་ཅག་མི་རྣམས་མི་འཚོའོ། །དེ་བས་ཁྱོད་ཀྱིས་གསོལ་བ་ཐོབ། །ཁ་ལོ་སྒྱུར་བའི་སྟོན་པ་ལ་དེའི་ཚེ་ཙུན་ད་ཤིན་ཏུ་དགའ་མགུ་རངས་པ་ནི་དཔེར་ན་མི་ཞིག་ཕ་མ་ཤི་བ་ལས་ཕྱིར་སོས་པ་
D119.052.0021a05.01ཙམ་དུ་ཙུན་ད་ཡང་ཤིན་ཏུ་དགའ་བར་གྱུར་ནས་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ་ཚིགས་སུ་བཅད་པ་འདི་སྐད་ཅེས་གསོལ་ཏོ། །ལེགས་སོ་བདེ་བའི་དོན་དུ་གྱུར། །མི་ཡི་ལུས་ཀྱང་ལེགས་པར་ཐོབ། །འདོད་ཆགས་ཞེ་སྡང་གཏི་མུག་བསལ། །ངན་སོང་
D119.052.0021a06.01གསུམ་ཡང་ཡོངས་སུ་སྤངས། །ལེགས་སོ་བདེ་བའི་དོན་གྱུར་ཏེ། །རིན་ཆེན་གསེར་གྱི་རི་མཐོང་ནས། །སྟོན་པ་ཁ་ལོ་སྒྱུར་དང་མཇལ། །བྱོལ་སོང་ཁམས་སུ་སྐྱེ་མི་དོགས། །སངས་རྒྱས་ཨུ་དུམ་བཱ་ར་ལྟར། །ཕྲད་པའི་དུས་ཀྱང་ཤིན་ཏུ་དཀའ། །ཕྲད་
D119.052.0021a07.01