完整藏文原文 · 德格版页 当前仅加载第 52 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་ལ་ཐུགས་བརྩེ་བའི་སླད་དུ་མཆོད་པ་འདི་དག་བཞེས་ཤིག་ཅེས་གསོལ་ཏོ། །དེའི་ཚེ་འདི་ནས་ཤར་ཕྱོགས་སུ་འཇིག་རྟེན་གྱི་ཁམས་ཀླུང་གང་གཱའི་བྱེ་མ་གྲངས་མེད་དཔག་ཏུ་མེད་པ་འདས་པའི་ཕ་རོལ་སངས་རྒྱས་ཀྱི་ཞིང་ཡིད་དུ་འོང་བའི་སྒྲ་སྙན་ཞེས་བྱ་བ་ན་སངས་རྒྱས་
D119.052.0015b01.01ནམ་མཁའ་དང་མཉམ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ། མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་
D119.052.0015b02.01པ་སངས་རྒྱས་བཅོམ་ལྡན་འདས་བཞུགས་ཏེ། དེའི་ཚེ་ན་སངས་རྒྱས་དེས་ཉེ་གནས་ཆེན་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་སོང་ལ་འདི་ནས་ནུབ་ཕྱོགས་སུ་འཇིག་རྟེན་གྱི་ཁམས་མི་མཇེད་ཅེས་བྱ་བ་ན་སངས་རྒྱས་ཤཱཀྱ་ཐུབ་པ་ཞེས་བྱ་བ་དེ་བཞིན་
D119.052.0015b03.01གཤེགས་པ་དགྲ་བཅོམ་པ་ཡང་དག་པར་རྫོགས་པ། མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་དེ་རིང་པོར་མི་
D119.052.0015b04.01ཐོགས་པར་ཡོངས་སུ་མྱ་ངན་ལས་འདར་ཉེའོ། །རིགས་ཀྱི་བུ་ཁྱོད་འཇིག་རྟེན་གྱི་ཁམས་འདིའི་ཞལ་ཟས་བསུང་ཅན་དྲི་ཤིན་ཏུ་ཞིམ་པ། ཡིད་དུ་འོང་ཞིང་བདེ་བར་འགྱུར་བ་འདི་ཐོགས་ཏེ། སངས་རྒྱས་བཅོམ་ལྡན་འདས་དེ་ལ་ཕུལ་ཅིག །བཅོམ་ལྡན་འདས་དེ་གསོལ་
D119.052.0015b05.01ནས་ཡོངས་སུ་མྱ་ངན་ལས་འདའ་བར་གཤེགས་སོ། །རིགས་ཀྱི་བུ་ཁྱོད་དེ་ལ་ཕྱག་འཚལ་ཞིང་ཐེ་ཚོམ་དུ་གྱུར་པ་ཡང་ཞུ་བའི་དུས་ལ་བབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་དཔག་ཏུ་མེད་པ་ཞེས་བྱ་བ་འདུག་པ་ལས་ལངས་ནས་སངས་རྒྱས་ཀྱི་ཞབས་
D119.052.0015b06.01ལ་སྤྱི་བོས་ཕྱག་འཚལ་ཏེ། ལན་གསུམ་བསྐོར་ནས་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པ་དང་ཐབས་ཅིག་ཏུ་སངས་རྒྱས་ཀྱི་ཞིང་དེ་ནས་མི་མཇེད་ཀྱི་འཇིག་རྟེན་གྱི་ཁམས་གང་ན་བ་དེར་དོང་ངོ་། །དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་
D119.052.0015b07.01