完整藏文原文 · 德格版页 当前仅加载第 52 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
ས་འབའ་ཞིག་གཡོས་པ་ནི་ས་གཡོས་པ་ཞེས་བྱའོ། །རི་དང་ཆུ་དང་ཤིང་དང་རྒྱ་མཚོ་ལ་སོགས་པ་ཐམས་ཅད་གཡོས་པ་ནི་རབ་ཏུ་གཡོས་པ་ཞེས་བྱའོ། །ཕྱོགས་གཅིག་ཏུ་གཡོས་པ་ནི་ས་གཡོས་པ་ཞེས་བྱའོ། །ཀུན་ཏུ་འཁོར་ཞིང་གཡོས་པ་ནི་རབ་ཏུ་གཡོས་པ་
D119.052.0028b01.01ཞེས་བྱའོ། །འགུལ་བ་ནི་ས་གཡོས་པ་ཞེས་བྱའོ། །འགུལ་བ་ན་སེམས་ཅན་ཐམས་ཅད་ཀྱི་སེམས་ཀྱང་གཡོས་པ་ནི་རབ་ཏུ་གཡོས་པ་ཞེས་བྱའོ། །བྱང་ཆུབ་སེམས་དཔའ་ཐོག་མ་གནས་པ་དེ་ན་གནམ་ནས་བབས་ཏེ་འཛམ་བུའི་གླིང་དུ་གཤེགས་པ་ན་རབ་ཏུ་
D119.052.0028b02.01གཡོས་པ་ཞེས་བྱའོ། །ཐོག་མ་བཙས་པ་དང་། རབ་ཏུ་བྱུང་བ་དང་། བླ་ན་མེད་པ་ཡང་དག་པར་རྫོགས་པར་སངས་རྒྱས་པ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདའ་བར་གཤེགས་པ་ནི་རབ་ཏུ་གཡོས་པ་ཞེས་བྱའོ། །དེང་དེ་
D119.052.0028b03.01བཞིན་གཤེགས་པ་ཡང་ཡོངས་སུ་མྱ་ངན་ལས་འདའ་བར་གཤེགས་པ་ལྟ་སྟེ། དེ་བས་ན་ས་འདི་ཡང་རབ་ཏུ་གཡོས་སོ། །དེ་ནས་ལྷ་དང་། ཀླུ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་
D119.052.0028b04.01མི་མ་ཡིན་པ་ལ་སོགས་པ་དེ་དག་ཐོས་མ་ཐག་ཏུ་ལུས་ཀྱི་བ་སྤུ་ཀུན་ལངས་ནས་ཐམས་ཅད་དུ་ངུས་ཏེ་སྐད་འཐུན་པར་ཚིགས་སུ་བཅད་པས་འདི་སྐད་ཅེས་གསོལ་ཏོ། །ཕྱག་འཚལ་ཁ་ལོ་སྒྱུར་བ་ལ། །བདག་ཅག་རྣམས་ནི་གསོལ་བ་འདེབས། །དྲང་སྲོང་ཆེན་
D119.052.0028b05.01པོས་བོར་བས་ན། །མགོན་སྐྱབས་རྟེན་མ་མཆིས་པར་གྱུར། །བཅོམ་ལྡན་མྱ་ངན་འདས་གཤེགས་པས། །བདག་ཅག་སྡུག་བསྔལ་རྒྱ་མཚོར་ནུབ། །ཡིད་བློང་མྱ་ངན་གདུང་བ་ནི། །ཇི་ལྟར་བེའུ་དག་མ་སྟོར་བཞིན། །དབུལ་ཕོངས་མགོན་དང་སྐྱབས་
D119.052.0028b06.01མ་མཆིས། །ཇི་ལྟར་ཤིན་ཏུ་ན་བ་དེ། །སྨན་པ་མཁས་པ་མ་མཆིས་པས། །ཡིད་བཞིན་བཟའ་བ་ཅི་ཡང་འཚལ། །སེམས་ཅན་ཉོན་མོངས་ནད་ཀྱིས་གཟིར། །ལྟ་བ་རྣམས་ཀྱིས་རྟག་ཏུ་གཙེ། །ཆོས་ཀྱི་སྨན་པ་མཁས་དང་བྲལ། །ངན་པར་ལྟ་བའི་གདུག་
D119.052.0028b07.01