完整藏文原文 · 德格版页 当前仅加载第 52 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
རྩྭ་བཏིང་བ་ལ་འདུག་ནས་བདུད་ཀྱི་རིས་རྣམས་བཏུལ་ཏེ། སོ་སོའི་སྐྱེ་བོ་དག་ནི་ངས་གདོད་སྙིང་པོ་བྱང་ཆུབ་ཀྱི་ཤིང་དྲུང་དུ་བདུད་ཀྱི་རིས་རྣམས་བཏུལ་སྙམ་སེམས་ཏེ། ང་ནི་བསྐལ་པ་གྲངས་མེད་པའི་སྔ་རོལ་དུ་བདུད་ཐམས་ཅད་བཏུལ་ཟིན་མོད་ཀྱི། སེམས་ཅན་མ་དུལ་བ་དག་གདུལ་
D119.052.0065b01.01བའི་ཕྱིར་བདུད་བཏུལ་བ་དེ་ཡང་མངོན་པར་བསྟན་ཏོ། །ངས་ནི་བཤང་གཅི་ཆེ་ཆུང་དང་། དབུགས་ཕྱི་ནང་དུ་རྒྱུ་བ་ཡང་བསྟན་པས་སོ་སོའི་སྐྱེ་བོ་དག་ནི་ང་ལ་བཤང་གཅི་ཆེ་ཆུང་དང་དབུགས་ཕྱི་ནང་དུ་རྒྱུ་བ་ཡོད་སྙམ་སེམས་ཏེ། ངའི་སྐུ་འདི་བསོད་ནམས་ཀྱི་འབྲས་བུ་ཡིན་པས་
D119.052.0065b02.01དེ་ལྟ་བུའི་བཤང་གཅི་ཆེ་ཆུང་དང་དབུགས་ཕྱི་ནང་དུ་རྒྱུ་བའི་བག་མེད་ཀྱང་འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་མངོན་པར་བསྟན་ཏོ། །ངས་ནི་ཕ་རོལ་པོས་སྦྱིན་པ་བྱིན་པ་བླངས་པ་ཡང་བསྟན་ཏེ། ངའི་སྐུ་འདི་ལ་ནི་བཀྲེས་པ་འམ་སྐོམ་པའི་བག་མེད་དོ། །
D119.052.0065b03.01འོན་ཀྱང་འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་མངོན་པར་བསྟན་ཏོ། །གཞན་ཡང་སོ་སོའི་སྐྱེ་བོ་དང་འཐུན་པར་ཉལ་བ་དང་གཉིད་ལོག་པ་ཡང་བསྟན་ཏེ། ང་ནི་བསྐལ་པ་གྲངས་མེད་པའི་བར་དུ་ཤིན་ཏུ་ཟབ་མོའི་ཤེས་རབ་དང་ལྡན་ཏེ། སྲིད་པ་གསུམ་དང་ཡོངས་
D119.052.0065b04.01སུ་བྲལ་ཡང་། འགྲོ་བ་དང་སྡོད་པ་དང་། སྤྱོད་ལམ་དང་། {གླད་པ་,ཀླད་པ་}ན་བ་དང་། ལྟོ་ན་བ་དང་། རྒྱབ་ན་བ་དང་། འབྲུམ་བུ་དང་། བཀྲུས་པ་དང་། རྐང་པ་འཁྲུ་བ་དང་། ལག་པ་འཁྲུ་བ་དང་། གདོང་འཁྲུ་བ་དང་། ཁ་འཁྲུ་བ་དང་། སོ་ཤིང་འཆའ་བའི་བར་དུ་བསྟན་ཏེ། སོ་
D119.052.0065b05.01སོའི་སྐྱེ་བོ་དག་ནི་ང་ལ་དེ་དག་ཀུན་ཡོད་དོ་ཞེས་སེམས་ཏེ། ངའི་སྐུ་ལ་ནི་དེ་དག་གང་ཡང་མེད་དོ། །ངའི་ཞབས་པད་མོ་ལྟར་ཡོངས་སུ་དག་ཅིང་ཞལ་གྱི་དྲི་མེ་ཏོག་ཨུད་པ་ལ་བྲོ་ཡང་སོ་སོའི་སྐྱེ་བོ་དག་ནི་ང་ལ་གང་ཟག་སྙམ་དུ་སེམས་ཏེ། ཡང་དག་པར་ནང་ནི་གང་ཟག་མ་ཡིན་ནོ། །
D119.052.0065b06.01ང་ཡང་ཚེམ་བུ་གྱོན་ཅིང་འཁྲུ་བ་དང་། འཚེད་པ་དང་། འཆག་པར་བསྟན་ཏེ། ང་ནི་སྔོན་ཡུན་རིང་པོ་ནས་གོས་མི་དགོས་པར་གྱུར་ཏོ། །སོ་སོའི་སྐྱེ་བོ་དག་ནི་སྒྲ་གཅན་འཛིན་ལ་ངའི་བུ་སྙམ། རྒྱལ་པོ་ཟས་གཙང་མ་ནི་ངའི་ཡབ་སྙམ། ལྷ་མཛེས་ནི་ངའི་ཡུམ་སྙམ། འཇིག་རྟེན་
D119.052.0065b07.01