完整藏文原文 · 德格版页 当前仅加载第 52 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པའི་ཏིང་ངེ་འཛིན་ཏོ། །གཞན་ཡང་རྣམ་པ་དགུ་སྟེ། འཕགས་པའི་ལམ་ཡན་ལག་བརྒྱད་དང་དད་པའོ། །གཞན་ཡང་རྣམ་པ་བཅུ་སྟེ། སྟོབས་བཅུའོ། །གཞན་ཡང་རྣམ་པ་བཅུ་གཅིག་སྟེ། སྟོབས་བཅུ་དང་བྱམས་པ་
D119.052.0207a01.01ཆེན་པོའོ། །གཞན་ཡང་རྣམ་པ་བཅུ་གཉིས་ཏེ། སྟོབས་བཅུ་དང་། བྱམས་པ་ཆེན་པོ་དང་། སྙིང་རྗེ་ཆེན་པོའོ། །གཞན་ཡང་རྣམ་པ་བཅུ་གསུམ་སྟེ། སྟོབས་བཅུ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་རྗེས་སུ་དྲན་པའི་ཏིང་
D119.052.0207a02.01ངེ་འཛིན་ནོ། །གཞན་ཡང་རྣམ་པ་བཅུ་དྲུག་སྟེ། སྟོབས་བཅུ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་རྗེས་སུ་དྲན་པའི་ཏིང་ངེ་འཛིན་དང་། སངས་རྒྱས་ཀྱིས་བརྙེས་པའི་ཡང་དག་པའི་དྲན་པ་ཉེ་བར་གཞག་པ་གསུམ་མོ། །གཞན་
D119.052.0207a03.01ཡང་རྣམ་པ་ཉི་ཤུ་སྟེ། སྟོབས་བཅུ་དང་། མི་འཇིགས་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་རྗེས་སུ་དྲན་པའི་ཏིང་ངེ་འཛིན་དང་། ཡང་དག་པའི་དྲན་པ་ཉེ་བར་གཞག་པ་གསུམ་མོ། །རིགས་ཀྱི་བུ་ལམ་དེ་དག་ནི་དངོས་
D119.052.0207a04.01པོ་གཅིག་སྟེ། དེ་བཞིན་གཤེགས་པས་སྔོན་སེམས་ཅན་གྱི་ཕྱིར་རྣམ་པ་སྣ་ཚོགས་སུ་གསུངས་པ་ཡིན་ནོ། །རིགས་ཀྱི་བུ་འདི་ལྟ་སྟེ་དཔེར་ན་མེ་ལྟ་བུ་དངོས་པོ་གཅིག་ཏུ་ཟད་ན་ཚིག་པ་ལས་མེ་མང་པོར་གྱུར་ཏོ། །འདི་ལྟ་སྟེ། ཤིང་གི་མེ་དང་། རྩྭའི་མེ་དང་།
D119.052.0207a05.01ཕུབ་མའི་མེ་དང་། རྟ་རྟུག་དང་། བ་ལང་གི་ལྕི་བའི་མེ་ཞེས་རྣམ་པ་མང་པོར་བཏགས་སོ། །རིགས་ཀྱི་བུ་སངས་རྒྱས་ཀྱི་ལམ་ཡང་དེ་དང་འདྲ་བར་གཅིག་སྟེ་གཉིས་སུ་མེད་མོད་ཀྱི། སེམས་ཅན་གྱི་ཕྱིར་རྣམ་པ་སྣ་ཚོགས་སུ་སོ་སོར་ཕྱེ་བ་ཡིན་ནོ། །རིགས་
D119.052.0207a06.01ཀྱི་བུ་གཞན་ཡང་འདི་ལྟ་སྟེ་དཔེར་ན། རྣམ་པར་ཤེས་པ་གཅིག་ལས་རྣམ་པ་དྲུག་ཏུ་ཕྱེ་སྟེ། བསྟན་པ་ནི་མིག་གི་སྐབས་སུ་ནི་མིག་གི་རྣམ་པར་ཤེས་པ་ཞེས་བཏགས་པ་ནས་ཡིད་ཀྱི་རྣམ་པར་ཤེས་པའི་བར་དུ་དེ་བཞིན་དུ་རྒྱས་པར་རིག་པར་བྱའོ། །རིགས་ཀྱི་བུ་
D119.052.0207a07.01