完整藏文原文 · 德格版页 当前仅加载第 52 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། པུན་ད་རཱི་ཀའི་སེམས་ཅན་དམྱལ་བ་སྟེ། དེ་དག་ཏུ་སྐྱེས་པའི་སེམས་ཅན་རྟག་ཏུ་སྡུག་བསྔལ་ཆེན་པོ་མྱོང་བ་ནི་འདི་ལྟ་སྟེ། ལུས་རབ་ཏུ་གས་པ་དང་། ཞིག་པ་དང་། དུམ་བུ་དུམ་བུར་ཆད་པར་གྱུར་ཏེ། དེ་དག་ཀྱང་འོད་ཀྱིས་རེག་མ་ཐག་ཏུ་སྡུག་བསྔལ་
D119.052.0173b01.01ལྷག་མ་མ་ལུས་པར་བྱང་བར་གྱུར་ཏོ། །དྲོ་བ་དང་འཇམ་པར་གྱུར་ནས་འོད་དེ་ལ་འདི་སྐད་དུ། དེ་བཞིན་གཤེགས་པའི་སྙིང་པོ་སྟོན་པའི་སྒྲ་གྲགས་པ་ནི་འདི་ལྟ་སྟེ། ཀྱེ་སེམས་ཅན་ཁྱེད་ལ་ཡང་སངས་རྒྱས་ཀྱི་རང་བཞིན་ཡོད་དོ་ཞེས་གྲགས་ཏེ་དེ་
D119.052.0173b02.01དག་གིས་དེ་སྐད་ཅེས་ཐོས་ནས་དེ་མ་ཐག་ཏུ་ཚེ་འཕོས་ཏེ་མཐོ་རིས་ཀྱི་ལྷ་དང་མིར་སྐྱེས་པར་གྱུར་ཏོ། །དེའི་ཚེ་དེའི་དུས་ན་འཛམ་བུའི་གླིང་འདི་དང་། འཇིག་རྟེན་གྱི་ཁམས་གཞན་དག་གི་སེམས་ཅན་དམྱལ་བ་ཐམས་ཅད་སྟོངས་པར་གྱུར་ཏེ་སྡུག་བསྔལ་མྱོང་
D119.052.0173b03.01བ་མེད་དོ། །{ཡི་དགས་,ཡི་དྭགས་}ཀྱི་ཁམས་སུ་སྐྱེས་པ་དག་ཟས་དང་སྐོམ་གྱིས་ཡོངས་སུ་གདུངས་པ། སྐྲ་ཤད་འཛིངས་པས་ལུས་དཀྲིས་པ། ལོ་བརྒྱ་སྟོང་གི་བར་དུ་ཆུའི་མིང་ཡང་མི་ཐོས་པ་དག་འོད་དེས་རེག་མ་ཐག་ཏུ་བཀྲེས་པ་དང་། སྐོམ་པས་གདུངས་པ་
D119.052.0173b04.01དང་བྲལ་ཏེ་འོད་དེ་ལས་འདི་སྐད་དུ་དེ་བཞིན་གཤེགས་པའི་སྙིང་པོ་སྟོན་པའི་སྒྲ་གྲགས་པ་ནི་འདི་ལྟ་སྟེ། སེམས་ཅན་ཁྱེད་ལ་ཡང་སངས་རྒྱས་ཀྱི་རང་བཞིན་ཡོད་དོ་ཞེས་པའི་ཚིག་གྲགས་པར་གྱུར་ཏོ། །སེམས་ཅན་དེ་དག་གིས་ཚིག་དེ་སྐད་ཅེས་ཐོས་ནས་དེ་
D119.052.0173b05.01དག་ཚེ་འཕོས་ཏེ་དེ་མ་ཐག་ཏུ་མཐོ་རིས་ཀྱི་ལྷ་དང་མིར་སྐྱེས་ཏེ། {ཡི་དགས་,ཡི་དྭགས་}ཀྱི་ཁམས་ཀྱང་སྟོངས་པར་གྱུར་ཏེ། དེ་ལ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལ་སྐུར་པ་ནི་མ་གཏོགས་སོ། །བྱོལ་སོང་གི་སྐྱེ་གནས་སུ་སྐྱེས་པའི་སེམས་ཅན་གཅིག་ལ་གཅིག་འཆའ་
D119.052.0173b06.01ཞིང་ཟ་བ་གནོད་པ་བྱེད་པ་དག་ཀྱང་འོད་དེས་རེག་ནས་སྡིག་པའི་སེམས་ཞི་བར་གྱུར་ཏེ། འོད་དེ་ལས་ཀྱང་འདི་སྐད་དུ་དེ་བཞིན་གཤེགས་པའི་སྙིང་པོ་སྟོན་པ་གྲགས་པ་ནི་འདི་ལྟ་སྟེ། སེམས་ཅན་ཁྱེད་ལ་ཡང་སངས་རྒྱས་ཀྱི་རང་བཞིན་ཡོད་དོ་ཞེས་
D119.052.0173b07.01