完整藏文原文 · 德格版页 当前仅加载第 52 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཕྱིན་པའི་ཡེ་ཤེས། རིན་པོ་ཆེའི་ཡེ་ཤེས་དང་ལྡན་པ། མིའི་ནང་ན་ཁྱུ་མཆོག་གི་རྒྱལ་པོ་ལྟ་བུ། མིའི་ནང་ན་གླང་པོ་ཆེའི་རྒྱལ་པོ་ལྟ་བུ། མིའི་ནང་ན་ཀླུའི་རྒྱལ་པོ་ལྟ་བུ། མིའི་ནང་ན་སྐྱེས་བུ། མིའི་ནང་ན་མེ་ཏོག་པད་མོ་ལྟ་བུ། པུན་ད་རཱི་ཀ་ལྟ་བུ། ཁ་ལོ་སྒྱུར་བ། མིའི་སྟོན་པ།
D119.052.0279b01.01སྦྱིན་བདག་ཆེན་པོ། ཆོས་ཆེན་པོ་སྟོན་པ། ཆོས་མཁྱེན་པའི་ཕྱིར་ཆོས་ཆེན་པོ་སྟོན་པ། དོན་མཁྱེན་པའི་ཕྱིར་ཆོས་ཆེན་པོ་སྟོན་པ། དུས་མཁྱེན་པའི་ཕྱིར་ཆོས་ཆེན་པོ་སྟོན་པ། ཆོག་ཤེས་པའི་ཕྱིར་ཆོས་ཆེན་པོ་སྟོན་པ། བདག་ཤེས་པའི་ཕྱིར་ཆོས་ཆེན་པོ་སྟོན་པ། འཁོར་ཆེན་པོ་ཤེས་
D119.052.0279b02.01པའི་ཕྱིར་ཆོས་ཆེན་པོ་སྟོན་པ། སེམས་ཅན་གྱི་རང་བཞིན་རྣམ་པ་ཐ་དད་པ་མཁྱེན་པའི་ཕྱིར་ཆོས་ཆེན་པོ་སྟོན་པ་དབང་པོ་རྣོན་པོ་དང་རྟུལ་པོ་དང་བར་མ་མཁྱེན་པའི་ཕྱིར་ཆོས་ཆེན་པོ་སྟོན་པ། ལམ་དབུ་མ་སྟོན་པའི་ཕྱིར་ཆོས་ཆེན་པོ་སྟོན་པ་ཞེས་བྱའོ། །དེ་ལ་ཇི་ལྟར་ན་དེ་བཞིན་
D119.052.0279b03.01གཤེགས་པ་ཞེས་བྱ་ཞེ་ན། སྔོན་འདས་པའི་སངས་རྒྱས་རྣམས་ཀྱིས་གསུངས་པ་ལས་མི་འགྱུར་བའི་ཕྱིར་དེ་བཞིན་གཤེགས་པ་ཞེས་བྱའོ། །ཇི་ལྟར་མི་འགྱུར་ཞེ་ན། སྔོན་འདས་པའི་སངས་རྒྱས་རྣམས་ཀྱང་སེམས་ཅན་བསྒྲལ་བའི་ཕྱིར་མདོ་སྡེ་བཅུ་གཉིས་གསུངས་སོ། །
D119.052.0279b04.01དེ་བཞིན་གཤེགས་པ་ཡང་དེ་དང་འདྲ་བས་ན་དེ་བཞིན་གཤེགས་པ་ཞེས་བྱའོ། །སངས་རྒྱས་བཅོམ་ལྡན་འདས་རྣམས་ནི་ཕ་རོལ་ཏུ་ཕྱིན་པ་དྲུག་དང་། བྱང་ཆུབ་ཀྱི་ཕྱོགས་སུམ་ཅུ་རྩ་བདུན་དང་། སྟོང་པ་བཅུ་གཅིག་ལས་གཤེགས་པས་ན་ཡོངས་སུ་མྱ་ངན་ལས་འདས་པ་ཆེན་
D119.052.0279b05.01པོར་ཕྱིན་ཏེ། དེ་བཞིན་གཤེགས་པ་ཡང་དེ་དང་འདྲ་བས་ན་སངས་རྒྱས་ལ་དེ་བཞིན་གཤེགས་པ་ཞེས་བྱའོ། །སངས་རྒྱས་བཅོམ་ལྡན་འདས་ནི་སེམས་ཅན་གྱི་ཕྱིར་ཐབས་དེ་ཉིད་ཀྱིས་ཐེག་པ་གསུམ་དུ་བསྟན་ཏེ། སྐུ་ཚེའི་ཚད་ཀྱང་ཚད་མེད་དཔག་ཏུ་མེད་པས་དེ་བཞིན་གཤེགས་
D119.052.0279b06.01པ་ཡང་དེ་དང་འདྲ་སྟེ། དེ་བས་ན་སངས་རྒྱས་ལ་དེ་བཞིན་གཤེགས་པ་ཞེས་བྱའོ། །དེ་ལ་ཇི་ལྟར་ན་དགྲ་བཅོམ་པ་ཞེ་ན། འཇིག་རྟེན་གྱི་ཆོས་ཐམས་ཅད་ནི་དགྲ་ཞེས་བྱ་སྟེ། སངས་རྒྱས་ཀྱིས་རྣམ་པ་དེ་དག་ཆོམས་པས་ན་དགྲ་བཅོམ་པ་ཞེས་བྱའོ། །བདུད་རྣམ་པ་བཞི་
D119.052.0279b07.01