完整藏文原文 · 德格版页 当前仅加载第 52 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པས་ནི་ཆོས་ལ་སྐུར་པ་དག་ལ་ཡོངས་སུ་གདུལ་བའི་ལས་བྱེད་དེ། ངན་པར་སྤྱོད་པ་དག་རྣམ་པར་སྨིན་པའི་འབྲས་བུ་སྟོན་པར་བྱེད་དོ། །རིགས་ཀྱི་བུ་འདི་ལྟར་རིག་པར་བྱ་སྟེ། དེ་བཞིན་གཤེགས་པས་ནི་སེམས་ཅན་ངན་པ་དག་ལ་མི་
D119.052.0043a01.01འཇིགས་པ་སྦྱིན་པ་ཡིན་ནོ། །གལ་ཏེ་འོད་ཟེར་གཅིག་གམ། གཉིས་སམ། ལྔ་བཀྱེ་བས་གང་ལ་རེག་པའི་སེམས་ཅན་དེ་དག་ནི་སྡིག་པ་ཡོངས་སུ་སྤོང་བར་འགྱུར་རོ། །དེ་བས་ན་དེ་བཞིན་གཤེགས་པ་ནི་དེ་ལྟ་བུའི་མཐུ་ཚད་མེད་པ་དང་ལྡན་ནོ། །རིགས་ཀྱི་བུ་
D119.052.0043a02.01གང་མ་མཐོང་བའི་ཆོས་རྣམས་ཁྱོད་ཀྱིས་མཐོང་བར་འདོད་ན་ཁྱོད་ལ་དེའི་ཕྱོགས་ཙམ་ཞིག་བསྟན་པར་བྱའོ། །ང་ཡོངས་སུ་མྱ་ངན་ལས་འདས་པའི་འོག་ཏུ་ཕྱོགས་གང་ན་དགེ་སློང་ཚུལ་ཁྲིམས་དང་ལྡན་ཞིང་སྤྱོད་ལམ་མ་ཉམས་པ་དམ་པའི་ཆོས་ཡོངས་སུ་སྲུང་བ་དག་གིས་
D119.052.0043a03.01ཆོས་མ་རུང་བར་བྱེད་པ་རྣམས་མཐོང་ནས་སྐྲོད་ཅིང་ཆད་པས་ཀྱང་གཅོད་པའི་སྐྱེས་བུ་དེ་ནི་བསོད་ནམས་ཚད་མེད་དཔག་ཏུ་མེད་པ་ཐོབ་པར་རིག་པར་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་རྒྱལ་པོ་ཆོས་ངན་པ་འབའ་ཞིག་སྤྱོད་པ་ཞིག་ནད་ཀྱིས་བཏབ་པ་ལས་ཡུལ་དེ་དང་
D119.052.0043a04.01ཉེ་བའི་རྒྱལ་པོ་ཞིག་དེ་ལྟར་ན་བར་གྱུར་པ་ཐོས་ནས་རྒྱལ་པོ་ནད་པ་དེ་མེད་པར་བྱ་བའི་ཕྱིར་དམག་དྲངས་སོ། །རྒྱལ་པོ་ནད་པ་དེ་མཐུ་དང་དཔུང་{ཆུངས་,ཆུང་}པས་འཇིགས་སྐྲག་སྟེ། མི་དགེ་བ་བཏང་ནས་དགེ་བ་ལ་བརྩོན་པར་གྱུར་ན་ཕས་རྒོལ་བའི་རྒྱལ་པོ་དེས་བསོད་ནམས་ཚད་
D119.052.0043a05.01མེད་པ་ཐོབ་པར་འགྱུར་རོ། །དེ་བཞིན་དུ་ཆོས་འཛིན་པའི་དགེ་སློང་དག་ཀྱང་དེ་དང་འདྲ་བར་ཆོས་མ་རུང་བར་བྱེད་པའི་གང་ཟག་དག་སྐྲོད་པ་དང་། ཆད་པས་གཅོད་པའི་ལས་བྱས་ཏེ་དགེ་བའི་ཆོས་ལ་བཙུད་ན་བསོད་ནམས་ཚད་མེད་པ་འཐོབ་པར་འགྱུར་རོ། །རིགས་
D119.052.0043a06.01ཀྱི་བུ་འདི་ལྟ་སྟེ་དཔེར་ན་ཁྱིམ་བདག་གཅིག་གི་ཁྱིམ་དུ་དུག་གི་སྡོང་པོ་སྐྱེས་ན་ཁྱིམ་བདག་དེས་དུག་ཡིན་པར་ཤེས་མ་ཐག་ཏུ་རྩ་བ་ནས་མེད་པར་བྱེད་དོ། །གཞན་ཡང་སྐྱེས་བུ་ལང་ཚོ་བའི་མགོ་ལ་སྐྲ་དཀར་ཞིག་བྱུང་ན་དེ་ངོ་ཚ་སྟེ་དེ་མ་ཐག་ཏུ་རྩ་བ་ནས་བཏོན་ཏེ་ཕྱིས་མི་
D119.052.0043a07.01