完整藏文原文 · 德格版页 当前仅加载第 52 函德格 317a 版页；藏文 NFD、目录标记与异常页序保留在来源切片中，重复版页行以稳定序号区分。
སྟི་བྱེད་པའི་སེམས་མེད་པར་གྱུར་ཏོ། །སྨན་པས་དེ་སྐད་ཅེས་ཟེར་བ་ཐོས་ནས་དྲུང་དུ་བསྙེན་ཏེ་མནམས་སོ། །དེ་ལ་ཨུད་པ་ལའི་དྲི་བྲོའམ། ཨ་ག་རུ་དང་སྤོས་སྣ་ཚོགས་དང་། སྤོས་བྱིད་ཀ་ཏ་དང་། ཏ་ཀ་ར་དང་ཏ་མ་ལ་དང་གུར་གུམ་དང་ཙན་དན་གྱི་དྲི་བྲོ་བ་དང་། སྲེག་
D119.052.0317a01.01ཤའི་དྲི་བྲོ་བ་དང་། རྒུན་ཆང་བྲོ་བ་དང་རྒྱུས་པ་དང་། རུས་པ་སྲེགས་པའི་དྲི་ལྟར་མནམ་པ་དང་། ཉ་བྲོ་བ་དང་ངན་སྐྱུགས་བྲོ་བ་སྟེ། དེ་ལྟར་དྲི་ཞིམ་པོ་དང་མནམ་པོ་གང་བྲོ་བ་རིག་ནས་ལུས་ལ་མནམས་ཏེ། ལུས་དར་རམ། མེ་ཏོག་ཀ་པ་ལ་ཤ་ལྟར་མཉེན་ཞིང་འཇམ་པའམ། འོན་ཏེ་རྡོ་བཞིན་
D119.052.0317a02.01སྲའམ། ཆབ་བྲོམ་བཞིན་དུ་གྲང་ངམ། མེ་བཞིན་དུ་ཚའམ། བྱེ་མ་བཞིན་དུ་རྩུབ་པར་གྱུར་ན། དེ་ནས་སྨན་པ་མཁས་པ་དེས་དེ་ལྟ་བུའི་ལྟས་རྣམ་པ་སྣ་ཚོགས་མཐོང་ནས། ནད་པ་དེ་གདོན་མི་ཟ་བར་འཆི་བར་ཤེས་མོད་ཀྱི། འོན་ཀྱང་མི་འདི་འཆིའོ་ཞེས་པའི་ཚིག་ཆད་པ་མི་སྨྲ་སྟེ།
D119.052.0317a03.01ནད་གཡོག་ལ་འདི་སྐད་དུ་བདག་དེང་བྲེལ་བ་ཞིག་ཡོད་ཀྱིས་སང་འོང་ངོ་། །ཅི་དང་ཅི་འདོད་པ་མ་དགག་པར་བྱིན་ཅིག་ཅེས་སྨྲས་ནས་ཕྱིར་ཁྱིམ་དུ་སོང་ངོ་། །དེ་ནས་ཡང་འབོད་དུ་འོངས་ན་སུན་མ་ལ་འདི་སྐད་དུ་བདག་གི་ལས་ད་དུང་མ་ཟིན་པའི་སྟེང་དུ་སྨན་ཀྱང་མ་སྦྱར་རོ་ཞེས་ཟེར་ན་མཁས་
D119.052.0317a04.01པ་ཤེས་རབ་ཅན་གྱིས་ནི་ནད་པ་དེ་གདོན་མི་ཟ་བར་འཆི་བར་རིག་གོ། །རྒྱལ་པོ་ཆེན་པོ་བཅོམ་ལྡན་འདས་ཀྱང་དེ་དང་འདྲ་སྟེ། ལོག་སྲེད་ཅན་དག་གི་དབང་པོ་དང་རང་བཞིན་ཇི་ལྟ་བ་རབ་ཏུ་མཁྱེན་པས་དེ་ལ་ཡང་ཆོས་སྟོན་ཏོ། །དེ་ཅིའི་ཕྱིར་ཞེ་ན། གལ་ཏེ་དེ་དག་ལ་ཆོས་མ་བསྟན་ན་བུས་པ་མ་
D119.052.0317a05.01རབས་ཐམས་ཅད་འདི་སྐད་དུ་དེ་བཞིན་གཤེགས་པ་ལ་ནི་བྱམས་པ་དང་སྙིང་རྗེ་ཆེན་པོ་མི་མངའོ། །བྱམས་པ་དང་སྙིང་རྗེ་ཆེན་པོ་མངའ་བ་ནི་ཐམས་ཅད་མཁྱེན་པ་ཞེས་བྱ་སྟེ། བྱམས་པ་དང་སྙིང་རྗེ་མེད་ན་ཇི་ལྟར་ན་ཐམས་ཅད་མཁྱེན་པ་ཞེས་སྨྲ་བ་དེ་དག་གི་ཕྱིར་དེ་བཞིན་གཤེགས་པས་ལོག་
D119.052.0317a06.01སྲེད་ཅན་དག་ལ་ཆོས་སྟོན་ཏོ། །རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ནི་ན་བ་རྣམས་གཟིགས་ན་རྟག་ཏུ་ཆོས་ཀྱི་སྨན་བྱིན་ཏེ། ནད་པས་མི་འཐུང་གི་དེ་བཞིན་གཤེགས་པས་མ་ཉེས་སོ། །རྒྱལ་པོ་ཆེན་པོ་ལོག་སྲེད་ཅན་དག་རྣམ་པར་ཕྱེ་ན་རྣམ་པ་གཉིས་ཏེ། ད་ལྟར་
D119.052.0317a07.01