完整藏文原文 · 德格版页 当前仅加载第 52 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་གནས་བཅས་ཏེ། །དེ་གཉིས་སྤུན་བཞིན་གྱུར་པ་ན། །དེ་ན་མྱ་ངན་འདའ་བར་འགྱུར། །དེ་བཞིན་གཤེགས་པས་ཐམས་ཅད་ལ། །སྒྲ་གཅན་འཛིན་ལྟར་གཟིགས་པས་ན། །འགྲོ་བ་ཀུན་གྱི་གཙོར་གྱུར་པ། །ཅི་ཕྱིར་ཡོངས་སུ་མྱ་ངན་འདའ། །
D119.052.0159a01.01ནམ་ཞིག་སྦྲུལ་དང་སྲེ་མོ་གཉིས། །ཁུང་གཅིག་ནང་དུ་ཚང་བཅས་ཏེ། །དེ་གཉིས་སྤུན་ལྟར་གྱུར་པ་ན། །དེ་ན་ཡོངས་སུ་མྱ་ངན་འདའ། །དེ་བཞིན་གཤེགས་པས་ཐམས་ཅད་ལ། །སྒྲ་གཅན་འཛིན་ལྟར་ཀུན་གཟིགས་ཏེ། །སེམས་ཅན་ཀུན་གྱི་གཙོར་གྱུར་པ། །ཅི་ཕྱིར་ཡོངས་སུ་
D119.052.0159a02.01མྱ་ངན་འདའ། །ཅི་སྟེ་མེ་ཏོག་འདབ་བདུན་པོ། །ཀ་ཤི་ཀ་ཡི་དྲིར་གྱུར་ཏམ། །ཀ་ལ་ཀ་ཡི་ཤིང་ལས་ནི། །ཙིན་དའི་འབྲས་བུ་འཆགས་སྲིད་ཀྱི། །དེ་བཞིན་གཤེགས་པས་ཐམས་ཅད་ལ། །སྒྲ་གཅན་འཛིན་ལྟར་གཟིགས་པས་ན། །ཅི་ཕྱིར་སྙིང་རྗེ་ཀུན་བཏང་སྟེ། །ཡོངས་སུ་མྱ་ངན་
D119.052.0159a03.01འདའ་བར་གཤེགས། །ཅི་སྟེ་ལོག་སྲེད་ཅན་དེ་དག །སྙིང་པོར་བྱང་ཆུབ་སངས་རྒྱས་ཏེ། །བདེ་བའི་མཆོག་ལ་གནས་གྱུར་ན། །དེ་ན་མྱ་ངན་འདའ་བར་འགྱུར། །དེ་བཞིན་གཤེགས་པས་ཐམས་ཅད་ལ། །སྒྲ་གཅན་འཛིན་ལྟར་གཟིགས་པས་ན། །ཅི་ཕྱིར་སྙིང་རྗེ་ཀུན་བཏང་སྟེ། །
D119.052.0159a04.01ཡོངས་སུ་མྱ་ངན་འདའ་བར་གཤེགས། །གལ་ཏེ་སོ་སོའི་སྐྱེ་བོ་དག །དུས་གཅིག་མཉམ་པར་སངས་རྒྱས་ཏེ། །ཉེས་པའི་སྐྱོན་རྣམས་ཀུན་སྤངས་ན། །དེ་ན་མྱ་ངན་འདའ་བར་འགྱུར། །དེ་བཞིན་གཤེགས་པས་ཐམས་ཅད་ལ། །སྒྲ་གཅན་འཛིན་ལྟར་གཟིགས་པས་ན། །ཅི་
D119.052.0159a05.01ཕྱིར་སྙིང་རྗེ་ཀུན་བཏང་སྟེ། །ཡོངས་སུ་མྱ་ངན་འདའ་བར་གཤེགས། །ཅི་སྟེ་སྦྲང་བུ་ཆུང་ངུའི་གཅིན། །ས་ཆེན་འདི་ཡང་འཇིག་ནུས་ལ། །རི་དང་ལྗོངས་ཀུན་མེད་པར་རམ། །རྒྱ་མཚོ་ཆེན་པོ་འགེངས་འགྱུར་ན། །དེ་ན་ཡོངས་སུ་མྱ་ངན་འདའ། །སྙིང་རྗེའི་སེམས་ཀྱིས་ཐམས་ཅད་
D119.052.0159a06.01ལ། །སྒྲ་གཅན་འཛིན་ལྟར་གཟིགས་པས་ན། །འགྲོ་བ་ཀུན་གྱི་གཙོ་འགྱུར་བ། །ཅི་ཕྱིར་ཡོངས་སུ་མྱ་ངན་འདའ། །དེ་བས་ཁྱེད་ལ་སོགས་པ་དག །དམ་པའི་ཆོས་ལ་མོས་པར་གྱིས། །མྱ་ངན་གྱིས་ཀྱང་མ་གདུངས་པར། །ཡི་བློང་ངུ་བར་མ་བྱེད་ཅིག །ཡང་དག་ལ་ནི་གང་
D119.052.0159a07.01