完整藏文原文 · 德格版页 当前仅加载第 52 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་དང་། ཚོང་དཔོན་ཐེག་པ་ཆེན་པོ་ལ་ཤིན་ཏུ་མོས་པས་སློབ་པ་གཞན་ལ་ཞུགས་པ་གང་ཞིག་ཡང་དག་པའི་ཆོས་ལ་སྨོད་པ་ཞིག་ཡོད་ན། དེ་དག་གི་མཐུས་ཐུལ་བ་ནི་ཇི་ལྟར་རྩྭ་དང་ཤིང་ལ་སེར་བ་བབ་པ་ལྟ་བུ་ཤ་སྟག་ལ་འདི་ལྟ་སྟེ། ཚོང་དཔོན་
D119.052.0008a01.01ཉི་མའི་འོད་དང་། ཚོང་དཔོན་འཇིག་རྟེན་སྐྱོང་དང་། ཚོང་དཔོན་ཆོས་སྐྱོང་ལ་སོགས་པས་ཐོག་མར་དྲངས་ཏེ། དེ་དག་གིས་སོ་སོ་ནས་མཆོད་པའི་ཡོ་བྱད་བཤམས་པ་ནི་སྔ་མ་བས་ལྔ་འགྱུར་ཙམ་བཤམས་ཏེ། ཤིང་སཱ་ལ་དྲུང་གཉིས་ཀྱི་བར་གང་ན་བར་སོང་སྟེ་ཕྱིན་པ་དང་། བཅོམ་ལྡན་
D119.052.0008a02.01འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ནས་ལན་བརྒྱ་སྟོང་དུ་བསྐོར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་སངས་རྒྱས་དང་། དགེ་སློང་གི་དགེ་འདུན་རྣམས་ལ་མཆོད་པའི་ཡོ་བྱད་འདི་དག་འབུལ་ན་བཞེས་ཤིག་ཅེས་གསོལ་
D119.052.0008a03.01ཏོ། །དེ་ལ་དེ་བཞིན་གཤེགས་པ་ཅང་མི་གསུང་ནས་བཞེས་སུ་མ་གནང་ངོ་། །ཚོང་དཔོན་དེ་དག་བསམས་པ་བཞིན་དུ་མ་གྱུར་ནས་ཤིན་ཏུ་མྱ་ངན་གྱིས་ཡིད་གདུངས་པར་གྱུར་ཏེ། བཅོམ་ལྡན་འདས་ཀྱི་བྱིན་གྱི་རླབས་ཀྱིས་ས་ལས་ཤིང་ཏ་ལ་བདུན་སྲིད་དུ་འཕགས་ནས་སྟེང་གི་ནམ་
D119.052.0008a04.01མཁའ་ལ་ཅང་མི་སྨྲ་བར་འཁོད་དོ། །དེའི་ཚེ་གཞན་ཡང་ཡུལ་ཡངས་པ་ཅན་གྱི་རྒྱལ་པོ་བཙུན་མོ་དང་སླས་སུ་བཅས་པ། གཞན་ཡང་འཛམ་བུ་གླིང་ན་རྒྱལ་པོ་མ་སྐྱེས་དགྲ་མ་གཏོགས་པར་རྒྱལ་ཕྲན་དེ་མ་ཡིན་པ་ཐམས་ཅད་དང་། གྲོང་ཁྱེར་དང་། ལྗོངས་དང་། གྲོང་འདབ་ཐམས་
D119.052.0008a05.01ཅད་ཀྱི་མི་ཐམས་ཅད་དང་བཅས་པ་ལ་འདི་ལྟ་སྟེ། རྒྱལ་པོ་ཟླ་འོད་དྲི་མེད་རྒྱལ་པོ་ལ་སོགས་པས་ཐོག་མར་དྲངས་ནས་སོ་སོ་ནས་དམག་རྣམ་བཞི་དང་བཅས་ཏེ། སངས་རྒྱས་གང་ན་བར་ལྷགས་སོ། །རྒྱལ་པོ་དེ་དག་རེ་རེ་ཡང་འཁོར་ཁྲི་ཕྲག་བརྒྱད་ཅུ་དང་བཅས་སོ། །དམག་གི་
D119.052.0008a06.01ཚོགས་ཀྱང་བལ་གླང་དང་རྟ་པ་སྟེ། བལ་གླང་དེ་དག་ཀྱང་མཆེ་བ་དྲུག་དང་ལྡན་ལ། རྟ་རྣམས་ཀྱང་མགྱོགས་ཁྱད་རླུང་བཞིན་ཏེ། མཆོད་པའི་ཡོ་བྱད་བཤམས་པ་ཡང་སྔ་མ་བས་དྲུག་འགྱུར་གྱིས་ལྷག་གོ། །རིན་པོ་ཆེའི་གདུགས་ནང་གི་ཆུང་ངུ་ཡང་ཆུ་ཞེང་ཁོ་ར་ཁོར་ཡུག་ཏུ་དཔག་
D119.052.0008a07.01