完整藏文原文 · 德格版页 当前仅加载第 52 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་སུམ་དུ་གྱུར་ཏེ། དེ་བཞིན་གཤེགས་པ་ནི་རྟག་པའི་ཆོས་ཅན། མི་འགྱུར་མི་འཕོ་བའི་ཆོས་ཅན། འདུས་མ་བྱས་པའི་ཆོས་སུ་རྟོག་པ་ལེགས་སོ། །ཁྱོད་ཀྱིས་དེ་བཞིན་གཤེགས་པ་ལ་འདུས་བྱས་ཀྱི་མཚན་ཉིད་དུ་མ་བརྗོད་པ་ལེགས་སོ། །ཇི་ལྟར་མེས་
D119.052.0025b01.01ཚིག་པའི་གང་ཟག་དེ་ཁྲེལ་ཞིང་ངོ་ཚ་བ་དང་ལྡན་པས་གོས་ཀྱིས་ལུས་གཡོགས་པ་དང་། བསམ་པ་དེ་དགེ་བས་སུམ་ཅུ་རྩ་གསུམ་གནམ་གྱི་ལྷར་སྐྱེས་ཏེ། ཚངས་པའི་རྒྱལ་པོ་དང་། འཁོར་ལོས་སྒྱུར་བའི་རྒྱལ་པོར་གྱུར་ཏེ། རྟག་ཏུ་གནས་བདེ་བར་སྐྱེས་ཀྱི་ངན་སོང་
D119.052.0025b02.01དུ་མ་སྐྱེས་སོ། །དེ་བཞིན་དུ་ཁྱོད་ཀྱང་དེ་བཞིན་གཤེགས་པའི་འདུས་བྱས་ཀྱི་མཚན་ཉིད་མ་བརྗོད་པས་ཕྱི་མ་མ་འོངས་པའི་དུས་སུ་གདོན་མི་ཟ་བར་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། མ་འདྲེས་པའི་ཆོས་{བཅྭ་,བཅོ་}བརྒྱད་དང་། ཚེ་ཚད་མེད་པ་
D119.052.0025b03.01དང་། འཁོར་བར་མི་གནས་པ་དང་། རབ་ཏུ་བདེ་བ་དང་། རིང་པོར་མི་ཐོགས་པར་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། །ཙུན་ད་དེ་ནི་དེ་བཞིན་གཤེགས་པས་རྒྱས་པར་གསུང་བར་འགྱུར་གྱིས་བདག་ཅག་གཉིས་ཀས་དེ་བཞིན་གཤེགས་པའི་འདུས་
D119.052.0025b04.01བྱས་ཀྱི་མཚན་ཉིད་མི་བརྗོད་པར་བྱའོ། །འདུས་བྱས་དང་འདུས་མ་བྱས་པ་འདི་རེ་ཞིག་ཞོག་ལ་བསོད་སྙོམས་ཅི་འབྱོར་པ་མྱུར་དུ་ཕུལ་ཅིག །སྦྱིན་པ་འདི་ནི་སྦྱིན་པ་བྱིན་པའི་ནང་ན་ཕུལ་དུ་འགྱུར་རོ། །དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་
D119.052.0025b05.01ལམ་རིང་པོ་ནས་འོངས་པ་ངལ་ཆད་པ་དག་ལ་ཡོངས་སུ་དག་པའི་སེམས་ཀྱིས་ཅི་འདོད་པ་མྱུར་དུ་ཕུལ་ཅིག་དང་། ཁྱོད་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་ས་བོན་དུ་འགྱུར་རོ། །ཙུན་ད་གང་གིས་ནང་གི་ཐ་མར་སངས་རྒྱས་དང་དགེ་འདུན་ལ་མང་ཡང་རུང་།
D119.052.0025b06.01ཉུང་ཡང་རུང་། ཆོག་ཀྱང་རུང་། མི་ཆོག་ཀྱང་རུང་། དེ་བཞིན་གཤེགས་པ་ཡོངས་སུ་མྱ་ངན་ལས་འདའ་ཀར་མཆོད་པ་ཕུལ་ཅིག། ཙུན་དས་འཇམ་དཔལ་ལ་སྨྲས་པ། ཅིའི་ཕྱིར་བསོད་སྙོམས་ལ་ཆགས་ཏེ། མང་བ་དང་། ཉུང་བ་དང་། ཆོག་པ་དང་། མ་ཆོག་པ་
D119.052.0025b07.01