完整藏文原文 · 德格版页 当前仅加载第 52 函德格 337b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་མ་སྐྱེས་པའི་ཚེ་སྐྱེ་བ་མ་མཆིས་ན་ཅི་སྟེ་གཟོད་སྐྱེ་བ་ཞེས་གདགས། མ་སྐྱེས་པའི་ཚེ་སྐྱེ་བ་མ་མཆིས་ན། ཅིའི་སླད་དུ་ནམ་མཁའ་ལ་སྐྱེ་བའོ་ཞེས་མ་གསུངས། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་མི་སྐྱེ་བ་སྐྱེ་བ་
D119.052.0337b01.01ཡང་བརྗོད་དུ་མེད། སྐྱེ་བ་མ་སྐྱེས་པ་ཡང་བརྗོད་དུ་མེད། མ་སྐྱེས་པ་མི་སྐྱེ་བ་ཡང་བརྗོད་དུ་མེད། སྐྱེས་པ་ཡང་བརྗོད་དུ་མེད། མ་སྐྱེས་པ་ཡང་བརྗོད་དུ་མེད་དེ། འོན་ཀྱང་རྒྱུ་དང་རྐྱེན་གྱིས་བརྗོད་དུ་ཡང་རུང་ངོ་། །ཇི་ལྟར་ན་མི་སྐྱེ་བ་སྐྱེ་བ་བརྗོད་དུ་མེད་པ་ཞེ་ན། མ་
D119.052.0337b02.01སྐྱེས་པ་ལ་སྐྱེ་བ་ཞེས་ཇི་སྐད་དུ་བརྗོད། དེ་ཅིའི་ཕྱིར་ཞེ་ན། དེ་ཡང་སྐྱེ་བའི་ཕྱིར་རོ། །ཇི་ལྟར་སྐྱེ་བ་སྐྱེས་པ་བརྗོད་དུ་མེད་པ་ཞེ་ན། སྐྱེ་བ་སྐྱེས་པའི་ཕྱིར་སྐྱེ་ལ། སྐྱེ་བ་སྐྱེས་པའི་ཕྱིར་མ་སྐྱེས་པས་ན་བརྗོད་དུ་མེད་པའོ། །ཇི་ལྟར་སྐྱེ་བ་མ་སྐྱེས་པ་བརྗོད་དུ་མེད་པ་
D119.052.0337b03.01ཞེ་ན། སྐྱེ་བ་ཉིད་ལ་སྐྱེས་པ་ཞེས་བྱ་བ་སྟེ། སྐྱེ་བ་ཉིད་སྐྱེ་བ་མ་ཡིན་པའི་ཕྱིར་བརྗོད་དུ་མེད་དོ། །ཇི་ལྟར་ན་མ་སྐྱེས་པ་མི་སྐྱེ་བ་ཡང་བརྗོད་དུ་མེད་པ་ཞེ་ན། མ་སྐྱེས་པ་དེ་ནི་མྱ་ངན་ལས་འདས་པ་ཞེས་བྱ་སྟེ། མྱ་ངན་ལས་འདས་པ་ནི་སྐྱེ་བ་མེད་པའི་ཕྱིར་བརྗོད་དུ་མེད་དོ། །
D119.052.0337b04.01དེ་ཅིའི་ཕྱིར་ཞེ་ན། ལམ་བསྒོམས་པས་ཐོབ་པའི་ཕྱིར་རོ། །སྐྱེས་པ་ཡང་བརྗོད་དུ་མེད་དེ། སྐྱེ་བ་དེ་ཉིད་སྐྱེ་བ་མེད་པའི་ཕྱིར་རོ། །ཇི་ལྟར་མ་སྐྱེས་པ་བརྗོད་དུ་མེད་པ་ཞེ་ན། ཐོབ་པ་ཡོད་པའི་ཕྱིར་རོ། །ཇི་ལྟར་རྒྱུ་དང་རྐྱེན་གྱིས་བརྗོད་དུ་ཡང་རུང་བ་ཞེ་ན། རྟེན་ཅིང་
D119.052.0337b05.01འབྲེལ་ཏེ་འབྱུང་བའི་ཆོས་བཅུ་གཉིས་ནི་སྐྱེ་བས་རྒྱུར་འགྱུར་ཏེ། དོན་དེ་ལྟ་བས་ན་བརྗོད་དུ་ཡང་རུང་ངོ་། །རིགས་ཀྱི་བུ་ཁྱོད་སྟོང་པའི་ཏིང་ངེ་འཛིན་ཤིན་ཏུ་ཟབ་མོར་མ་འཇུག་ཅིག །དེ་ཅིའི་ཕྱིར་ཞེ་ན། འཁོར་མང་པོ་དག་དབང་པོ་བརྟུལ་བའི་ཕྱིར་རོ། །རིགས་ཀྱི་བུ་འདུས་
D119.052.0337b06.01བྱས་ཀྱི་ཆོས་ནི། སྐྱེ་བ་ཡང་རྟག་པ་ཡིན་ནོ། །མི་རྟག་པ་ལ་གནས་པ་ཙམ་སྐྱེ་བ་ཡང་མི་རྟག་པ་ཡིན་ནོ། །གནས་པ་ཡང་རྟག་པ་མ་ཡིན་ཏེ། སྐྱེ་བ་སྐྱེས་པའི་ཕྱིར་གནས་པ་ཡང་མི་རྟག་པའོ། །ཐ་དད་པ་ཡང་རྟག་པ་མ་ཡིན་ཏེ། ཆོས་ལ་རྟག་པ་མེད་པས་ན་དད་པ་
D119.052.0337b07.01