完整藏文原文 · 德格版页 当前仅加载第 52 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་བཟང་པོའི་སྡོང་བུ་ལ་སྦྲུལ་གདུག་པས་དཀྲིས་པ་ལྟ་བུ་དང་། ཟས་ཡིད་དུ་མི་འོང་ཞིང་མི་འདོད་པ་ནན་གྱིས་ཟ་བ་ལྟ་བུ་དང་། སྦྲུལ་འཚོང་མ་ལྟ་བུ་དང་། འབའ་ལུ་ཀའི་འབྲས་བུ་ལྟ་བུ་དང་། རྨའི་ཤ་རྨན་ལྟ་བུ་དང་། རླུང་དྲག་པོ་ལྟ་
D119.052.0202a01.01བུ་དང་། སྐར་མ་ཕོད་ལྟ་བུའོ། །དེ་ལ་ཇི་ལྟར་ན་བུ་ལོན་མ་འཁོར་བ་ལྟ་བུ་ཞེ་ན། རིགས་ཀྱི་བུ་དཔེར་ན་མི་དབུལ་པོ་ཞིག་བུ་ལོན་ཆགས་པས་རྫོགས་སུ་ཉེ་སྟེ། མཇུག་ལུས་ན་བཟུང་བ་ལས་མི་ཐར་ཏོ། །ཉན་ཐོས་དང་རང་སངས་རྒྱས་ཀྱང་དེ་དང་འདྲ་སྟེ།
D119.052.0202a02.01འདོད་པའི་བག་ཆགས་ཀྱི་ལྷག་མ་ལུས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་མི་རྒྱའོ། །རིགས་ཀྱི་བུ་དེ་ལྟར་ན་བུ་ལོན་མ་འཁོར་བ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་ཆུང་མ་སྲིན་མོ་ལྟ་བུ་ཞེ་ན། རིགས་ཀྱི་བུ་དཔེར་ན་མི་ཞིག་
D119.052.0202a03.01ཆུང་མར་སྲིན་མོ་བླངས་ན་བུ་བཙས་མ་ཐག་ཏུ་བུ་ཟའོ། །བུ་ཟད་ནས་ཁྱོ་ཡང་ཟའོ། །རིགས་ཀྱི་བུ་འདོད་པའི་སྲིན་མོ་ཡང་དེ་དང་འདྲ་སྟེ། སེམས་ཅན་དག་དགེ་བའི་རྩ་བ་ཇི་ཙམ་བསྐྱེད་པ་སྐྱེས་མ་ཐག་ཏུ་མེད་པར་བྱེད་དོ། །དགེ་བའི་རྩ་བ་ཟད་པར་བྱས་
D119.052.0202a04.01ནས་སེམས་ཅན་དག་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེ་བར་བྱེད་དེ། བྱང་ཆུབ་སེམས་དཔའ་ནི་མ་གཏོགས་སོ། །དེ་ལྟར་ན་ཆུང་མ་སྲིན་མོ་ལྟ་བུ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་མེ་ཏོག་བཟང་པོའི་
D119.052.0202a05.01སྡོང་བུ་ལ་སྦྲུལ་གདུག་པས་དཀྲིས་པ་ལྟ་བུ་ཞེ་ན། དཔེར་ན་མེ་ཏོག་བཟང་པོ་ལ་དགའ་བ་ཞིག་མེ་ཏོག་གི་སྡོང་བུ་ལ་སྦྲུལ་གདུག་པའི་ཉེན་ཡོད་པར་མི་ཤེས་པས་དྲུང་དུ་བསྙེན་ནས་མེ་ཏོག་བཟུང་ངོ་། །བཟུང་མ་ཐག་ཏུ་སྦྲུལ་གྱིས་ཟིན་ནས་ཚེའི་དུས་བྱས་སོ། །བུས་པ་མ་
D119.052.0202a06.01རབས་ཐམས་ཅད་ཀྱང་དེ་དང་འདྲ་སྟེ། འདོད་པ་ལྔའི་མེ་ཏོག་ལ་ཆགས་པས་འདོད་པའི་སྦྲུལ་གདུག་པའི་སྐྱོན་ཡོད་པར་མི་ཤེས་པས་ལེན་ཏོ། །བླངས་ནས་འདོད་པའི་གདུག་པས་ཟིན་ཏེ་ཚེའི་དུས་བྱས་ནས་ངན་སོང་གསུམ་དུ་ལྷུང་སྟེ། བྱང་ཆུབ་སེམས་དཔའ་ནི་མ་
D119.052.0202a07.01