完整藏文原文 · 德格版页 当前仅加载第 52 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་གང་ན་བར་ལྷགས་ནས་གདོང་གིས་ཕྱག་འཚལ་ཏེ། ཕྱོགས་གཅིག་ཏུ་སྡོད་དོ། །གཞན་ཡང་ཀླུང་གང་གཱ་ཉི་ཤུའི་བྱེ་མ་སྙེད་ཀྱི་{རི་དགས་,རི་དྭགས་}ཀྱི་རྒྱལ་པོ་སེང་གེ་སེང་གེ་སྒྲ་ཞེས་བྱ་བས་ཐོག་མར་དྲངས་ཏེ་སེམས་ཅན་ཐམས་ཅད་ལ་མི་འཇིགས་པ་བྱིན་ནས་སོ་སོ་ནས་མེ་ཏོག་དང་
D119.052.0011b01.01འབྲས་བུ་ཐོགས་ཏེ། སངས་རྒྱས་གང་ན་བར་ལྷགས་ནས་སངས་རྒྱས་ཀྱི་ཞབས་ལ་ཕྱག་འཚལ་ཏེ། ཕྱོགས་གཅིག་ཏུ་སྡོད་དོ། །གཞན་ཡང་ཀླུང་གང་གཱ་ཉི་ཤུའི་བྱེ་མ་སྙེད་ཀྱི་བྱའི་རྒྱལ་པོ་ངང་པ་དང་། ངུར་པ་དང་། རྨ་བྱ་དང་། གཻན་དར་པ་དང་། ཀ་ལན་ཏ་ཀ་དང་།
D119.052.0011b02.01གུ་ཡོག་དང་། ནེ་ཙོ་དང་། ཀོ་ཤི་ལ་དང་། བ་ཧི་ཀ་དང་། ཀ་ལ་པིང་ཀ་དང་། འཚོ་བྱེད་ལ་སོགས་པ་བྱའི་རྒྱལ་པོ་རྣམས་ཀྱང་སོ་སོ་ནས་མེ་ཏོག་དང་། འབྲས་བུ་ཐོགས་ཏེ་སངས་རྒྱས་གང་ན་བར་ལྷགས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་ཕྱོགས་གཅིག་ཏུ་སྡོད་
D119.052.0011b03.01དོ། །གཞན་ཡང་ཀླུང་གང་གཱ་ཉི་ཤུའི་བྱེ་མ་སྙེད་ཀྱི་ཆུ་གླང་དང་། བ་དང་ལུག་ལ་སོགས་པ་སངས་རྒྱས་གང་ན་བར་ལྷགས་ནས་གྲོང་ཁྱེར་རྩྭ་མཆོག་གི་འོབས་དང་། ཤང་ཤོང་ཐམས་ཅད་ཀྱང་དྲི་བསུང་དང་ལྡན་པ། ཁ་དོག་དང་རོ་བྲོ་བར་ལྡན་པའི་འོ་མས་ཀུན་ཏུ་གང་བར་བྱས་ནས་ཕྱོགས་
D119.052.0011b04.01གཅིག་ཏུ་སྡོད་དོ། །གཞན་ཡང་ཀླུང་གང་གཱ་ཉི་ཤུའི་བྱེ་མ་སྙེད་ཀྱི་གླིང་བཞི་ལ་གནས་པའི་དྲང་སྲོང་བཟོད་པ་ཅན་ཞེས་བྱ་བ་ལ་སོགས་པས་ཐོག་མར་དྲངས་ཏེ་སོ་སོ་ནས་མེ་ཏོག་དང་། སྤོས་དང་། འབྲས་བུ་མངར་བ་ལ་སོགས་པ་ཐོགས་ཏེ། སངས་རྒྱས་གང་ན་བར་ལྷགས་
D119.052.0011b05.01ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ་ལན་གསུམ་བསྐོར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་མཁྱེན་
D119.052.0011b06.01པས་ཅང་མི་གསུང་ནས་བཞེས་སུ་མ་གནང་ནས་དྲང་སྲོང་རྣམས་བསམས་པ་བཞིན་དུ་མ་གྱུར་ནས་མྱ་ངན་གྱིས་ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །འཛམ་བུའི་གླིང་གི་བུང་བའི་རྒྱལ་པོ་སྒྲ་སྙན་ཞེས་བྱ་བས་ཐོག་མར་དྲངས་ནས། བུང་བ་ཐམས་ཅད་ཀྱང་མེ་ཏོག་རྣམ་པ་སྣ་ཚོགས་ཐོགས་ཏེ་
D119.052.0011b07.01