完整藏文原文 · 德格版页 当前仅加载第 52 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ཤིང་བཅད་ཀྱང་ཡང་དག་པར་ན་སྡིག་པར་མི་འགྱུར་བ་དང་འདྲ་བར་སེམས་ཅན་ཐམས་ཅད་ཀྱང་དེ་དང་འདྲ་སྟེ། འདི་ནས་ཚེ་འཕོས་ནས་ཕྱིར་ཡང་འདིར་སྐྱེའོ། །དེ་ལྟར་ཕྱིར་ཡང་འདིར་སྐྱེ་བས་ན་སྡིག་པར་མི་འགྱུར་རོ། །སེམས་ཅན་ཐམས་ཅད་ཀྱི་
D119.052.0300a01.01སྡུག་བསྔལ་དང་བདེ་བའི་འབྲས་བུ་རྣམ་པར་སྨིན་པ་བདག་ལ་དབང་མེད་དེ། ད་ལྟར་གྱི་དུས་ན་ལས་རྣམ་པར་སྨིན་པ་ཡང་སྔོན་འདས་པའི་དུས་ཀྱི་རྒྱུ་ལ་རག་ལུས་ཏེ། ད་ལྟར་གྱི་དུས་ན་རྣམ་པར་སྨིན་པ་ནི་ད་ལྟར་གྱི་དུས་ན་རྒྱུ་མེད་དེ། མ་འོངས་པའི་དུས་ནའང་འབྲས་བུ་རྣམ་
D119.052.0300a02.01པར་སྨིན་པ་མེད་དོ། །ད་ལྟར་གྱི་འབྲས་བུ་ཉིད་སྨིན་པས་ན་སོ་སོའི་སྐྱེ་བོ་དག་ཚུལ་ཁྲིམས་སྲུང་བ་དང་བརྩོན་འགྲུས་རྩོམ་པ་ཡང་ད་ལྟར་གྱི་དུས་ཀྱི་སྡིག་པར་འགྱུར་བའི་འབྲས་བུ་བཟློག་པའི་ཕྱིར་རོ། །ཚུལ་ཁྲིམས་བསྲུངས་པས་ཟག་པ་མེད་པར་འགྱུར་རོ། །ཟག་པ་མེད་
D119.052.0300a03.01པས་ཟག་པ་དང་བཅས་པའི་ལས་མེད་པར་འགྱུར་རོ། །དེ་ལྟར་ལས་ཟད་པས་ན་སྡུག་བསྔལ་མང་པོ་ཡང་ཟད་པར་འགྱུར་རོ། །སྡུག་བསྔལ་མང་པོ་ཟད་པས་ན་རྣམ་པར་གྲོལ་བར་འགྱུར་རོ་ཞེས་སྟོན་པ་དེའི་གན་དུ་མྱུར་དུ་བཞུད་ཅིག །ལུས་དང་སེམས་སྡུག་བསྔལ་
D119.052.0300a04.01བར་འགྱུར་བའི་ནད་ཀྱང་འཚོ་ལ། དེ་དང་ཕྲད་ན་སྡིག་པ་ཡང་ཡོངས་སུ་འབྱང་བར་འགྱུར་རོ། །རྒྱལ་པོ་ཆེན་པོས་སྨྲས་པ། དེ་ལྟར་བདག་གི་སྡིག་པ་ངེས་པར་འབྱང་བར་འགྱུར་ན་ལྟ་དེ་ལ་སྐྱབས་སུ་འགྲོ་བར་བྱའོ་ཞེས་སྨྲས་སོ། །དེ་ནས་ཡང་བློན་པོ་ཆེན་པོ་དོན་ཐམས་ཅད་
D119.052.0300a05.01ཤེས་པ་ཞེས་བྱ་བ་ཞིག་རྒྱལ་པོའི་དྲུང་དུ་འོངས་ནས་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཅིའི་ཕྱིར་འདི་ལྟར་ངོ་འཛུམ་གནག་ཅིང་མདོག་མེད་པ་ནི་ཇི་ལྟར་རྒྱལ་པོ་སྲིད་སྟོར་བའམ། ཆུ་མིག་སྐམས་པའམ། མེ་ཏོག་པད་མོ་མེད་པའི་རྫིང་ངམ། མེ་ཏོག་དང་ལོ་མ་མེད་པའི་
D119.052.0300a06.01ཤིང་ངམ། དགེ་སློང་ཚུལ་ཁྲིམས་ཉམས་པ་དང་འདྲ་བར་གཟི་བརྗིད་མེད་པར་འགྱུར་བ་འདི། འོན་ཏེ་ལུས་སྡུག་བསྔལ་བར་གྱུར་ཏམ། འོན་ཏེ་སེམས་སྡུག་བསྔལ་བར་གྱུར། རྒྱལ་པོས་སྨྲས་པ་ངའི་ལུས་དང་སེམས་ད་ལྟར་སྡུག་བསྔལ་མེད་པའི་གཏོལ་ག་ལ་ཞིག་ཡོད།
D119.052.0300a07.01