完整藏文原文 · 德格版页 当前仅加载第 52 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
བོར་གྱུར་པ། མདོ་སྡེ་ཀུན་གྱི་རྒྱལ་པོ་ལྟ་བུའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་གྲུ་ཆེན་པོ་ནི་རྒྱ་མཚོའི་ཚུ་རོལ་ནས་རྒྱ་མཚོའི་ཕ་རོལ་དུ་སྒྲོལ་ལ། རྒྱ་མཚོའི་ཕ་རོལ་ནས་ཚུ་རོལ་དུ་ཡང་སྒྲོལ་ལོ། །དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཀྱང་
D119.052.0149b01.01དེ་དང་འདྲ་སྟེ། མྱ་ངན་ལས་འདས་པ་ཆེན་པོ་རིན་པོ་ཆེའི་གྲུར་ཞུགས་ན་སེམས་ཅན་ཡོངས་སུ་སྒྲོལ་ཏེ་གང་ནས་གང་དུ་འགྲོ་བར་འགྱུར་བ་ཡོད་ན་དེ་དང་དེ་དག་ཏུ་སྒྲོལ་ཞིང་དེ་བཞིན་གཤེགས་པའི་སྐུ་མཐོང་བར་མཛད་དོ། །དེ་བས་ན་དེ་བཞིན་གཤེགས་པ་ནི་གྲུ་སྒྲོལ་བའི་མཁན་པོ་ལྟ་བུའོ། །
D119.052.0149b02.01དཔེར་ན་གྲུ་གཟིངས་ཀྱང་མཉན་པ་ཡོད་ན་འགྲོ་བ་དག་རྒྱ་མཚོ་ལས་རྒལ་བར་གྱུར་ཏེ། དེ་བཞིན་གཤེགས་པ་རྟག་ཏུ་སེམས་ཅན་མང་པོ་སྒྲོལ་བའི་དོན་མཛད་པ་ཡང་དེ་དང་འདྲའོ།། །།བམ་པོ་བཅུ་གསུམ་པ། རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་རྒྱ་མཚོ་
D119.052.0149b03.01ཆེན་པོ་ལས་རྒལ་བའི་གྲུར་ཞུགས་པ་དག་གལ་ཏེ་རླུང་དང་ལྡན་ན་ནི་སྐད་ཅིག་ཐང་ཅིག་གིས་དཔག་ཚད་ཚད་མེད་པའི་ཕ་རོལ་ཏུ་ཕྱིན་པར་འགྱུར་རོ། །གལ་ཏེ་རླུང་དང་མི་ལྡན་ན་ལོ་ཚད་མེད་པའི་བར་དུ་བསྡད་ཀྱང་གནས་ནས་མི་འཕགས་སོ། །གལ་ཏེ་གྲུ་ཞིག་ན་ཆུར་ནུབ་སྟེ་
D119.052.0149b04.01འཆི་བར་ཡང་འགྱུར་རོ། །གལ་ཏེ་སེམས་ཅན་དག་གཏི་མུག་གི་འཁོར་བའི་རྒྱ་མཚོ་ཆེན་པོར་འདུ་བྱེད་ཀྱི་གྲུ་ལ་ཞུགས་པ་ཡང་དེ་དང་འདྲ་སྟེ། གལ་ཏེ་མྱ་ངན་ལས་འདས་པ་ཆེན་པོའི་རླུང་དྲག་པོ་དང་ཕྲད་ན་མྱུར་དུ་བླ་ན་མེད་པའི་བྱང་ཆུབ་ཏུ་ཕྱིན་པར་འགྱུར་གྱི། གལ་ཏེ་མ་ཕྲད་ན་
D119.052.0149b05.01བསྐལ་པ་ཚད་མེད་པའི་བར་དུ་འཁོར་བར་ཡོངས་སུ་འཁོར་ཏེ། གལ་ཏེ་ན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སུ་ལྟུང་བར་འགྱུར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་རྒྱ་མཚོ་ཆེན་པོའི་གྲུར་ཞུགས་ཏེ་ཡུན་རིང་པོ་ལོན་པ་དག་རླུང་དང་མི་
D119.052.0149b06.01ལྡན་ན་དེ་འདི་སྙམ་དུ་སེམས་སོ། །བདག་ཅག་ནི་གདོན་མི་ཟ་བར་འཆི་བར་འགྱུར་རོ་སྙམ་སྟེ། དེ་ལྟར་སེམས་པ་ན་ཅི་སྟེ་རླུང་དྲག་པོ་དང་ཕྲད་ནས་ཡིད་བཞིན་དུ་རྒྱ་མཚོའི་ཕ་རོལ་དུ་ཕྱིན་ན་དེ་འདི་སྐད་དུ་རླུང་གིས་ཤིན་ཏུ་ཚིམ་པར་གྱུར་ཏོ། །བདག་ཅག་ཀྱང་བདེ་བར་རྒྱ་མཚོའི་བགེགས་
D119.052.0149b07.01