完整藏文原文 · 德格版页 当前仅加载第 52 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཤིན་ཏུ་ཟབ་མོའི་དོན་གྱི་མདོ་སྡེ་འདི་དག་ཡིན། ལྕི་བ་དང་ཡང་བའི་མཚན་ཉིད་དུ་གསུངས་པའི་འདུལ་བ་ནི་འདི་དག་ཡིན། ཆོས་ཀྱི་ཚིག་རྣམ་པར་སྤྲོས་པ་ཆོས་མངོན་པ་ནི་འདི་ཡིན་ནོ། །ཞེས་ཇི་ལྟར་སྨན་པ་མཁས་པས་བུ་ལ་སྨན་བསྟན་པ་བཞིན་དུ་མངོན་པར་བསྟན་ཏོ། །
D119.052.0139b01.01གཞན་ཡང་རིགས་ཀྱི་བུ་འཇིག་རྟེན་ན་མི་དག་ནི་ཟླ་བ་དྲུག་ལ་ཟླ་བ་ལན་ཅིག་ཤི་བར་སེམས་སོ། །མཐོ་རིས་ཀྱི་ལྷ་དག་ནི་སྐད་ཅིག་ཙམ་གྱིས་ཟླ་བ་ཤི་བར་མཐོང་ངོ་། །དེ་ཅིའི་ཕྱིར་ཞེ་ན། ལྷའི་ཞག་ནི་རིང་ལ། མིའི་ཞག་ནི་ཐུང་བའི་ཕྱིར་རོ། །རིགས་ཀྱི་བུ་དེ་བཞིན་གཤེགས་
D119.052.0139b02.01པ་ཡང་དེ་དང་འདྲ་སྟེ། ལྷ་དང་མི་རྣམས་ཀྱིས་ནི། དེ་བཞིན་གཤེགས་པའི་སྐུ་ཚེ་རབ་ཏུ་ཐུང་ངོ་སྙམ་སེམས་ཏེ། ཇི་ལྟར་ལྷ་དང་མི་དག་གིས་སྐད་ཅིག་ཐང་ཅིག་གིས་ཟླ་བ་ཤི་བར་མཐོང་བ་བཞིན་ནོ། །དེ་བཞིན་གཤེགས་པས་ནི་གཞན་ཡང་སྐད་ཅིག་ཐང་ཅིག་གིས་མྱ་ངན་ལས་འདས་པ་ཁྲི་ཕྲག་
D119.052.0139b03.01བརྒྱ་སྟོང་སྙེད་སྟོན་ཅིང་ཉོན་མོངས་པའི་བདུད་དང་། ཕུང་པོའི་བདུད་དང་། འཆི་བདག་གི་བདུད་དང་། ལྷའི་བུའི་བདུད་ལ་སོགས་པ་བཅོམ་པ་བསྟན་པས་ན་ལྷའི་བདུད་ཁྲི་ཕྲག་བརྒྱ་སྟོང་སྙེད་ཀྱིས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་ཤེས་སོ། །གཞན་ཡང་
D119.052.0139b04.01སྔོན་གྱི་ལས་དང་རྒྱུ་དང་རྐྱེན་ཁྲི་ཕྲག་བརྒྱ་སྟོང་སྙེད་འཇིག་རྟེན་གྱི་མཚན་ཉིད་རྣམ་པ་ཐ་དད་པ་བཞིན་དུ་སྟོན་ཏེ། དེ་ལྟར་ཚད་མེད་མཐའ་ཡས་བསམ་གྱིས་མི་ཁྱབ་པས་ན་དེ་བཞིན་གཤེགས་པ་ནི་རྟག་པ་གནས་པ་མི་འགྱུར་བའོ། །གཞན་ཡང་རིགས་ཀྱི་བུ་འདི་ལྟ་སྟེ་དཔེར་ན་ཟླ་བ་
D119.052.0139b05.01གསལ་བ་ལ་ནི་འགྲོ་བ་ཐམས་ཅད་བལྟ་འདོད་པའི་ཕྱིར་དེ་བས་ན་ཟླ་བ་བལྟ་ན་དགའ་བ་ཞེས་བྱའོ། །སེམས་ཅན་ནི་འདོད་ཆགས་དང་ཞེ་སྡང་དང་གཏི་མུག་ཏུ་བཅས་པས་བལྟ་ན་དགའ་བ་ཞེས་མི་བྱའོ། །དེ་བཞིན་གཤེགས་པ་ནི་ཡོངས་སུ་དག་པ་དྲི་མ་མེད་པ་མཆོག་དང་ཕུལ་དུ་
D119.052.0139b06.01གྱུར་པ་ཡིན་པས་བལྟ་ན་དགའ་བ་ཞེས་བྱའོ། །གང་ཆོས་ལ་མོས་པའི་སྐྱེ་བོ་དག་ནི་བལྟ་བ་དག་ལ་དགའ་བ་མི་སྐྱེའོ། །གང་མི་དགེ་བ་དག་ནི་མཐོང་བར་ཡང་མི་འདོད་དོ། །དེ་བས་ན་དེ་བཞིན་གཤེགས་པ་ནི་དཔེར་ན་ཟླ་བ་གསལ་བ་དང་འདྲའོ། །རིགས་ཀྱི་བུ་གཞན་ཡང་
D119.052.0139b07.01