完整藏文原文 · 德格版页 当前仅加载第 52 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོའི་འཇིག་རྟེན་གྱི་ཁམས་ཀུན་ལག་པ་གཡས་པས་བླངས་ནས་རྫ་མཁན་གྱི་འཁོར་ལོ་ལྟར་བསྐོར་ཏེ། འཇིག་རྟེན་གྱི་ཁམས་རྡུལ་ཕྲ་རབ་སྙེད་ཀྱི་ཕ་རོལ་དུ་འཕངས་ཀྱང་སེམས་ཅན་དེ་དག་ལ་གཅིག་ཙམ་ཡང་སོང་བའམ་འོངས་པར་མི་ཚོར་ཏེ། གང་འདུལ་བའི་རིགས་པ་འབའ་ཞིག་གིས་
D119.052.0063b01.01ནི་མཐོང་བ་ནས་ཕྱིར་གནས་སུ་འོངས་པའི་བར་དུ་ཤེས་སོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་པ་ནི་ཕྱོགས་བཅུའི་སངས་རྒྱས་ཀྱི་ཞིང་ཚད་མེད་པ་ཐམས་ཅད་བདག་གི་ཁོང་པར་བཅུག་ཀྱང་དེ་ན་གནས་པའི་སེམས་
D119.052.0063b02.01ཅན་དག་གཅིག་ལ་གཅིག་གཟེར་ཅིང་དོག་པའམ། སོང་བ་འམ་འོངས་པ་འམ། གནས་པར་མི་ཤེས་ཏེ། གང་འདུལ་བའི་རིགས་པ་འབའ་ཞིག་གིས་ནི་མཐོང་བ་ནས་ཕྱིར་གནས་སུ་འོངས་པའི་བར་དུ་ཤེས་སོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་
D119.052.0063b03.01ངན་ལས་འདས་པ་ཆེན་པོ་ལ་གནས་པ་ནི་ཕྱོགས་བཅུའི་འཇིག་རྟེན་གྱི་ཁམས་ཀུན་རྡུལ་ཕྲ་རབ་གཅིག་གི་ནང་དུ་བཅུག་ཀྱང་དེ་ན་གནས་པའི་སེམས་ཅན་གཅིག་ལ་གཅིག་གཟེར་ཅིང་དོག་པའམ། སོང་བ་དང་འོངས་པ་མི་ཤེས་ཏེ། གང་འདུལ་བའི་རིགས་པ་འབའ་ཞིག་གིས་ནི་མཐོང་
D119.052.0063b04.01བ་ནས་གནས་སུ་ཕྱིན་པའི་བར་དུ་ཤེས་སོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་པས་དེ་ལྟ་བུའི་མངོན་པར་ཤེས་པའི་ཆོ་འཕྲུལ་ཚད་མེད་པ་སྙེད་སྟོན་ཏེ། དེ་བས་ན་མྱ་ངན་ལས་འདས་པ་ཆེན་པོ་ཞེས་བྱའོ། །
D119.052.0063b05.01དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་མངོན་པར་ཤེས་པའི་ཆོ་འཕྲུལ་ཚད་མེད་པར་བསྟན་པ་དེ་ལ་ནི་སེམས་ཅན་ཐམས་ཅད་ཀྱིས་དཔག་པའམ། རིག་པར་མི་ནུས་ན། ཁྱོད་ཀྱིས་དེ་བཞིན་གཤེགས་པ་འདོད་ཆགས་ཀྱི་ཕྱོགས་ལ་ཉེ་བས། སྲས་སྒྲ་གཅན་འཛིན་བལྟམ་
D119.052.0063b06.01པར་ཤེས་པར་ག་ལ་རུང་། རིགས་ཀྱི་བུ་ཡུན་རིང་པོ་ནས་མྱ་ངན་ལས་འདས་པ་ཆེན་པོ་འདི་ལ་གནས་ནས་མངོན་པར་ཤེས་པའི་ཆོ་འཕྲུལ་རྣམ་པ་སྣ་ཚོགས་སྟོན་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉི་ཟླ་ཕྲག་བརྒྱ་དང་། འཛམ་བུའི་གླིང་ཕྲག་བརྒྱ་ལ་རྣམ་པ་སྣ་
D119.052.0063b07.01