完整藏文原文 · 德格版页 当前仅加载第 52 函德格 324b 版页；藏文 NFD、目录标记与异常页序保留在来源切片中，重复版页行以稳定序号区分。
བླ་མེད་བྱང་ཆུབ་ལ་བསྔོའོ། །བདག་གིས་དེང་འདིར་སངས་རྒྱས་དང་། །ཆོས་དང་དགེ་འདུན་ལ་མཆོད་པའི། །བསོད་ནམས་ཇི་སྙེད་བསྐྱེད་པ་དེ། །སངས་རྒྱས་ཆོས་དང་དགེ་འདུན་གསུམ། །རྟག་ཏུ་འཇིག་རྟེན་གནས་པར་ཤོག །བདག་གིས་དེང་འདིར་འདི་ཉིད་དུ། །བསོད་ནམས་ཇི་སྙེད་
D119.052.0324b01.01ཐོབ་གྱུར་པ། །བསོད་ནམས་དེ་ཡིས་སེམས་ཅན་གྱི། །བདུད་བཞི་རབ་ཏུ་ཞིགས་པར་ཤོག །མི་དགེའི་བཤེས་དང་བདག་ཕྲད་པས། །དུས་གསུམ་སྡིག་པ་གང་བགྱིས་པ། །དེང་འདིར་སྤྱན་སྔར་ཀུན་ཀྱང་བཤགས། །སླན་ཆད་སྡིག་པ་མི་བགྱིད་དོ། །སེམས་ཅན་སོ་སོའི་སྐྱེ་བོ་དག །
D119.052.0324b02.01བྱང་ཆུབ་ཏུ་ནི་སེམས་བསྐྱེད་ནས། །ཕྱོགས་བཅུའི་རྒྱལ་བ་ཐམས་ཅད་ལ། །རྩེ་གཅིག་སེམས་ཀྱིས་དྲན་པར་ཤོག །གཞན་ཡང་སེམས་ཅན་ཐམས་ཅད་ཀྱི། །ཉོན་མོངས་མང་པོ་ཡོངས་བཅོམ་ནས། །ཇི་ལྟར་འཇམ་དཔལ་དང་འདྲ་བར། །སངས་རྒྱས་རང་བཞིན་མཐོང་བར་ཤོག །
D119.052.0324b03.01དེ་ནས་བཅོམ་ལྡན་འདས་ཀྱིས་རྒྱལ་པོ་མ་སྐྱེས་དགྲ་ལ་ལེགས་སོ་ལེགས་སོ་ཞེས་བྱ་བ་བྱིན་ནོ། །གལ་ཏེ་གང་ཞིག་བྱང་ཆུབ་ཏུ་སེམས་བསྐྱེད་པ་དེ་ནི། སངས་རྒྱས་ཀྱི་དཀྱིལ་འཁོར་ཡོངས་སུ་བརྒྱན་པ་ཞེས་བྱའོ། །རྒྱལ་པོ་ཆེན་པོ་ཁྱོད་སྔོན་སངས་རྒྱས་རྣམ་པར་གཟིགས་ལས་བྱང་
D119.052.0324b04.01ཆུབ་ཏུ་སེམས་བསྐྱེད་དེ། དེ་ནས་ང་འཇིག་རྟེན་དུ་བྱུང་བའི་བར་དུ་སེམས་ཅན་དམྱལ་བར་ལྟུང་བའི་སྡུག་བསྔལ་མྱོང་བར་མ་གྱུར་ཏོ། །རྒྱལ་པོ་ཆེན་པོ་འདི་ལྟར་རིག་པར་བྱ་སྟེ། བྱང་ཆུབ་ཀྱི་སེམས་ནི་དེ་ལྟ་བུའི་འབྲས་བུ་ཚད་མེད་པ་སྙེད་ཡོད་དོ། །རྒྱལ་པོ་ཆེན་པོ་དེང་ཕྱིན་ཆད་
D119.052.0324b05.01ཀྱང་རྟག་ཏུ་བྱང་ཆུབ་ཀྱི་སེམས་ལ་བརྩོན་པར་བྱའོ། །དེ་ཅིའི་ཕྱིར་ཞེ་ན། དེའི་རྒྱུ། དེའི་རྐྱེན་གྱིས་ཁ་ན་མ་ཐོ་བའི་ལས་ཚད་མེད་པ་སྙེད་འབྱང་བའི་ཕྱིར་རོ། །དེ་ནས་རྒྱལ་པོ་མ་སྐྱེས་དགྲ་ཡུལ་དབུས་འགྱུར་འཆང་གི་མི་དང་བཅས་སུ་འདུག་པ་ལས་ལངས་ནས་བཅོམ་
D119.052.0324b06.01ལྡན་འདས་ལ་ལན་གསུམ་བསྐོར་ཏེ། ཕྱིར་ཕོ་བྲང་དུ་དོང་ངོ་། །ལྷས་སྤྱོད་པའི་ལེའུ་ནི་མེ་ཏོག་སྣ་ཚོགས་ཀྱི་མདོ་ལས་བཤད་པ་བཞིན་ནོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས། ཚངས་པར་སྤྱོད་པ་ཞེས་བྱ་བའི་ལེའུ་སྟེ་བདུན་པའོ།། །།
D119.052.0324b07.01