完整藏文原文 · 德格版页 当前仅加载第 52 函德格 334a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་སུམ་ཅུ་རྩ་གསུམ་གནམ་དང་མཚུངས་ཏེ། དེའི་མི་རྣམས་ཀྱང་འོད་དང་ལྡན་ནོ། །སོ་སོ་ན་རྒྱགས་པ་དང་དྲེགས་པའི་སེམས་མ་མཆིས་ཏེ། ཐམས་ཅད་ཀྱང་བྱང་ཆུབ་སེམས་དཔའ་སྐྱེས་བུ་ཆེན་པོ་མངོན་པར་ཤེས་པ་ཐོབ་པ་ཡོན་ཏན་ཆེན་པོ་
D119.052.0334a01.01དང་ལྡན་པ། དམ་པའི་ཆོས་ལ་རིམ་གྲོ་དང་བསྟི་སྟང་གི་སེམས་འཇོག་པ། ཐེག་པ་ཆེན་པོས་བཏེག་པ། ཐེག་པ་ཆེན་པོ་ལ་དད་པ། ཐེག་པ་ཆེན་པོ་ལ་མོས་པ། ཐེག་པ་ཆེན་པོ་ལ་སྲུང་བ། ཤེས་རབ་ཆེན་པོ་དང་ལྡན་པ། གཟུངས་ཆེན་པོ་ཐོབ་པ། སེམས་
D119.052.0334a02.01ཅན་ཐམས་ཅད་ལ་རྟག་ཏུ་སྙིང་བརྩེ་བ་ཤ་སྟག་གོ། །བཅོམ་ལྡན་འདས་དེའི་མཚན་ནི་ཟླ་བ་རྒྱས་པའི་འོད་ཅེས་བགྱི་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་རིག་
D119.052.0334a03.01པ། བླ་ན་མེད་པ་སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་བཞུགས་ཏེ། གང་ནས་གང་དུ་ཆོས་སྟོན་ཀྱང་ཞིང་དེའི་སེམས་ཅན་དག་གིས་མི་ཐོས་པ་གཅིག་ཀྱང་མ་མཆིས་སོ། །སངས་རྒྱས་དེ་བྱང་ཆུབ་སེམས་དཔའ་
D119.052.0334a04.01སེམས་དཔའ་ཆེན་པོ་བཻ་དཱུརྱའི་འོད་ཅེས་བགྱི་བ་ལ་འདི་ལྟར་མྱ་ངན་ལས་འདས་པ་ཆེན་པོའི་མདོ་འདི་སྟོན་ཏོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་མྱ་ངན་ལས་འདས་པ་ཆེན་པོའི་མདོ་ལ་ནན་ཏན་བྱས་ན།
D119.052.0334a05.01སྔོན་མ་ཐོས་པ་ཀུན་ཐོས་པར་འགྱུར་རོ་ཞེས་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བཻ་དཱུརྱའི་འོད་ཅེས་བགྱི་བ་དེས། སངས་རྒྱས་ཟླ་བ་རྒྱས་པའི་འོད་དེ་ལ་ཞུ་བ་ཡང་ཇི་ལྟར་ན་འདི་ཉིད་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་དཔལ་
D119.052.0334a06.01གྱི་རྒྱལ་པོས་ཞུས་པ་དང་འདྲ་སྟེ་ཐ་དད་པ་མ་མཆིས་སོ། །སངས་རྒྱས་ཟླ་བ་རྒྱས་པའི་འོད་དེས་བྱང་ཆུབ་སེམས་དཔའ་བཻ་དཱུརྱའི་འོད་ལ་བཀའ་སྩལ་པ། རིགས་ཀྱི་བུ་འདི་ནས་ནུབ་ཕྱོགས་སུ་སངས་རྒྱས་ཀྱི་ཞིང་གང་གཱའི་ཀླུང་ཉི་ཤུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་
D119.052.0334a07.01