完整藏文原文 · 德格版页 当前仅加载第 52 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་རྒྱལ་བ་དང་། སྒྲ་སྐད་ལ་སོགས་པ་འཛིན་པར་འགྱུར་ཏེ། བྱིས་པ་མ་རབས་དག་ཡི་གེའི་མ་མོ་བསླབས་པས་དེའི་འོག་ཏུ་ཆོས་དང་ཆོས་མ་ཡིན་པ་ལ་སོགས་པ་ཤེས་པར་འགྱུར་རོ། །ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་
D119.052.0129a01.01སྲུང་གིས་གསོལ་པ། ཡི་གེ་ཞེས་བགྱི་བའི་དོན་ཇི་ལྟ་བུ་ལགས། བཀའ་སྩལ་པ། རིགས་ཀྱི་བུ་ཡི་གེའི་འབྲུ་བཅུ་བཞི་པོ་ནི་ཡི་གེའི་དོན་ཅེས་བྱའོ། །ཡི་གེ་ཞེས་བྱ་བ་ནི་མྱ་ངན་ལས་འདས་པ་སྟེ། རྟག་པས་ན་མི་ཟག་པའོ། །གང་མི་ཟག་པ་དེ་ནི་མི་ཟད་པའོ། །
D119.052.0129a02.01མི་ཟད་པ་ཞེས་བྱ་བ་དེ་ནི་དེ་བཞིན་གཤེགས་པའི་རྡོ་རྗེའི་སྐུའོ། །དེ་བས་ན་ཡི་གེའི་འབྲུ་བཅུ་བཞི་པོ་དེ་ནི་ཡི་གེའི་མ་མོའོ། །དེ་ལ་ཨ་ཞེས་བྱ་བ་དེ་ནི་མི་འཇིག་པའོ། །གང་མི་འཇིག་པ་ནི་དཀོན་མཆོག་གསུམ་ཞེས་བྱ་སྟེ་རྡོ་རྗེ་ལྟ་བུའོ། །གཞན་ཡང་ཨ་ཞེས་བྱ་བ་ནི་མི་ཟག་པའོ། །
D119.052.0129a03.01གང་མི་ཟག་པ་ནི་དེ་བཞིན་གཤེགས་པ་ཞེས་བྱ་སྟེ། དེ་བཞིན་གཤེགས་པ་ནི་བུ་ག་དགུ་ནས་ཅི་ཡང་མི་ཟག་པས་དེ་བས་ན་ཟག་པ་མེད་པ་ཞེས་བྱའོ། །བུ་ག་དགུ་མེད་པས་མི་ཟག་པ་སྟེ། མི་ཟག་པ་ནི་རྟག་པའོ། །རྟག་པ་ནི་དེ་བཞིན་གཤེགས་པ་སྟེ། དེ་བཞིན་གཤེགས་
D119.052.0129a04.01པ་ནི་འདུས་མ་བྱས་པས་མི་ཟག་པའོ། །གཞན་ཡང་ཨ་ཞེས་བྱ་བ་ནི་ཡོན་ཏན་གྱི་ཚོགས་ཞེས་བྱའོ། །ཡོན་ཏན་གྱི་ཚོགས་ནི་དཀོན་མཆོག་གསུམ་ཡིན་པས་དེའི་ཕྱིར་ཨ་ཞེས་བྱའོ། །དེ་ལ་ཨ་ཞེས་བྱ་བ་ནི་སློབ་དཔོན་ཞེས་བྱ་བའི་དོན་ཏོ། །སློབ་དཔོན་ཞེས་བྱ་བའི་དོན་
D119.052.0129a05.01ཇི་ལྟ་བུ་ཞེ་ན། འཇིག་རྟེན་ན་འཕགས་པ་ཞེས་གྲགས་པའོ། །འཕགས་པ་ཞེས་བྱ་བ་དེ་ཡང་ཇི་ལྟ་བུ་ཞེ་ན། འཕགས་པ་ནི་མ་ཆགས་པ། འདོད་པ་ཉུང་བ། ཆོག་ཤེས་པ། ཡོངས་སུ་དག་པ། སྲིད་པ་གསུམ་དུ་འཁོར་བའི་སེམས་ཅན་སྒྲོལ་བ་ནི་འཕགས་
D119.052.0129a06.01པ་ཞེས་བྱའོ། །གཞན་ཡང་ཨ་ཞེས་བྱ་བ་ནི་བཅས་པ་སྟེ། ཚུལ་ཁྲིམས་ལྷག་པར་བསྲུང་ཞིང་སྤྱོད་ལམ་གྱི་རྗེས་སུ་གཞོལ་བའོ། །གཞན་ཡང་ཨ་ཞེས་བྱ་བ་ནི་འཕགས་པའི་རྗེས་སུ་སྤྱོད་ལམ་འགྲོ་བ་དང་། སྡོད་པ་དང་། བསྐྱོད་པ་དང་། གཡོ་བ་དང་།
D119.052.0129a07.01