完整藏文原文 · 德格版页 当前仅加载第 52 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ལོ་མ་དང་འདྲ་ཞེས་གསུངས་ན། བཅོམ་ལྡན་འདས་དེའི་ཚེ་དེ་སྐད་ཅེས་གསུངས་པ་དེ་དེ་བཞིན་གཤེགས་པས་ཆོས་ཚད་མེད་པ་ཐུགས་སུ་ཆུད་པ། གལ་ཏེ་བདེན་པ་བཞིའི་ནང་དུ་གཏོགས་ན་ནི་དེ་བཞིན་གཤེགས་པས་སྔར་གསུངས་ཀྱང་ལགས།
D119.052.0208a01.01གལ་ཏེ་མ་གཏོགས་ན་ནི་བདེན་པ་ལྔ་མཆིས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་དེ་སྐད་ཅེས་ཞུས་པ་ནི་སེམས་ཅན་ཚད་མེད་པ་ལ་ཕན་པ་དང་བདེ་
D119.052.0208a02.01བའི་དོན་གྱི་ཕྱིར་ཞུས་པ་ལེགས་སོ། །རིགས་ཀྱི་བུ་འདི་ལྟར་ཆོས་ཐམས་ཅད་ནི་འཕགས་པའི་བདེན་པ་བཞིའི་ནང་དུ་གཏོགས་སོ། །འོད་སྲུང་གིས་ཡང་གསོལ་པ། དེ་ལྟར་ཆོས་ཐམས་ཅད་འཕགས་པའི་བདེན་པ་བཞིའི་ནང་དུ་གཏོགས་ན་ཅིའི་སླད་དུ་དེ་བཞིན་
D119.052.0208a03.01གཤེགས་པས་སྨོས་པ་ཙམ་སྟེ་རྒྱས་པར་མ་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེར་གཏོགས་པ་ནི་ཡིན་མོད་ཀྱི་བསྟན་ཅིང་བཤད་པ་ཞེས་མི་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུ་འཕགས་པའི་བདེན་པ་རྟོགས་པ་ལ་ཤེས་
D119.052.0208a04.01རབ་རྣམ་པ་གཉིས་ཏེ། འབྲིང་དང་རབ་བོ། །འབྲིང་ནི་ཉན་ཐོས་དང་རང་སངས་རྒྱས་ཀྱི་ཤེས་རབ་བོ། །རབ་ནི་སངས་རྒྱས་དང་བྱང་ཆུབ་སེམས་དཔའི་ཡེ་ཤེས་སོ། །རིགས་ཀྱི་བུ་ཕུང་པོ་རྣམས་ལ་སྡུག་བསྔལ་བར་རྟོགས་པ་ནི་ཤེས་རབ་འབྲིང་ཞེས་བྱའོ། །ཕུང་པོ་
D119.052.0208a05.01རྣམས་ལ་མཚན་ཉིད་གྲངས་མེད་པར་ཕྱེ་སྟེ། ཐམས་ཅད་སྡུག་བསྔལ་བར་ཤེས་པ་ཉན་ཐོས་དང་རང་སངས་རྒྱས་རྣམས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་ཅེས་བྱའོ། །རིགས་ཀྱི་བུ་དོན་འདི་དག་ནི་མདོ་སྡེ་དག་ལས་ཀྱང་ངས་མ་གསུངས་སོ། །རིགས་ཀྱི་བུ་
D119.052.0208a06.01འཇུག་པ་ཤེས་པ་ནི་སྒོ་ཞེས་ཀྱང་བྱ། སྡུག་བསྔལ་ཞེས་ཀྱང་བྱ་སྟེ། དེ་ནི་ཤེས་རབ་འབྲིང་ཞེས་བྱའོ། །མཚན་ཉིད་རྣམ་པ་སྣ་ཚོགས་སུ་ཕྱེ་སྟེ། ཐམས་ཅད་སྡུག་བསྔལ་བ། ཉན་ཐོས་དང་རང་སངས་རྒྱས་རྣམས་ཀྱིས་ཤེས་པའི་སྤྱོད་ཡུལ་མ་ཡིན་པ་ནི་ཡེ་ཤེས་རབ་
D119.052.0208a07.01