完整藏文原文 · 德格版页 当前仅加载第 52 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འབྱུང་བ་ནི་ཚུལ་ཁྲིམས་ཤིན་ཏུ་སློབ་ཅིང་། ཚུལ་ཁྲིམས་ཉམས་པ་ལ་མི་རྟེན་པ་དང་། གང་ཚུལ་ཁྲིམས་ཀྱི་རྗེས་སུ་གཞོལ་ཞིང་སྤྱོད་པ་མཐོང་ན་རབ་ཏུ་དགའ་བའི་སེམས་སྐྱེ་བ་དང་། དེ་ལྟར་སངས་རྒྱས་ཀྱི་ཆོས་སུ་བྱ་བ་ཀུན་ཤེས་ཤིང་ཤིན་ཏུ་སྟོན་མཁས་པ་
D119.052.0054a01.01ནི་ཚུལ་ཁྲིམས་ཀྱི་སློབ་དཔོན་ཞེས་བྱ་སྟེ། ཡི་གེ་འབྲུ་གཅིག་ཙམ་ལ་ཤིན་ཏུ་མཁས་པའམ། མདོ་སྡེ་ཤིན་ཏུ་འཛིན་པ་ཡང་དེ་དང་འདྲའོ། །དེ་ལྟར་ན་རིགས་ཀྱི་བུ་སངས་རྒྱས་ཀྱི་ཆོས་ཚད་མེད་དེ་བསམ་གྱིས་མི་ཁྱབ་ལ། དེ་བཞིན་གཤེགས་པ་ཡང་བསམ་གྱིས་མི་ཁྱབ་བོ། །དེ་
D119.052.0054a02.01ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་གསོལ་པ། དེ་དེ་བཞིན་ནོ། །དེ་དེ་བཞིན་ཏེ། བཅོམ་ལྡན་འདས་ཀྱིས་བཀའ་སྩལ་པ་བཞིན་ཏེ། སངས་རྒྱས་ཀྱི་ཆོས་བསམ་གྱིས་མི་ཁྱབ་ལ། དེ་བཞིན་གཤེགས་པ་ཡང་བསམ་གྱིས་མི་ཁྱབ་པས་དེ་བས་ན་དེ་
D119.052.0054a03.01བཞིན་གཤེགས་པ་ནི་རྟག་པ་དང་། མི་འཇིག་པ་མི་འགྱུར་བ་སྟེ། བདག་ཀྱང་དེ་ལ་ཤིན་ཏུ་ནན་ཏན་བགྱིད། གཞན་དག་ལ་ཡང་དོན་དེ་དག་རྒྱས་པར་བསྟན་པར་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ཤིན་ཏུ་ལེགས་སོ་ཞེས་
D119.052.0054a04.01བྱ་བ་བྱིན་ནས་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་པའི་སྐུ་ནི་རྡོ་རྗེའི་སྐུ། མི་འཇིག་པའི་སྐུ་སྟེ། བྱང་ཆུབ་སེམས་དཔའ་དག་དེ་ལྟར་ཤིན་ཏུ་བསླབ་ཅིང་མཐོང་བ་དང་ཤེས་པར་བྱའོ། །གང་གིས་དེ་ལྟར་མངོན་པར་ཤེས་ཤིང་མཐོང་བ་ནི་དེ་བཞིན་གཤེགས་པའི་རྡོ་
D119.052.0054a05.01རྗེའི་སྐུ་དང་མི་ཤིགས་པའི་སྐུ་མཐོང་བ་ཞེས་བྱ་བ་སྟེ། ཇི་ལྟར་མེ་ལོང་གི་ནང་ན་གཟུགས་བརྙན་མཐོང་བ་བཞིན་ནོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་རྡོ་རྗེའི་སྐུ་ཞེས་བྱ་བའི་ལེའུ་སྟེ་གཉིས་སོ།། །།དེ་ནས་བཅོམ་ལྡན་འདས་ཀྱིས་འོད་སྲུང་ལ་
D119.052.0054a06.01ཡང་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཀྱིས་མདོ་སྡེ་འདིའི་མིང་དང་ཚིག་དང་། ཡོན་ཏན་རྣམས་ལེགས་པར་ཟུང་ཤིག །རིགས་ཀྱི་བུའམ་རིགས་ཀྱི་བུ་མོ་གང་ཞིག་མདོ་སྡེ་འདིའི་མིང་ཐོས་པ་ཙམ་གྱིས་ཀྱང་ལམ་རྒྱུད་བཞིར་སྐྱེ་བའི་གནས་མེད་དོ། །དེ་ཅིའི་
D119.052.0054a07.01