完整藏文原文 · 德格版页 当前仅加载第 52 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཆུ་བྲུག་ན་ཐམས་ཅད་ཆུས་ཁྱེར་ཏེ། རྒྱ་མཚོར་ཕྱིན་གྱི་བར་དུ་འགྲོ་ཡང་ལྕང་མ་ནི་མ་གཏོགས་ཏེ་རྩ་བ་མཉེན་པའི་ཕྱིར་རོ། །རིགས་ཀྱི་བུ་སེམས་ཅན་ཐམས་ཅད་ཀྱང་དེ་དང་འདྲ་སྟེ། ཐམས་ཅད་འཁོར་བའི་རྒྱ་མཚོར་འབབ་ན་བྱང་ཆུབ་སེམས་དཔའ་སེམས་
D119.052.0193b01.01དཔའ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པ་ནི་མ་གཏོགས་སོ། །འོད་སྲུང་འདི་ལྟ་སྟེ། མཐུ་བོ་ཆེ་ནི་གྱད་ལ་སོགས་པ་ཐམས་ཅད་གདུལ་ནུས་ན། རླུང་ཆེན་པོ་འབའ་ཞིག་ནི་མ་ཡིན་ནོ། །དེ་ཅིའི་ཕྱིར་ཞེ་ན། གཉེན་པོ་མེད་པའི་ཕྱིར་རོ། །
D119.052.0193b02.01རིགས་ཀྱི་བུ་ཤི་བའི་མཐུ་བོ་ཆེ་ཡང་དེ་དང་འདྲ་སྟེ། སེམས་ཅན་ཐམས་ཅད་གདུལ་ནུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པ་ནི་མ་གཏོགས་སོ། །དེ་ཅིའི་ཕྱིར་ཞེ་ན། གཉེན་པོ་མེད་པའི་ཕྱིར་
D119.052.0193b03.01རོ། །འོད་སྲུང་གཞན་ཡང་འདི་ལྟ་སྟེ། དགྲ་སྡང་བ་དག་འཁོན་ཡོད་ཀྱང་དེ་ལས་སྒྱུས་བསྙེན་ཏེ་ཉེ་བའམ་མཛའ་བ་ལྟར་འཆོས་ཤིང་ལུས་ཀྱི་གྲིབ་མ་ལྟར་འགྲོགས་ཤིང་གསད་པའི་གླགས་ཚོལ་ཡང་ཕ་རོལ་པོས་སྔ་ནས་བག་བྱས་ན་གསོད་མི་ནུས་སོ། །རིགས་ཀྱི་བུ་
D119.052.0193b04.01འཆི་བའི་དགྲ་ཡང་དེ་དང་འདྲ་སྟེ། རྟག་ཏུ་སེམས་ཅན་ཐམས་ཅད་གསོད་པའི་གླགས་ཚོལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་ལ་གསོད་ནུས་པ་མ་ཡིན་ནོ། །དེ་ཅིའི་ཕྱིར་ཞེ་ན།
D119.052.0193b05.01བྱང་ཆུབ་སེམས་དཔའ་བག་བྱེད་པའི་ཕྱིར་རོ། །འོད་སྲུང་གཞན་ཡང་འདི་ལྟ་སྟེ། རྡོ་རྗེའི་ཆར་པ་བབ་ན་ཐམས་ཅད་འཇིག་པར་ནུས་ཏེ། ཤིང་དང་ནགས་ཚལ་དང་། ས་དང་བྱེ་མ་དང་གསེག་མ་དང་། གྱོ་མོ་དང་རྡོ་དང་། གསེར་དང་དངུལ་དང་བཻ་དཱུརྱ་ལ་སོགས་
D119.052.0193b06.01པ་ཐམས་ཅད་འཇིག་པར་འགྱུར་གྱི། རིན་པོ་ཆེ་ཡང་དག་པའི་རྡོ་རྗེ་ལ་ནི་མ་ཡིན་ནོ། །རིགས་ཀྱི་བུ་འཆི་བའི་རྡོ་རྗེའི་ཆར་པ་ཡང་དེ་དང་འདྲ་སྟེ། སེམས་ཅན་ཐམས་ཅད་མེད་པར་བྱེད་ནུས་ན། བྱང་ཆུབ་སེམས་དཔའ་རྡོ་རྗེ་ལྟ་བུ་ཐེག་པ་ཆེན་པོ་ཡོངས་སུ་མྱ་ངན་ལས་
D119.052.0193b07.01