完整藏文原文 · 德格版页 当前仅加载第 52 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ཀྱང་སེམས་ཅན་གྱི་འདོད་པའི་ཉོན་མོངས་པས་གདུངས་པ་ཐམས་ཅད་མེད་པར་བྱེད་དོ། །རྒྱལ་པོ་ཆེན་པོ་དཔེར་ན་ཟླ་བ་ཉ་བ་ནི་སྐར་མ་མང་པོའི་རྒྱལ་པོ་ལྟ་བུ་སྟེ། བདུད་རྩིའི་རོ་ལྟ་བུར་སེམས་ཅན་ཐམས་ཅད་དགའ་ཞིང་མོས་སོ། །དེ་བཞིན་དུ་ཟླ་བ་ལྟ་བུའི་
D119.052.0315a01.01ཏིང་ངེ་འཛིན་ཀྱང་དེ་དང་འདྲ་སྟེ། དགེ་བ་ཐམས་ཅད་ཀྱི་རྒྱལ་པོ་བདུད་རྩིའི་རོ་ལྟ་བུ་སྟེ། སེམས་ཅན་ཐམས་ཅད་དགའ་ཞིང་མོས་ཏེ། དེ་བས་ན་ཟླ་བ་ལྟ་བུའི་ཏིང་ངེ་འཛིན་ཅེས་བྱའོ། །རྒྱལ་པོས་སྨྲས་པ། ཁོ་བོས་འདི་སྐད་ཅེས་ཐོས་ཏེ། དེ་བཞིན་གཤེགས་པ་ནི་མི་སྡིག་པ་ཅན་དང་ལྷན་
D119.052.0315a02.01ཅིག་མི་གནས་མི་འགྲོགས་གཏམ་མི་ཟེར་ཏེ། ཇི་ལྟར་རྒྱ་མཚོར་མི་རོ་ཞག་ཏུ་མི་གནས་པ་དང་། བྱ་ངུར་པ་སྐོམ་པའི་སར་མི་གནས་པ་དང་། བརྒྱ་བྱིན་ལྷའི་དབང་ཕྱུག་{ཡི་དགས་,ཡི་དྭགས་}དང་ལྷན་ཅིག་མི་གནས་པ་དང་། བྱ་ཀུ་ཤི་ལ་ཤིང་སྐམ་པོའི་སྟེང་དུ་མི་ཉལ་བ་དང་འདྲའོ་ཞེས་ཐོས་ཏེ།
D119.052.0315a03.01དེ་བཞིན་གཤེགས་པ་ཡང་དེ་དང་འདྲ་ན་བདག་གིས་ཇི་ལྟ་བུར་མཐོང་བར་བྱ། གལ་ཏེ་མཐོང་བར་གྱུར་ན། ཁོ་བོའི་ལུས་སའི་ནང་དུ་མི་ནུབ་བམ། ཁོ་བོས་བལྟས་ན་དེ་བཞིན་གཤེགས་པ་ནི་བལ་གླང་སྨྱོས་པ་དང་། སེང་གེ་དང་སྟག་དང་། སྤྱང་ཀི་དང་མེ་མ་མུར་དང་ཉེ་ཡང་
D119.052.0315a04.01བླའི། མི་སྡིག་ཅན་དང་ནམ་དུ་ཡང་མི་སྟེན་པ་དང་འདྲའོ་སྙམ་སེམས་ཏེ། བདག་གིས་ཇི་ལྟ་བུའི་སེམས་དང་བཅས་ཏེ་དེ་བཞིན་གཤེགས་པའི་སྤྱན་སྔར་འགྲོ་བར་བྱ། འཚོ་བྱེད་ཀྱིས་སྨྲས་པ། རྒྱལ་པོ་ཆེན་པོ་དཔེར་ན་སྐོམ་གྱིས་གདུངས་པ་ནི་མྱུར་དུ་ཆུ་གཙང་མའི་གན་དུ་
D119.052.0315a05.01འགྲོའོ། །བཀྲེས་པ་ཟས་འདོད་པ་དང་། འཇིགས་པ་སྐྱབས་འདོད་པ་དང་། ནད་པ་སྨན་འདོད་པ་དང་། ཚ་བ་གྲིབ་མ་འདོད་པ་དང་། གྲང་བ་མེ་འདོད་པ་དང་འདྲ་བར། དེ་ལྟར་རྒྱལ་པོ་སངས་རྒྱས་འདོད་པ་ཡང་དེ་དང་འདྲ་བར་བྱ་བའི་རིགས་སོ། །རྒྱལ་པོ་ཆེན་པོ་དེ་
D119.052.0315a06.01བཞིན་གཤེགས་པ་ནི་ལོག་སྲེད་ཅན་ལ་ཡང་དམ་པའི་ཆོས་སྟོན་ན། རྒྱལ་པོ་ཆེན་པོ་ལོག་སྲེད་ཅན་མ་ལགས་པ་ལ་ཐུགས་རྗེས་དགོངས་ཤིང་སྐྱབས་མཛད་པ་ལྟ་ཅི་སྨོས། རྒྱལ་པོས་སྨྲས་པ། འཚོ་བྱེད་ཁོ་བོས་སྔོན་འདི་སྐད་ཅེས་ཟེར་བ་ཐོས་ཏེ། ལོག་སྲེད་ཅན་ཞེས་བྱ་བ་ནི་མ་དད་པ།
D119.052.0315a07.01