完整藏文原文 · 德格版页 当前仅加载第 52 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདའ་བར་དགོངས་པར་རིག་པར་བྱའོ། །རིགས་ཀྱི་བུ་མྱ་ངན་ལས་འདའ་བའི་དོན་ནི་སངས་རྒྱས་ཀྱི་ཆོས་ཉིད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཉིད་ཅེས་
D119.052.0047b01.01བགྱི་བའི་དོན་ཇི་ལྟ་བུ་ལགས། བཅོམ་ལྡན་འདས་བདག་ནི་ཆོས་ཉིད་ཀྱི་དོན་ཇི་ལྟ་བུ་ལགས་པ་མི་འཚལ་ན་དེ་བཞིན་གཤེགས་པས་ཐུགས་བརྩེ་བའི་སླད་དུ་རྒྱས་པར་བསྟན་དུ་གསོལ། ཆོས་ཉིད་ཅེས་བགྱི་བ་ནི་ལུས་དང་རྣམ་པར་བྲལ། ལུས་དང་བྲལ་བ་ནི་ཅི་
D119.052.0047b02.01ཡང་མ་མཆིས་པ་སྟེ། ཅི་ཡང་མ་མཆིས་ན་ལུས་ཞེས་བགྱི་བ་ཡང་ཇི་ལྟར་རྣམ་པར་གཞག །ལུས་རྣམ་པར་གཞག་ཏུ་མཆིས་ན་ནི་ལུས་ལ་ཆོས་ཉིད་ཀྱང་མ་མཆིས་པར་འགྱུར་རོ། །ལུས་ལ་ཆོས་ཉིད་ཀྱང་མ་མཆིས་པར་གྱུར་ན་ཇི་ལྟ་བུར་རྣམ་པར་གཞག །བདག་
D119.052.0047b03.01གིས་དོན་དེ་དག་ཇི་ལྟར་རིག་པར་བགྱི་ཞེས་གསོལ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཀྱིས་འདི་ལྟར་ཆོས་ཉིད་དགག་པར་མི་བྱའོ། །ཆོས་ཉིད་ཅེས་བྱ་བ་ལ་ནི་འགོག་པ་མེད་དོ། །རིགས་
D119.052.0047b04.01ཀྱི་བུ་དཔེར་ན་འདུ་ཤེས་མེད་པའི་ལྷ་དག་གཟུགས་ཀྱི་ཕུང་པོ་དང་ལྡན་མོད་ཀྱི། གཟུགས་ཀྱི་འདུ་ཤེས་མེད་པས་ལྷ་དེ་ལ་ནི་ཇི་ལྟར་གནས། བདེ་བ་ལ་ཇི་ལྟར་ལོངས་སྤྱོད། ཇི་ལྟར་འདུ་ཤེས་ལ་སྤྱོད། ཇི་ལྟར་ཐོས་ཤིང་མཐོང་ཞེས་འདྲི་བའི་མི་རིགས་སོ། །རིགས་
D119.052.0047b05.01ཀྱི་བུ་དེ་བཞིན་གཤེགས་པའི་སྤྱོད་ཡུལ་ནི་ཉན་ཐོས་དང་རང་སངས་རྒྱས་ཀྱིས་ཤེས་པ་མ་ཡིན་ནོ། །རིགས་ཀྱི་བུ་དེ་བཞིན་གཤེགས་པའི་སྐུ་ལ་ནི་འགོག་པའི་ཆོས་སོ་ཞེས་སྨྲ་བར་མི་བྱའོ། །རིགས་ཀྱི་བུ་འགོག་པའི་ཆོས་ནི་སངས་རྒྱས་ཀྱི་སྤྱོད་ཡུལ་ཡིན་གྱི། ཉན་
D119.052.0047b06.01ཐོས་དང་རང་སངས་རྒྱས་ཀྱིས་ཤེས་པ་མ་ཡིན་ནོ། །རིགས་ཀྱི་བུ་ཁྱོད་ཀྱིས་ནི། དེ་བཞིན་གཤེགས་པ་ནི་གང་དུ་གནས། གང་དུ་སྤྱོད། གང་དུ་གཟིགས། ཅི་ལ་ལོངས་སྤྱོད་པ་རྟོག་ཅིང་དཔག་པར་མི་བྱའོ། །རིགས་ཀྱི་བུ་དོན་དེ་དག་ནི་ཁྱོད་
D119.052.0047b07.01