完整藏文原文 · 德格版页 当前仅加载第 52 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
བེ་ཏ་ལའི་ཡུལ་ན། གྲོང་ཁྱེར་ཆེན་པོ་ཤུ་པ་ལ་ཞེས་བྱ་བ་ན་ཁྱིམ་བདག་འདོད་པ་ཞེས་བྱ་བ་སྔོན་འདས་པའི་དུས་ན་སངས་རྒྱས་ཚད་མེད་པ་སྙེད་ལ་དགེ་བའི་རྩ་བ་བསྐྱེད་པ་འགྲོ་བ་མང་པོའི་གཙོ་བོར་གྱུར་པ་ཞིག་ཡོད་དོ། །རིགས་ཀྱི་བུ་གྲོང་ཁྱེར་ཆེན་པོ་དེ་ན་གནས་པའི་མི་ཐམས་ཅད་མུ་སྟེགས་
D119.052.0249b01.01ཅན་ལ་ཕྱོགས་ཏེ། གཅེར་བུ་པ་དག་གི་གཡོག་བྱེད་དོ། །དེའི་ཚེ་དེའི་དུས་ན་ཁྱིམ་བདག་དེ་གདུལ་བའི་ཕྱིར་རྒྱལ་པོའི་ཁབ་ནས་གྲོང་ཁྱེར་དེར་གཤེགས་པར་ཆས་སོ། །དེའི་བར་ནི་དཔག་ཚད་དྲུག་ཅུ་རྩ་ལྔ་ཞིག་ཡོད་དེ། དེ་ན་གནས་པའི་སེམས་ཅན་དག་གདུལ་བའི་ཕྱིར་བཅོམ་
D119.052.0249b02.01ལྡན་འདས་འཁོར་དང་བཅས་ཏེ་གོམ་པས་དལ་གྱིས་གཤེགས་སོ། །དེའི་ཚེ་གྲོང་ཁྱེར་ཤུ་པ་ལ་ཞེས་བྱ་བ་ན་གནས་པའི་གཅེར་བུ་པ་རྣམས་ང་འོང་ངོ་ཞེས་ཐོས་ནས། དེ་དག་སེམས་ཀྱིས་འདི་སྙམ་དུ་བསམས་པར་གྱུར་ཏོ། །གལ་ཏེ་དགེ་སྦྱོང་གཽ་ཏ་མ་འདིར་འོངས་ན་འདི་ན་གནས་
D119.052.0249b03.01པ་ཐམས་ཅད་བདག་ཅག་ཀྱང་སྤོང་ཞིང་ཡོ་བྱད་མི་སྟེར་ཏེ། དབུལ་ཕོངས་པར་གྱུར་ན། བདག་ཅག་ཅིས་འཚོ་བར་འགྱུར་སྙམ་བསམས་ནས། གཅེར་བུ་པ་རྣམས་སོ་སོར་ཁ་བཀྲམ་སྟེ། གྲོང་ཁྱེར་དེ་ན་གནས་པའི་མི་རྣམས་ལ་འདི་སྐད་ཅེས་བསྒོའོ། །དགེ་སྦྱོང་གཽ་ཏ་མ་ཞེས་
D119.052.0249b04.01བྱ་བ་དེ་འདིར་འོང་ཞེས་གྲག་གིས། དགེ་སྦྱོང་དེ་ནི་ཕ་དང་མ་ཡང་སྤངས་ནས་གར་ཡང་རྒྱུ་ཞིང་འགྲོ་སྟེ། གང་ནས་གང་དུ་ཕྱིན་པའི་གནས་དེ་དང་དེ་དག་ཏུ་ལོ་ཉེས་པ་དང་མུ་གེ་འབྱུང་བར་བྱེད། ནད་མང་བ་དང་འཆི་བ་མང་བར་བྱེད་དེ། དེ་ལས་ཐར་བ་ཡང་མེད་དོ། །དགེ་
D119.052.0249b05.01སྦྱོང་གཽ་ཏ་མ་མ་རུངས་པ་དེ་ནི་འཁོར་ཡང་སྲིན་པོ་{ཡི་དགས་,ཡི་དྭགས་}མ་རུངས་པ་ཤ་སྟག་ཁྲིད་ཅིང་འོང་ངོ་། །དེ་ལ་ནི་ཕ་ཡང་མེད། མ་ཡང་མེད་དེ། དབུལ་ཕོངས་པས་ཆེད་དུ་འཁོར་འདོད་པའི་ཕྱིར་འོང་ངོ་། །དེས་སྟོན་ཅིང་འཆད་པ་ཡང་{བརྫུན་,རྫུན་}འབའ་ཞིག་ཏུ་ཟད་དེ་གང་དུ་ཕྱིན་
D119.052.0249b06.01ཀྱང་ཐོག་མ་ནས་བདེ་བ་དང་སྐྱིད་པ་མེད་དོ་ཞེས་བསྒྲགས་པས། དེ་དག་གིས་དེ་སྐད་ཐོས་ནས་ཤིན་ཏུ་འཇིགས་སྐྲག་སྟེ། གཅེར་བུ་པའི་རྐང་པ་ལ་སྤྱི་བོས་ཕྱག་འཚལ་ནས་ཕྱིར་འདི་སྐད་ཅེས་སྨྲས་སོ། །སྟོན་པ་ཆེན་པོ་བདག་ཅག་གིས་ཐབས་ཅི་བྱས་ན། དགེ་སྦྱོང་གཽ་ཏ་
D119.052.0249b07.01