完整藏文原文 · 德格版页 当前仅加载第 52 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་དུ་བརྟགས་ན་སེམས་ཅན་གང་ཡང་ངའི་སློབ་དཔོན་དུ་འགྱུར་བ་མེད་མོད་ཀྱི། འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་བསླབ་པའི་གྲྭར་ཞུགས་པ་ཡང་བསྟན་ཏོ། །དེ་བས་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཞེས་བྱའོ། །
D119.052.0065a01.01གླང་པོ་ཆེའི་རྐྱ་བསླབ་པ་དང་། རྟ་གདུལ་བ་དང་། སྟོབས་རྒོལ་བ་དང་། ཉམ་རྩལ་རྣམ་པ་སྣ་ཚོགས་སྦྱང་བའི་བར་དུ་བསྟན་ཏོ། །འཛམ་བུའི་གླིང་དུ་རྒྱལ་ཚབ་ཀྱང་བསྟན་ཏེ། སེམས་ཅན་དག་ང་ལ་རྒྱལ་ཚབ་ཏུ་བཟུང་ནས། འདོད་པ་ལྔ་ལ་རབ་ཏུ་ལོངས་སྤྱོད་པར་ཡང་མཐོང་ངོ་། །
D119.052.0065a02.01ང་ནི་བསྐལ་པ་ཚད་མེད་པའི་བར་དུ་འདོད་པ་ལྔའི་བདེ་བ་ཡོངས་སུ་སྤངས་མོད་ཀྱི། འཇིག་རྟེན་པའི་རྗེས་སུ་དེ་ཡང་བསྟན་ཏོ། །མཚན་མཁན་གྱིས་ངའི་མཚན་བལྟས་པ་ན། གལ་ཏེ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་གྱུར་ཏེ། འཛམ་བུའི་གླིང་ལ་དབང་སྒྱུར་རོ་ཞེས་སེམས་
D119.052.0065a03.01ཅན་ཐམས་ཅད་ཡིད་ཆེས་སོ། །ང་ནི་བསྐལ་པ་ཚད་མེད་པའི་བར་དུ་འཁོར་ལོས་སྒྱུར་བའི་རྒྱལ་པོའི་ཐབས་བཏང་སྟེ། ཆོས་ཀྱི་འཁོར་ལོས་སྒྱུར་བའི་རྒྱལ་པོར་ཞུགས་སོ། །འཛམ་བུའི་གླིང་ན་བུད་མེད་མང་པོ་དང་འདོད་པ་ལྔ་སྤངས་ཏེ། རྒ་བ་དང་ན་བ་དང་། འཆི་བ་དང་། དགེ་
D119.052.0065a04.01སྦྱོང་མཐོང་ནས་རབ་ཏུ་བྱུང་བ་བསྟན་པས་སེམས་ཅན་ཐམས་ཅད་ཀྱིས་རྒྱལ་ཚབ་བཟང་སྦྱིན་གདོད་རབ་ཏུ་འབྱུང་ངོ་ཞེས་ཟེར་རོ། །ང་ནི་བསྐལ་པ་ཚད་མེད་པའི་བར་དུ་རབ་ཏུ་བྱུང་སྟེ་ལམ་བསྒོམས་ཀྱང་། འཇིག་རྟེན་པའི་རྗེས་སུ་འཐུན་པར་བྱ་བའི་ཕྱིར་དེ་ཡང་མངོན་པར་བསྟན་ཏོ། །ངས་
D119.052.0065a05.01འཛམ་བུའི་གླིང་དུ་ཁྱིམ་ནས་ཁྱིམ་མ་ཡིན་པར་རབ་ཏུ་བྱུང་ནས་བསྙེན་པར་རྫོགས་ཏེ་ལམ་ལ་ཤིན་ཏུ་ནན་ཏན་བྱས་པས། རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་ལྡོག་པའི་འབྲས་བུ་དང་། ཕྱིར་མི་ལྡོག་པའི་འབྲས་བུ་དང་། དགྲ་བཅོམ་པའི་འབྲས་བུའི་བར་དུ་ཐོབ་པ་
D119.052.0065a06.01བསྟན་ཏེ། སོ་སོའི་སྐྱེ་བོ་དག་ནི་དགྲ་བཅོམ་པའི་འབྲས་བུ་ཐོབ་པར་མི་དཀའ་སྟེ་སླ་བ་ཞིག་གོ་སྙམ་དུ་སེམས་སོ། །ང་ནི་བསྐལ་པ་གྲངས་མེད་པའི་སྔ་རོལ་དུ་དགྲ་བཅོམ་པའི་འབྲས་བུ་ཐོབ་ཀྱང་སེམས་ཅན་གདུལ་བའི་ཕྱིར་དེ་ཡང་བསྟན་ཏོ། །སྙིང་པོ་བྱང་ཆུབ་ཀྱི་ཤིང་དྲུང་དུ་
D119.052.0065a07.01