完整藏文原文 · 德格版页 当前仅加载第 52 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
ཡན་ལག་ལྔ་ཡང་ཆུ་ཤིང་ལྟ་བུར་གཡོས་ནས་ཡར་བལྟས་ཏེ། འདི་སྐད་དུ་སྨྲ་བ། གཟུགས་ནི་མ་མཐོང་གི་སྐད་འབའ་ཞིག་གྲག་པ་འདི་སུ་ཡིན་ཞེས་སྨྲས་སོ། །རྒྱལ་པོ་ཆེན་པོ་ཁོ་བོ་ནི་ཁྱོད་ཀྱི་ཕ་གཟུགས་ཅན་སྙིང་པོ་ཡིན་གྱིས། ཁྱོད་འཚོ་བྱེད་ཀྱི་ཚིག་ཉོན་ཅིག །ངན་
D119.052.0313b01.01པར་ལྟ་བ་སྟོན་པ་དྲུག་གི་ཚིག་ནི་མ་ཡིན་ནོ། །རྒྱལ་པོས་དེ་སྐད་ཅེས་གྲག་པའི་ཚིག་ཐོས་མ་ཐག་ཏུ་བརྒྱལ་ནས་ས་ལ་འགྱེལ་ཏེ། ལུས་ཀྱི་འབྲུམ་བུ་ཡང་སྐྱེས་ནས་སྔ་མ་ལས་ལྷག་པར་མནམ་ཞིང་བཙོག་པར་གྱུར་ཏེ། བསིལ་སྨན་གྱིས་བསྐུས་ཀྱང་འབྲུམ་བུ་ལྷག་པར་
D119.052.0313b02.01ཚ་བར་གྱུར་གྱི་འཚོ་བ་ནི་མེད་དོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་ཉི་ཤུ་རྩ་བདུན་པ། དེའི་ཚེ་ན་བཅོམ་ལྡན་འདས་སྟོན་པ་ཐུགས་རྗེ་ཆེན་པོ་རྒྱལ་པོ་མ་སྐྱེས་དགྲའི་ཕྱིར་ཟླ་བ་ལྟ་བུའི་ཏིང་ངེ་འཛིན་ལ་ཞུགས་སོ། །ཏིང་
D119.052.0313b03.01ངེ་འཛིན་ལ་ཞུགས་ནས་འོད་ཟེར་ཆེན་པོ་བཏང་ངོ་། །འོད་ཆེན་པོ་ཤིན་ཏུ་སིམ་པ་དེས་རྒྱལ་པོའི་ལུས་ལ་རེག་ནས་ལུས་ཀྱི་འབྲུམ་བུ་སོས་ཏེ་ཚ་བས་གདུངས་པ་ཡང་ཡེ་ཞི་བར་གྱུར་ཏོ། །རྒྱལ་པོས་འབྲུམ་བུ་སོས་ཤིང་ལུས་ཀྱི་ཡན་ལག་བསིལ་བར་ཚོར་ནས་འཚོ་བྱེད་ལ་འདི་སྐད་
D119.052.0313b04.01ཅེས་སྨྲས་སོ། །སྔོན་མཁས་པ་དག་འདི་སྐད་ཅེས་ཟེར་རོ། །བསྐལ་པ་ཟད་དུ་ཉེ་བ་ན། ཟླ་བ་གསུམ་ཅིག་ཅར་འབྱུང་སྟེ། དེའི་ཚེ་ན་སེམས་ཅན་ཐམས་ཅད་ཀྱི་ན་བ་དང་སྡུག་བསྔལ་ཀུན་ཞི་བར་འགྱུར་རོ། །དེའི་དུས་ལ་ད་དུང་མ་བབ་པར་འོད་འདི་ག་ལས་བྱུང་ན་ངའི་
D119.052.0313b05.01ལུས་ལ་རེག་ནས་འབྲུམ་བུའི་སྡུག་བསྔལ་བྱང་ཞིང་ལུས་བདེ་བར་གྱུར། འཚོ་བྱེད་ཀྱིས་སྨྲས་པ། འདི་ནི་བསྐལ་པ་ཟད་དུ་ཉེ་བའི་ཚེ་ཟླ་བ་གསུམ་ཅིག་ཅར་བྱུང་བ་མ་ཡིན། མེ་དང་ཉི་མ་དང་སྐར་མ་དང་སྨན་དང་། ནོར་བུ་རིན་པོ་ཆེ་དང་ལྷའི་འོད་ཀྱང་མ་ཡིན་ནོ། །རྒྱལ་པོས་ཡང་
D119.052.0313b06.01སྨྲས་པ། ཟླ་བ་གསུམ་དང་ནོར་བུ་རིན་པོ་ཆེ་ལ་སོགས་པའི་འོད་མ་ཡིན་ན། འོ་ན་འདི་སུའི་འོད། སྨྲས་པ། རྒྱལ་པོ་འདི་ནི་ལྷའི་ལྷས་བཏང་བའི་འོད་ཡིན་པར་རིག་པར་བྱའོ། །འོད་འདི་ནི་རྩ་བ་མེད། མཐར་ཐུག་པ་མ་ཡིན། ཚ་བ་མ་ཡིན། གྲང་བ་མ་ཡིན། རྟག་པ་མ་ཡིན།
D119.052.0313b07.01