完整藏文原文 · 德格版页 当前仅加载第 52 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
འདའ་བར་བཞུགས་སུ་གསོལ་བར་བྱའོ། །ཀྱེ་གྲོགས་མོ་དག་སངས་རྒྱས་བཅོམ་ལྡན་འདས་འཇིག་རྟེན་དུ་གཤེགས་པའང་ཤིན་ཏུ་དཀའ། མཆོད་པ་ནང་གི་ཐ་མ་བཤམས་ཏེ་འབུལ་བ་ཡང་ཤིན་ཏུ་དཀའོ། །གལ་ཏེ་བཅོམ་ལྡན་འདས་མྱ་ངན་ལས་འདས་ན་འཇིག་རྟེན་སྟོངས་པར་
D119.052.0009b01.01འགྱུར་རོ་ཞེས་སྨྲས་སོ། །ལྷའི་བུ་མོ་དེ་རྣམས་ཀྱང་ཐེག་པ་ཆེན་པོ་འདོད་པ། ཐེག་པ་ཆེན་པོ་ཐོས་པར་མོས་པ། ཐོས་ནས་ཀྱང་གཞན་ལ་རྒྱ་ཆེར་སྟོན་ནུས་པ། ཐེག་པ་ཆེན་པོ་ལ་སྐོམ་པས་གདུངས་པ་ལྟར་གྱུར་ཅིང་། བདག་ཤིན་ཏུ་ངོམས་པ་ལྟར་སྐོམ་པས་གདུངས་པ་གཞན་དག་
D119.052.0009b02.01ཀྱང་ངོམས་པར་བྱེད་པ། ཐེག་པ་ཆེན་པོ་ལ་སྐྱོབ་པ། སློབ་པ་གཞན་ལ་ཞུགས་པ་དག་ཐེག་པ་ཆེན་པོ་ལ་སུན་འབྱིན་ཅིང་ཕྲག་དོག་བྱེད་པ་ཡོད་ན་ཇི་ལྟར་རྩྭ་ལ་སེར་བ་བབ་པ་བཞིན་དུ་ཤིན་ཏུ་ཐུལ་བ། ཚུལ་ཁྲིམས་ཡོངས་སུ་སྲུང་བ། སྤྱོད་ལམ་དང་ལྡན་པ། འཇིག་རྟེན་ཐམས་ཅད་ཀྱི་
D119.052.0009b03.01ཡིད་དང་སྦྱོར་བ་ལ་ཤིན་ཏུ་མཁས་པ། མ་དུལ་བ་རྣམས་འདུལ་བ། མ་གྲོལ་བ་རྣམས་འགྲོལ་བར་བྱེད་པ། ཕྱི་མ་མ་འོངས་པའི་དུས་སུ་ཆོས་ཀྱི་འཁོར་ལོ་སྐོར་ཞིང་། དཀོན་མཆོག་གསུམ་གྱི་གདུང་རྒྱུན་མི་འཆད་པར་འཚོབ་པ། ཐེག་པ་ཆེན་པོ་ལ་ནན་ཏན་བྱེད་ཅིང་། རྒྱན་
D119.052.0009b04.01ཆེན་པོས་ཤིན་ཏུ་བརྒྱན་པ། དེ་ལྟ་བུའི་ཡོན་ཏན་ཚད་མེད་པ་དང་ལྡན་པ། སེམས་ཅན་ཐམས་ཅད་ལ་ཡང་བུ་གཅིག་དང་འདྲ་བར་བྱམས་པ་ཤ་སྟག་སྟེ། དེ་དག་ཀྱང་སྔ་དྲོའི་དུས་ཉི་མ་ཐོག་མ་ཤར་བ་ན་སོ་སོ་ནས་རྣམ་པ་སྣ་ཚོགས་ཀྱི་ལྷའི་ཤིང་བསུང་ཅན་བཤམས་པ་ནི་མིའི་ཤིང་
D119.052.0009b05.01བསུང་ཅན་ལས་ཁྱད་པར་དུ་གྱུར་པ་ཤིང་གི་བསུང་དེས་མིའི་འཇིག་རྟེན་ན་མནམ་ཞིང་དྲི་མི་ཞིམ་པ་ཐམས་ཅད་ཞི་བར་བྱེད་པ། ཤིང་རྟ་དཀར་པོ་ལ་གདུགས་དཀར་པོ་བྲེས་ཏེ་རྟ་དཀར་པོ་བཞིས་དྲངས་པ། ཤིང་རྟ་དེ་རེ་རེའི་སྟེང་ཡང་གུར་དཀར་པོ་ཕུབ་པ་ལ་གུར་གྱི་མཐའ་མ་ཡང་གསེར་གྱི་དྲིལ་
D119.052.0009b06.01བུ་སྤྱངས་པ། རྣམ་པ་སྣ་ཚོགས་ཀྱི་སྤོས་དང་། མེ་ཏོག་དང་། རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་། ཞལ་ཟས་མཆོག་དམ་པ་དང་། རོལ་མོའི་རྣམ་པ་སྣ་ཚོགས་བཤམས་ཏེ། སེང་གེའི་གདན་བཏིང་ངོ་། །སེང་གེའི་གདན་གྱི་རྐང་པ་བཞི་ཡང་བཻ་དཱུརྱ་
D119.052.0009b07.01