完整藏文原文 · 德格版页 当前仅加载第 52 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྤྲུལ་པ་ཤ་སྟག་སྟེ། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར། དགའ་བར་བྱ་བའི་ཕྱིར་མངོན་པར་སྤྲུལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་སྤྱོད་པ་བསམ་གྱིས་མི་ཁྱབ་སྟེ། ཚད་མེད་པའི་སངས་རྒྱས་ཀྱི་མཛད་པ་ཤ་སྟག་གོ། །ཙུན་ད་
D119.052.0160b01.01ཁྱོད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་པ་དང་ལྡན་ཏེ། ས་བཅུ་ལ་རབ་ཏུ་གནས་པས་བྱང་ཆུབ་སེམས་དཔའི་སྤྱོད་པ་རྫོགས་པར་ལྡན་ནོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། དེ་དེ་བཞིན་ནོ། །དེ་དེ་བཞིན་ཏེ།
D119.052.0160b02.01བཅོམ་ལྡན་འདས་ཀྱིས་གསུངས་པ་བཞིན་ནོ། །ཙུན་ད་འདི་ནི་སྤྱོད་པ་ཐམས་ཅད་བྱང་ཆུབ་སེམས་དཔའི་སྤྱོད་པ་དང་ལྡན་ཏེ། བདག་ཅག་རྗེས་སུ་ཡི་རང་ངོ་། །དེ་བཞིན་གཤེགས་པས་ཕྱི་མ་མ་འོངས་པའི་སྐྱེ་བོ་ཚད་མེད་པ་ལ་སྣང་བ་ཆེན་པོ་མཛད་པའི་སླད་དུ་ཐེག་པ་ཆེན་པོའི་མདོ་སྡེ་
D119.052.0160b03.01ཡོངས་སུ་མྱ་ངན་ལས་འདས་པ་ཆེན་པོ་གསུངས་སོ། །བཅོམ་ལྡན་འདས་མདོ་སྡེ་ཐམས་ཅད་ལས། བཅོམ་ལྡན་འདས་ཀྱིས་གསུངས་པ་ལྷག་མ་དང་བཅས་པའི་དོན་ལགས་སམ། ལྷག་མ་མ་མཆིས་པའི་དོན་དུ་གསུངས་པ་ལགས། བཅོམ་ལྡན་འདས་ཀྱིས་བཀའ་སྩལ་པ།
D119.052.0160b04.01རིགས་ཀྱི་བུ་ངས་གསུངས་པ་ནི་ལྷག་མ་དང་བཅས་པ་ཡང་ཡོད་ལ། ལྷག་མ་མེད་པའི་དོན་ཡང་ཡིན་ནོ། །དེ་ནས་ཙུན་དས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་གསུངས་པ་ལྟར་ཟང་ཟིང་བདོག་པ་ཐམས་ཅད་སྦྱིན་པ་བྱིན་པ་ནི་བསྔགས་ཤིང་བསྟོད་མོད་ཀྱི།
D119.052.0160b05.01རྣམ་པར་སྨོད་པར་མི་བྱའོ། །ཞེས་བཅོམ་ལྡན་འདས་ཀྱིས་གསུངས་པའི་དོན་ཇི་ལྟ་བུ། ཚུལ་ཁྲིམས་དང་ལྡན་པ་དང་ཚུལ་ཁྲིམས་ངན་པ་ཅན་ལ་བྱེ་བྲག་གི་ཁྱད་པར་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། རྣམ་པ་གཅིག་པུ་མ་གཏོགས་པར་སྦྱིན་པ་གཞན་
D119.052.0160b06.01ཐམས་ཅད་ལ་བསྟོད་ཅིང་བསྔགས་སོ། །ཙུན་དས་གསོལ་པ། གཅིག་པུ་མ་གཏོགས་ཞེས་བགྱི་བ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་ནི་མདོ་སྡེ་འདི་ལས་གང་ཚུལ་ཁྲིམས་ངན་པ་ཅན་དུ་གསུངས་པའོ། །ཙུན་དས་ཡང་གསོལ་པ། བཅོམ་ལྡན་
D119.052.0160b07.01